Mark 12:14 - l'taamitsinikssin Mark manistaitsinikatoohpiayi 1972

¹⁴ Ota̱i'to'toohsawa Jesus, itani̱stsiiyawayi, “Aissksinima̱atstohki̱, ni̱tssksiniihpinnaan kima̱taiko̱'pohpa ka̱hksi̱'powatoohsi ama̱nissini. Kima̱ta'pa̱i̱tsiihtata̱wa mata̱piiwa kanista̱i̱ksim'sta̱a̱yiihpi; kita̱i̱ssksinima̱atsiisawa oma̱ A'pistotookiwa o̱noohkanistaiksim'sta̱kihpi a̱hkanistsipaitapiiyo'pi. Okki. Asaa kanikkinnaana a̱hkstai'ksisstoyitsiponihtao'si niipa̱i̱tapiyiponihtaani Rome istsi̱sttsipihkini̱i̱naayi.”

Mark 12:14 Iomraidhean Croise

Mark 12:13

Pa̱htsikoohkima̱ayawa, ki itsita̱psskakkiiyawayi o̱miksi atsi̱moyihkaohkanakka̱a'tsiyiks niitsi̱nihkatayawa ‘Pharisees’ ki oma̱ isttsi̱pihkini̱i̱naawa Herod oma̱nikapiimiksi, itssa̱aksi̱kkiaakatsiiyawa Jesus omi̱ o̱mohtsopowahtsiisatahpoaayayi.

Mark 12:15

Ki oma̱ Jesus itoni̱mma ota̱i̱ssaaksikkiaka̱yissaiksi. (Niitsitsi̱i̱htaayawa ota̱yaakaniihpi a̱kohtsitsipahtsi̱i̱pioohsiiwayi.) Itani̱stsiiwaiksi, “Ani̱stsinomookik iihta̱ohpommao'pi.”

Mark 14:45

Oki, oma̱ Judas itsita̱poowa omi̱ Jesus; itani̱stsiiwayi, “Oki, a̱i̱ssksinimaatstohki̱i̱”; itata̱tohkokini̱nniiwayi itssi̱noy'sskippiiwayi.