Nómba 8:6 - Bokyi Bible

⁶ fîm banet ḿbé Lyíva ké burwám-banet-Ézerel ḿbé áku a-tî kámbé cát, a-soo kámbé byiko,

Nómba 8:6 Iomraidhean Croise

Jêmsyi 4:8

Bâ n̂g ba-kâm Osówo fáráng, ne nyǐ o/chi o-bâ o-kâm běn fáráng. Soo n̂g abwô enen, ǎ banchi byibî. Soo n̂g atyém enen, ǎ bannîm banet.

2 Koríntyan 7:1

Kángkáng byěm ḿbyín ḿbyí Osówo o/ryí ocím, o/tî bě be, ǎ bacín-dyityém ejí. Ké bubwô ámbu kâng, bâ n̂g byi-soo enyam-byiko eten ne basun eten ké kángkáng byěm-ociring. Bâ n̂g byi-kyú kerededet ké dyikpen ńdyí dyi/kwárê ne Osówo, ké dyikpen ekyú ne bushî ḿbú Osówo.

Azáya 52:11

Ben kángkáng ḿbé bamu ba-níbî ng byěm ḿbyí kiǐtí-kyise-kyifen-Osówo echi, dim m̂ ké Bábyílon. *Da n̂g echi ba-ta chwǒm-ociring nang kyibónge*. Tî n̂g byiko enen kpárám, ba-dim.

Ézódos 19:15

ne Músis o-sét kámbé o/fu, ací afee kpá n̂g byiko, *da n̂g echi ba-ryí kabîbî*.

Nómba 3:6

kó kyikû-banet ńkyí Lyíva ba-bâ ba-kâm ǒ, a-chi kámbé ba-firi bǎmgbán ḿbé Éron mú nchi kyifen ejí.

Nómba 8:5

Óburúkpâbí o-raa ne Músis o/fu,

2 Korónyíkil 29:11

Bwǎn ejí, *da n̂g ebên nkéré*. Ben nké Óburúkpâbí oo/cá běn o/fu, bakûshí burwan ba-kye ǎ, ba-kûtông to banet bukwóp ké nkéré ba-kú ba-kyâ ǎ ofê.

Lyívyítyíkus 14:11

Nchi kyifen-Osówo okúng onet ámu ne byěm-kyifen emen o-ca ne nyǐ ké ocím-dyifyi-mpyep mú Óburúkpâbí odakyú.

Dyitórónómyi 10:8

Ké [kaku ńké Sána] nké Óburúkpâbí o/fîm banet ḿbé kyikû-banet ńkyí Lyíva o/fu, bakûtún mkpukpu-byěm emen ámu, ba-kûchi bǎmkpóngé ba-kyâ ǎ wǎ banchi kyifen emen, ba-kûkúng dyizîn emen ba-jware ng banet. Bǎmkpóngé ḿbén nké mbé ba/tôong ba-chi i.

Máláka 3:3

Nyǐ o/chi o-ba-pan banet mpan wǎ onet mú odabwât syílyíba o-chi o-kûnwa o-shwôm. Eringe nyí nree bure odabwât syílyíba ne gûl o-chi byi-firi kanong, éné to nké onet-kyitwóm mú Óburúkpâbí o/chi o-bwât banchi kyifen-Osówo ba-firi kanong, eringe nyí mbé badakûman echi byifen ḿbyí byinong ba-kye Óburúkpâbí.