Nómba 8:2 - Bokyi Bible

² sét Éron a/fu, ké nkéré nyǐ o-kú o-twôom m etyuryíkáng ké kyikwap emen, otî kányí eringe nyí kiinwángé kyidasan kyi-jâ ké kashú.

Nómba 8:2 Iomraidhean Croise

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 119:105

Ejá eyên nyi mě wǎ kiinwángé-otyuryíkáng ńkyí kyida mě etông kiǐfáng.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 119:130

Kyikû-byěm ḿbyí amu a-tángê e mbyi byi-tông ng kiinwángé, ne mbyi byi-kyâ banet ḿbé baa*nyît chwǒm* bubong.

Ézódos 25:37

Chi etyuryíkáng káchâtkányi nyí badakûtwôom ké kyikwap ánkyi, a-tî kányí eringe nyí edakûmang e-tông ng okwâ ké kashú.

Ézódos 37:23

O-chi etyuryíkáng káchâtkányi nyí badatwôom ké kyikwap ánkyi, o-chi chwǒm ńkyí badarîp okwâ ne boǒcáng emen ké gûl mú onong onong.

Ézódos 39:37

ne kyikwap-etyuryíkáng ńkyí ba/chi ké gûl mú onong onong, ne etyuryíkáng emen ne kángkáng byipang emen ne bakút ḿbé badafé ké etyuryíkáng.

Ézódos 40:25

ne o-waa ányi ké bushú ḿbú Óburúkpâbí o-mee etyuryíkáng, wǎ eringe nyí Óburúkpâbí o/mû o/sét ǎ.

Azáya 8:20

Ben ba-man ba-faa kámbé ejá ba/fu, fwôo n̂g atông ba-jwo ńkyí Óburúkpâbí mu o-tángê e běn. *Da n̂g ejwo bansô epé* ké nǎ, ńkyí mbe ba-sét ng běn kii*ba/chi kyi-chwáp běn*.]

Lyívyítyíkus 24:4

Éron nké o/chi o-kûtún etyuryíkáng ányi nyí ba/twôom ké kyikwap-etyuryíkáng ńkyí ba/chi ké gûl mú onong onong, ne o-man o-ri o/fu, nyi e-mang ng kángkáng nkéré ké bushú ḿbú Óburúkpâbí.

Nómba 8:1

Óburúkpâbí o-raa ne Músis o/fu,

Nómba 8:3

Éron o-chi eringe ba/fu, ochi, ne o/tî etyuryíkáng e-bírî kashú kyicê ńkyí kyikwap ńkyí badatwôom etyuryíkáng.

Mátyuu 5:14

Ben bamu wǎ kiinwángé ńkyí kyidasan kángkáng ejíí. Oshê mú ba/bi kámú ké kaku oo*nwa erôo*.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 1:9

Ejá ńnyín nké nyi ochíchí-kiinwángé ńkyí nkyi kyi-bâ ké ejíí, ne kyi-kûsan kángkáng banet ké byiko.

2 Pyíta 1:19

Ké bubwô ámbu kâng, be byimu dyityém dyibónge byi-shwôm oshwǒm ké kyitwóm ńkyí bamkpábé ḿbé badasét byiraa-Osówo ba/sét. Ben ba/chi ba-chi kanong ńkyí ben badafwôo atông ké nkyí, ké nǎ, kyitwóm ánkyi nkyi wǎ otyuryíkáng mú mu o-san n ké kyikit-kyifip tete Dyicí dyi-cé, ne kiinwángé-ókpére-dyicófóróng kyi-san běn ké atyém.

Revelíshon 1:12

Ne m-bírî kâng n/fu, n-ri ng onet ámu mú mu o-raa ng ne me éné. Ányi nké n/ri kâng byichí káchâtkányi ḿbyí badatwôom otyuryíkáng, ḿbyí ba/chi ké gûl.

Revelíshon 1:20

Nyín něen kyikû-chwǒm ńkyí nkyi ké kadip kyi-kim ne ékpére káchâtkányi nyí wo amu a-ri ng ké bubwô-etyebéng ejí, ne byichí káchâtkányi ḿbyí ba/chi ké gûl ḿbyí badatwôom otyuryíkáng. Ékpére ńnyín káchâtkányi, ányi kyi/byí, barím ḿbé banong káchâtkányi ḿbé byise-ékwâbashi ámbyi káchâtkányi nyí Karâs. Byichí káchâtkányi ḿbyí badatwôom otyuryíkáng, ányi byise-ékwâbashi nyí Karâs ámbyi.

Revelíshon 4:5

Kasabang ka-kédê ké kakyúng-butu ne kyicoge ne kyirime-etare. Baka ba/mû ányi káchâtkányi ḿbé mbe ba-mang ng ké bushú-kakyúng-butu. Ḿbén ba/mû basun ámbe káchâtkányi ḿbé Osówo.