Nómba 8:12 - Bokyi Bible

¹² Banet-Lyíva kâng ba/chi ba-twôom abwô ebe ké ashí nyí batyép-bampong ámbe bafee. Kúng obónge a-chi kyifen-byibî efîm, ne mú áku a-chi kyifen ńkyí badashí kyirim-enyam, eringe nyí ba/chi ba-chi kyifen ńkyí badasoo banet-Lyíva byiko.

Nómba 8:12 Iomraidhean Croise

Ézódos 29:10

Bâ ne kyisu-otyép-mpong ké bushú-mpyep mú ndakyú, a-sét Éron ne bwǎn emen ba-twôom abwô ebe ké dyishí emen.

Lyívyítyíkus 1:4

Onet ámu oyip bubwô emen o-twôom kámú ké dyishí, ne Óburúkpâbí o/chi o-koo kámú wǎ kyifen ńkyí kyi/chi kyi-soo ǎ byibî.

Lyívyítyíkus 14:22

Obâ to ne ámalê afee nang bootǒmtǒm bufee, kabónge ńké odachi kyifen-byibî efîm, ńké kabónge ńké odachi kyifen ńkyí badashí kyirim-enyam.

Lyívyítyíkus 16:11

 Éron o/yip mpong o-chi kyifen ńkyí byibî efîm ḿbyí emen ne ḿbyí kyikû-banet emen,

Lyívyítyíkus 16:21

O/chi o-yip abwô emen o-twôom ebû ányi ké dyishí o-bwom ányi o-sét kángkáng byibî ḿbyí banet-Ézerel baa/chi ne anwa nyí baa/bírî ne Óburúkpâbí, kyi-fím ányi o-fîm byibî ámbyi o-fé ebû ányi ké dyishí. Â o/chi éné, ofîm onyinchéng obónge mú odaró ebû ányi e-jâ ké kyikim-dyikán.

Lyívyítyíkus 16:6

Oyip otyép-mpong o-chi kyifen ńkyí kyidafîm byibî ḿbyí emen nyǐ oyén ne ḿbyí kyikû-banet emen.

Lyívyítyíkus 4:15

Banet-ashí-oshê-Ézerel bayip abwô ebe ba-twôom kánkyí ké dyishí, ba-ju kánkyí ányi.

Lyívyítyíkus 4:20

Ochi eringe ebónge ne kyisu-mpong ńkyín wǎ eringe odachi ne kyisu-mpong ńkyí kyifen ńkyí byibî epwoo, ne ké bukwóp ámbu, o/chi o-chi kyifen-kyibî ńkyí kángkáng banet, ne n/chi m-pwoo kámbé ké kyibî ebe.

Lyívyítyíkus 4:35

Ofîm kâng kángkáng bafwám emen, wǎ eringe nyí badafîm bafwám ḿbé etám-ebû nyí badaju ké kyifen echi ńkyí okwáre ne Óburúkpâbí, o-shí kámbé ké kyikit-kyifen echi, cibicibi ne kyifen-byiryíng ńkyí badachi ba-kye Óburúkpâbí. Ké bukwóp ḿbún nké nchi kyifen-Osówo odachi kyifen-kyibî ńkyí onet ámu, ne n/chi m-pwoo ǎ ké kyibî emen ánkyi.

Lyívyítyíkus 4:4

O-bâ ne kyisu-mpong ánkyi ké ocím-dyifyi-mpyep, o-yip bubwô emen o-twôom kánkyí ké dyishí, o-ju kánkyí ányi ké bushú-Óburúkpâbí.

Lyívyítyíkus 5:7

 onet ámu oo*já ebúbǔu* nang etám-ebû* o-man n ebê ne ámalê afee nang bootǒmtǒm bufee o-ba-kye Óburúkpâbí ké dyishí-kyibî emen. Kanurung kabónge bachi kyifen-kyibî epwoo, ńké kabónge ba-chi kyifen ńkyí badashí kyirim-kanurung kyimúmú.

Lyívyítyíkus 8:14

Ne Músis kâng o-bâ ne kyisu-otyép-mpong, ne Éron ne bwǎn emen ba-twôom kánkyí abwô ké dyishí.

Lyívyítyíkus 8:15

Músis o-ju kánkyí, o-kúng kyicê-baróng o-lip kafwa ké mbé o-sabe ké etwóm nyí nyi ké bakô-kyikit-kyifen echi, eringe nyí odajware kánkyí. O-kúng kyicê-baróng ńkyí kyi/waa o-pwó ké kyikû-kyikit-kyifen echi. Ké bukwóp ḿbún, o-jware kánkyí, o-fîm byibî ké nkyí.

Lyívyítyíkus 8:18

Ké nnyinyěng, Músis o-bâ ne otyítǎm mú badachi kyifen ńkyí badashí kyirim-enyam kyimúmú, ne Éron ne bwǎn emen ba-twôom abwô ebe ké dyishí emen.

Lyívyítyíkus 8:34

Óburúkpâbí nké o/kye bě busa o/fu, be byichi ńkyí bii/chi kurún, eringe nyí oda běn efîm byibî enen ké byiko.

Lyívyítyíkus 9:7

Ne o-raa ne Éron o/fu, ca ké kyikit-kyifen echi a-da-chi kyifen ńkyí kyidafîm byibî ne ńkyí badashí kyitú, eringe nyí Óburúkpâbí oda ǒ efîm byibî ne ḿbyí banet-Ézerel. Chi kyifen ńkyín ńkyí kyidafîm byibî ḿbyí banet-Ézerel, wǎ eringe nyí Óburúkpâbí oo/sét.

Nómba 6:14

o-da-kye Óburúkpâbí byitú byichât ḿbyí byi*fí ne kyinêm* otyép-wǎn-etám-ebû obónge mú oo/rí dyije, mú badakúng ba-chi kyifen ńkyí badashí kyirim-enyam, ne buma-wǎn-etám-ebû bubónge ḿbú boo/rí dyije, ḿbú badakúng ba-chi kyifen-byibî efîm, ne otyítǎm obónge mú badakúng ba-chi kyifen ńkyí okwáre ne Óburúkpâbí.

Nómba 6:16

Nchi kyifen-Osówo o/chi o-kúng kámbyí kángkáng o-kye Óburúkpâbí ne o-chi kyifen-byibî efîm ńkyí badashí kyirim-enyam.

Nómba 8:13

Jware banet-Lyíva a-kye mě wǎ kiǐtí-eyáré, a-tî kámbé Éron ne bwǎn emen wǎ banet-ashí ebe.

Nómba 8:8

Mbé ba/chi ba-kúng kâng kyisu-otyép-mpong ne eyáré-esang-byichí nyí filáwa mú badachi berêt, mú baa/chwáp kámú ne bakút-ólif, a-kúng to otyép-mpong okíri obónge mú kyifen-byibî efîm.

Hyíburus 9:22

Ké ntûntû, wǎ eringe Nwet-Byije-Músis o/sét, baróng ba-chi i nang kángkáng byěm byi-cé, ne Osówo o-pwoo ng byibî, â baróng ba/byí.