Nómba 7:9 - Bokyi Bible

⁹ Nké Músis o*da/kye banet-Kóhat mútu nang obónge* nang mpong nang obónge* ké nǎ, byěm-ociring ḿbyí mbé badatún, ba-tû ng kámbyí ké byikem, *chí ké mútu*.

Nómba 7:9 Iomraidhean Croise

2 Sámwel 6:13

Nkéré mú banet ḿbé ba/kúng kámú baa/zú abe nyâchât, Otu Dívit o-sét kámbé o/fu, babwom, o-chi kyifen o-kye Óburúkpâbí ké otyép-mpong ne kyisu-mpong ńkyí kyinong kyinong.

2 Sámwel 6:3

Ba-yip kámú ké kyise ńkyí Abyínadap, kyíbóng-kaku, ba-fé ké mútu mú ofyîfî, mú bampong badatut. Óza ne [Áho] ḿbé bwǎn-Abyínadap nké ba/mû mbe ba-tông ng mútu ámu bukwóp,

2 Sámwel 6:6

Nkéré mú ba/daribi ké kyikit ńkyí badakim esang-byichí, ńkyí Nákon, bampong ba-kpán dyícíring, Óza o-tan bubwô o-shwá mkpukpu-byěm-Osówo.

1 Kyîng 8:3

Nkéré mú kángkáng banet-ashí baa/cibi, banchi kyifen-Osówo ba-yip mkpukpu-byěm-Osówo kyíbóng,

1 Korónyíkil 15:13

Ké nǎ, ben ba/mû ba*fí ányi mú badayip kámú ké nkéré mú mbwôp kashú* Osówo Óburúkpâbí eten o/kye bě busông ké bubwô ḿbú be byi*da ǎ ekye ofê* ké bukwóp ḿbú byi/mû byi/chi byi-fé ǎ*.

1 Korónyíkil 15:3

Otu Dívit kâng o-kó kángkáng banet-Ézerel ba-bâ ké Jerúsélem eringe nyí badadakúng mkpukpu-byěm-Osówo ba-bâ ne mǔ ké kyikit ńkyí nyǐ oo/chi o-tî.

1 Korónyíkil 23:26

Ké bubwô ámbu, kyi*fí to ńkyí bǎmgbán-nchi kyifen-Osówo badachîkúng mpyep mú Óburúkpâbí odakyú* ne kángkáng byěm ḿbyí mbe ba-kúng ng ba-kyâ Osówo ofê*.

Nómba 3:31

Bǎmkpóngé ḿbé badatún mkpukpu-byěm-Osówo ba/já kámbé, cibicibi ne ókpákpúrúk, ne kyikwap-etyuryíkáng etwôom, ne byikit-kyifen-Osówo echi, ne byěm ḿbyí banchi kyifen-Osówo mbe ba-kúng ng ba-chi i byifen ké nfût-ociring, ne ékpígí nyí ocím-dyifyi mú ochíchí-nfût-ociring. Kángkáng bǎmkpóngé ba-kim ne byěm ḿbyín ba/já kámbé.