Nómba 7:10 - Bokyi Bible

¹⁰ Banet-ashí ámbe ba/bê to ne eyáré nyí ba/jware kyikit-kyifen-Osówo echi ba-pwó kánkyí bakút-ociring. Ké nkéré mbé baa/kpá byiko ḿbyí mbé badabê ne eyáré ebe ké kyikit-kyifen-Osówo echi,

Nómba 7:10 Iomraidhean Croise

1 Kyîng 8:63

Nyǐ o/chi kyifen ké égot-bampong etánge etánge ké byikit bujam esim byifee, ne ké égot-etám-ebû etánge etánge ké bajam-byikit nyâchât, ké byifen ḿbyí kyikwáré ne Óburúkpâbí. Ne ké bubwô ámbu, Otu Sólómon ne kángkáng banet ba/jware kiǐtí-kyise-kyifen-Óburúkpâbí echi.

2 Korónyíkil 7:5

Nyǐ o/chi byifen ké égot-bampong etánge etánge ké byikit bujam ne byifee, ne ké égot-etám-ebû etánge etánge ké bajam-byikit nyâchât wǎ byifen-kyikwáré ne Óburúkpâbí. Ne nyǐ kâng ne kángkáng banet-Ézerel ba-jware kiǐtí-kyise-kyifen-Osówo echi.

2 Korónyíkil 7:9

Mbé ba/mû baa/rí ací káchâtkányi ké kyikit-kyifen-Osówo echi ejware, ne ba/chînye ba-rí ací káchâtkányi ké dyijî ándyi echi. Mbé ba/chi bankuli kyikû-byifen ké nryî esim-dyicí,

Nehemyâ 12:27

Ké nkéré ba/jware ekpe-oshê nyí Jerúsélem ba-kye Osówo, ba/kó bǎmgbán-nchi kyifen-Osówo ḿbé mbe ba-kyú u nang ké ebóng kyikit ba-bâ eringe nyí badafé abwô ké ojware mú ekpe ányi ba-kye Osówo ké ekwan-asǎma ekwán ne ké ane ekim ké basámba ne ké ácîng.

Nehemyâ 12:43

Ké dyicí ándyi, ba/chi byifen-Osówo chwóó, ne banet-Ézerel ba/mû ne bunyîn-dyityém chwóó, ké nǎ, Osówo o/chi kámbé ba-kyú ké bunyîn-dyityém kanong kanong. Banyinyi ne bwǎsíng ba/fé abwô ké ojware mú ekpe ne kyicoge ńkyí ba/mû ba-chi i kyi/byí nang nyá.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 30:1

Óburúkpâbí, me mu n-kyâ ǒ akpee, ké nǎ, wo aa/nyii mě ké abwô nyí banet-bushwôn ejí, ne aa/chi mě eringe nyí mbé baa*jêe ké orông ejí*.

Nómba 7:1

Ké dyicí ńdyí Músis o/man mpyep mú Óburúkpâbí odakyú ebi, nyǐ o/jware kámú ne kángkáng byipang emen ké bakút-ociring epwó, o-jware to kyikit-kyifen-Osówo echi ne byipang emen.

Nómba 7:11

Óburúkpâbí o-raa ne Músis o/fu, sét kámbé a/fu, kángkáng dyicí, ké ací diǐkpú ne afee, onet-dyishí obónge okûkye eyáré nyí emen nyí kyikit-kyifen-Osówo ejware.

Nómba 7:84

Ocím-eyáré omúmú mú banet-ashí ámbe diǐkpú ne afee ba/bê ne nyǐ ba-kye Óburúkpâbí ké kyikit-kyifen-Osówo echi ejware o/mû egbimgbang-syílyíba diǐkpú ne efee ne acáng-syílyíba diǐkpú ne afee. Burô ḿbú acáng ányi amúmú bu/mû bakyílogaram bujam esim káchâtkányi ne kyicê. Boǒcáng-gûl bu/mû diǐkpú ne bufee, ne bumúmú bu/mû kyílogaram obónge ne kyicê ké burô, ḿbú ba/fé burwan pwat. Batyép-bampong ba/mû diǐkpú ne bafee ne etyítǎm diǐkpú ne efee ne bwǎn-etám-ebû diǐkpú ne bafee ḿbé baa/rí dyije, cibicibi ne eyáré-esang-byichí nyí e/mû ké burwám-eyáré ányi nyí badakúng ba-chi kyifen ńkyí badashí kyirim-enyam. Ebúbǔu nyí kyifen-byibî efîm e/mû diǐkpú ne efee. Batyép-bampong ba/mû bujam ne banyii ne bajam-etyítǎm bachât ne bajam-ebúbǔu bachât ne bajam-bwǎn-etám-ebû bachât ḿbé baa/rí dyije, ḿbyí kyifen-okwáre ne Óburúkpâbí.

Dyitórónómyi 20:5

Ne banet-ashí-basúja ba/chi ba-bí basúja ba/fu, onet mu nyín mú oo/bi kyise? mú o*da/jware ne kánkyí*? Â nkyi éné, onet ámu obwa esim dyijê. Â o*da/bwa* â ba/ju ǎ ké byití, onet okíri o/chi o-jware kánkyí.