Nómba 6:2 - Bokyi Bible

² osét banet-Ézerel o/fu, nang onyinchéng nang onyinyi mú o/ryí Osówo ocím mú shwaneshwane o/fu, nyǐ o-kúng ng byiko emen o-kye Óburúkpâbí o-firi onet mú odabángê Názárit,

Nómba 6:2 Iomraidhean Croise

Ézódos 33:16

Onet o-cen n nǎ ne o-nyît o/fu, wo nkyi kyi-nyîn n ǒ ne banet eyên ne ne me, â wo a*da/ce ne be ké kyikû*. Â amu ne be, kyi/chi kyi-chi bě byi-yángê ne banet bakíri ḿbé mbe ké ejíí.

Póróvep 18:1

Banet ḿbé byiko ebe nké nke byidanyîn kámbé baa*tyeem ne banet bakíri*. Mbé baa*bángê ne ńkyí nang yeě mu o-nyît ng o/fu, nkyi ntûntû*.

Jeryimáya 35:6

Mbé ba-faa ba/fu, be bii*jwáp bato*. Jónádap mú bonchí eten mú kpákpá, mú wǎn-Rékap o/sét bě o/fu, be ne kyikû-banet eten byi*dachi byi-jwáp bato nang bará*.

Lyívyítyíkus 20:26

Ben ba-man ba-kyú dyikpen ńdyí dyi/kwárê ne me, ba-já mě me kǎnchí, ké nǎ, me n-chi i Óburúkpâbí ne mu kanong. Me nn/cá běn ké burwám-eshê eringe nyí bada mě ejá kǎnchí.

Lyívyítyíkus 27:2

byije ḿbyín o/fu, osét banet ḿbé Ézerel o/fu, â baa/kúng onet ba-kye Óburúkpâbí ké bubwô-kiǐtí-ocím mú onet o/ryí, onet ámu o-chî ng epá byiko emen â o/kye ocím-akpuga mún

Nómba 30:3

 búsé ḿbé bu/tôong bu-kyú u ké kyise ńkyí bonchí emen bu/ryí ocím bu-sem Óburúkpâbí bu/fu, mbú bu-kyâ ǎ chwǒm, nang bu/ryí ocím bu/fu, mbú bu-cíp ng esong, nang bu/fu, mbú bu-sem m bato,

Nómba 6:1

Óburúkpâbí o/sét Músis o/fu,

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 1:15

Nyǐ o/chi o-kyú kiǐtí-onet ké bushú ḿbú Otu Kyítá. Oo*man o-jwáp bato nang bará nang bará* aciringaciring ḿbé badabwóm. Kyi-fím ké nkéré mú ba/chi ba-fwon ǎ, nyǐ o/chi o-kyú ne busa ḿbú Busun-Osówo.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 18:18

Pôl o/rí ací chwóó ké Kórin ne barî-banet ḿbé ba/bángê ké Jisos ne atyém ebe, ne o-mîng kámbé kâng o-kpî Peresyíla ne Akwéla ba-nung ńsukyíkang mú mu o-wâa ng Syírya. Ne Pôl o-kûdim, o/ryí barî-banet ámbe ocím ké bushú ḿbú Osówo, ké Senchíryâ, ne o-tî dyishí emen o-pwát.

Rúman 1:1

Me Pôl mú ḿgbán mú Jisos Karâs ne onet-kyitwóm emen mú Osówo o/fîm ǎ, o-kó ǎ o/fu, osét Bǎmpém emen ḿbé Banong nké mu n-sáng ng n-kye běn ben kángkáng banet-Rûm ḿbé bamu ba-jê ng Osówo ne oo/kó běn o/fu, ben bakyú banet emen. Kyi/bát Osówo mú Bonchí eten ne Jisos Karâs, Otu Kyítá bakye běn ochwâp ne bunyîn-dyityém. Osówo o/mû o/ryí banet ocím kyi-kim ne Bǎmpém ḿbé Banong ké nkéré mú oo/shwôm ké esim chwóó, ké ocím mú bamkpábé ḿbé badasét byiraa-Osówo. Ne bamkpábé ámbe ba-kúng ocím ámu ba-sáng kyísí ké nwet-ejá-Osówo nyí ba/sáng kyísí. Bǎmpém ḿbé Banong ámbe ba/kim ne Wǎn-Osówo Jisos Karâs, Otu Kyítá eten. Wǎ onet ba/mû ba/fwon ǎ ké kyikû-banet ńkyí Otu Dívit. Kyi-kim ne eringe nyí nyǐ o/fím ne Osówo, ne eringe nyí nyǐ mu kanong, Osówo o/tông ne kiǐtí-busa o/fu, mú mǔ o-chi i Wǎn emen ké ojwóbe mú o/jwóbê ǎ ké bukyû. Ké bubwô emen, Osówo o/kye mě kiǐtí-bǎmkpóngé ḿbé n/firi onet-kyitwóm-Jisos, eringe nyí n/chi n-tông kángkáng banet ḿbé ké ejíí kiǐfáng ńkyí badabángê, ba-chi to ńkyí nyǐ o/sét. Ńkyín kyi/ta běn to, ben banet-Rûm ḿbé Osówo oo/kó běn o/fu, ben ba-chi i banet ḿbé Jisos Karâs.

2 Koríntyan 6:16

Kyi-cen n nǎ ne kyise-kyifen echi ńkyí Osówo kyi-tyeem ejá ne erím-bakye. Ké ebóng, be byi-chi i kyise-kyifen echi ńkyí Osówo mú mu okpó. Wǎ eringe nyí Osówo oyén oo/sét o/fu, me n/chi n-chi oshê ejí kyikit kyibónge ne banet ejí, n-kûcen ké burwám ebe. Me n/chi n-kyú Osówo ebe ne mbé ba/chi ba-kyú banet ejí.

Galíshan 1:15

Nké Osówo ké kanong emen o/cá mě kpá, ne ba-kû mě efwon, ne o-kó mě o/fu, me nchi bǎmkpóngé emen.

Hyíburus 7:27

Nyǐ o*fí wǎ batu-banchi kyifen-Osówo bakíri*. Nyǐ o*fí ne bukwóp ḿbú odachi kyifen-Osówo kángkáng dyicí* ké bubwô ḿbú byibî ḿbyí emen nyǐ oyén kpá* ne o-kûchi ké bubwô ḿbú byibî ḿbyí banet bakíri*. Nyǐ o/chi kyifen-Osówo kyibónge kampén kabónge to kyi-man éné, ké nkéré mú nyǐ o/yip byiko emen o-chi kyifen o-kye Osówo.

Jójis 13:14

Nyǐ o*dachi o-ryí chwǒm nang kyibónge ńkyí kyi/fím ké kyichí ńkyí badakó gerêp*. Nyǐ o*dachi o-jwáp bato nang babónge* o-ryí to byiryíng-ociring nang byibónge*. Nyǐ o-man o-chi kángkáng byěm ḿbyí me nn/sét ǎ.

Jójis 13:4

Kûbám byiko eringe aa*ba/chi a-jwáp bato nang babónge* a-ryí to byiryíng-ociring nang byibónge*.

Jójis 13:5

Ne ké nkéré mú aa/fwon wǎn ámu, *dachi a-kwárê ǎ dyishí ne banyá* ké nǎ, kyi-fím ké dyicí ńdyí ada ǎ efwon, ba/chi ba-kúng ǎ ba-kye Osówo ké ocím eryí mú byěm eciring. Nyǐ o/chi o-kpet echi bǎmkpóngé ḿbé odachi banet-Ézerel ba-fem ké abwô nyí banet-Fyilíta.

Jójis 16:17

o-ba-sét ntûntû emen ké nkuli kyikû. O/fu, me ba*da mě ekwárê ne dyishí ne banyá*. Me nn/kúng byiko ejí n-kye Osówo ké ocím eryí mú byěm eciring kyi-fím ké nkéré mú ba/fwon mě. Â ba/kwárê mě eji, busa ejí bu-man n-firi kyeekyee wǎ nang yeě nang yeě.

1 Sámwel 1:28

Ké bubwô ámbu, me mu n-yip ng ǎ, kántîk, n-kye Óburúkpâbí. Â nyǐ mu okpó nyǐ o-man o-kyú ké abwô nyí Óburúkpâbí. [Ba-kye] kâng Óburúkpâbí ofê ányi.