Nómba 5:2 - Bokyi Bible

² kye banet-Ézerel busa ba-ró nang yeě mú mu ne kyibî-orwôm, nang mú chwǒm wǎ baróng mbe ba-byí i ǎ ké byiko, nang mú oo/bên byiko emen, ké nǎ, o/ta kyikwóm-okúsí, o-byí ké kafâ-oshê.

Nómba 5:2 Iomraidhean Croise

2 Kyîng 7:3

Banyinchéng ashí anyii ḿbé ba/mû ba-rwôm m kyibî-orwôm ba/mû ké esim-oshê mú Samérya nyí kyíjí, ne ba-raa ne barî ba/fu, ebóng byidawaa nyín byi-kpú.

Lyívyítyíkus 13:45

Onet mú mu ne kyibî-orwôm o-man o-bwá bakâa-byídí, o-mîng dyishí emen cage, o-cít kyikim-bushú emen ńkyí kyísí, o-kûraa o-câ o/fu, me n-chi i onet-ociring, me n-chi i onet-ociring.

Lyívyítyíkus 13:46

Onet ámu o-waa ng onet mú bada ǎ eciring tete orwôm emen o-man, ne o-man o-byí ké oshê o-kûkyú kyíjí kǎnchí.

Lyívyítyíkus 13:8

Nchi kyifen-Osówo o-chî ng ǎ ejebe, ne â kyi/rêe kyi-shwôm eringe nyí kyi/mû, o/chi o-sét banet o/fu, onet ámu o/firi onet mú bada ǎ eciring, ké nǎ, orwôm emen o-chi i kyibî-orwôm.

Lyívyítyíkus 14:8

Onet ámu o/chi o-soo byídí emen, o-pwát dyishí, o-kôo omu, ne baa*ciring ǎ to*. Onet ámu o-man n enung ké kafâ-oshê, nké oo*nung ké mpyep emen* tete ací káchâtkányi.

Lyívyítyíkus 21:1

Óburúkpâbí o/sét Músis o/fu, osét banchi kyifen-Osówo ḿbé bwǎn-Éron o/fu, nchi kyifen-Osówo o*dachi o-bên byiko emen ké byěm-bukyû echi ḿbyí wǎn-boné odakpú*.

Lyívyítyíkus 23:29

Nang yeě nké o/rí chwǒm ké dyicí ándyi, Osówo oo*kúng to onet ámu wǎ onet emen*.

Nómba 12:10

ne ófíbí ámu o-mîng mpyep mú Óburúkpâbí odakyú, enyam-byiko nyí Myíryam e/waa ké abe ányi e-firi ne kyibî-erwôm, e-yángê e-firi kpárádádát wǎ abíp. Ké nkéré Éron o/bírî o-tún Myíryam ne o-ri o/fu, kyibî-orwôm-enyam-byiko kii/kám Myíryam,

Nómba 12:14

Óburúkpâbí o-faa o/fu, â bonchí emen o/mû o/shú ǎ akorong ké bushú, nyǐ o/mû o/chi o-waa ne ecábé emen ké ací káchâtkányi. Ké bubwô ámbu, *da ǎ emîng o-nung ké kafâ-oshê* tete ací káchâtkányi a-man, ne ba-bâ ne nyǐ ké kafâ-oshê.

Nómba 31:19

Nang yeě ké burwám enen kángkáng mú o/ju onet, nang o/ta kyikwóm-okúsí, o-man o-waa kyíjí, oo*nung ké kafâ-oshê* tete ací káchâtkányi. Ké ací achât, ne ké ací káchâtkányi, soo n̂g byiko enen ké omu mú ociring efîm ne ḿbyí banyinyi ḿbé ben ba/kám.

Nómba 5:1

Óburúkpâbí o-raa ne Músis o/fu,