Nómba 4:3 - Bokyi Bible

³ o-sáng azîn nyí kángkáng banyinchéng kyi-fím ké ḿbé baa/byí aje bujam esim diǐkpú kyi-ribi ké ḿbé baa/byí bajam-aje bafee esim diǐkpú, ḿbé ba/kwárê ké bǎmkpóngé echi ké mpyep mú Óburúkpâbí odakyú.

Nómba 4:3 Iomraidhean Croise

2 Sámwel 5:4

Dívit o/mû oo/rí aje bujam esim diǐkpú ńdyí ba/kúng ǎ butu, ne o/kyú otu ké bajam-aje bafee.

1 Korónyíkil 6:48

Ba/kye bábe-banet-Lyíva bǎmkpóngé ḿbé áku kángkáng ké kyise ńkyí Osówo.

2 Korónyíkil 31:17

Ba/kye banchi kyifen-Osówo bǎmkpóngé ebe, wǎ eringe nyí ba/fím ké byikim-banet, ne ba/kye bǎmgbán-nchi kyifen-Osówo ḿbé baa/byí aje bujam nang ḿbé baa/shwôm éné bǎmkpóngé ebe ké azu ké azu.

Ézara 3:8

Ké bubwô ámbu, mbé ba/kpet bǎmkpóngé ké nnyinyěng-otukáku mú dyije ńdyí mbé ba/fyi, ké kyikit ńkyí kiǐtí-kyise-kyifen-Osówo echi, ké Jerúsélem. Zerubábel ne Jóshwa ne kángkáng banet-oshê ebe, ḿbé banchi kyifen-Osówo ne bǎmgbán-banchi kyifen-Osówo ne kángkáng banet ḿbé baa/bwa esim ké Jerúsélem ba/cibi abwô ké bǎmkpóngé. Kángkáng bǎmgbán-banchi kyifen-Osówo ḿbé baa/rí nang aje bujam ba/tî kámbé banet-ashí-bǎmkpóngé-kiǐtí-kyise-kyifen-Osówo echi ebwât ebi.

Nómba 1:3

ḿbé baa/byí aje bujam ne ḿbé baa/kán ba-shwôm éné, ḿbé ba/kwárê ké bǎmkpóngé ḿbé súja echi.

Nómba 1:50

Tî kámbé ba-kûtún mpyep ejí ne kángkáng byěm ḿbyí mpyep ámu. Mbé ba/chi ba-kûtû kámú ne byěm emen, ba-chi bǎmkpóngé ké mǔ, ba-bi boompyep ebe ba-wâng kámú.

Nómba 16:9

Ben ba/kabe ba/fu, nkyi kaǎnyín-chwǒm ńkyí Osówo mú Ézerel o/fîm běn ké burwám-banet ḿbé áku o-tî cát eringe nyí ben bada ǎ efárâng ba-chi bǎmkpóngé enen ké mpyep mú Óburúkpâbí odakyú ba-bwom ké bushú-oshê omúmú ba-chi kámbé bǎmkpóngé dí.

Nómba 4:2

opan ocím-banet ḿbé Lyíva, ḿbé kyikû-banet ńkyí Kóhat ké byikim ké byikim ne ké byikû ké byikû,

Nómba 4:23

o-sáng azîn nyí kángkáng banyinchéng kyi-fím ké ḿbé baa/rí aje bujam esim diǐkpú, kyi-byí ké ḿbé baa/rí bajam-aje bafee esim diǐkpú, ḿbé ba/kwárê ké bǎmkpóngé echi ké mpyep mú Óburúkpâbí odakyú.

Nómba 4:30

o-sáng azîn nyí kángkáng banyinchéng kyi-fím ké ḿbé baa/rí aje bujam esim diǐkpú kyi-byí ké ḿbé baa/rí bajam-aje bafee esim diǐkpú, ḿbé ba/kwárê ké bǎmkpóngé echi ké mpyep mú Óburúkpâbí odakyú.

Nómba 4:4

Bǎmkpóngé ebe ba/kim ne bachíchí-byěm-ociring.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 3:23

Ké nkéré Jisos o/kpet bǎmkpóngé emen echi, nyǐ o/mû oo/rí chwǒm wǎ aje bujam esim diǐkpú. Banet ba/mû ba-kabe ng ba/fu, nyǐ o/mû wǎn mú Josêf, mú o/mû wǎn mú Helyí.

1 Tyímótyi 1:18

Tyímótyi mú wǎn ejí ké bubwô ḿbú Karâs, me n/kye ǒ busa ḿbún. Nkyi wǎ eringe byiraa ḿbyí bamkpábé ḿbé badasét byiraa-Osówo ba/raa kyi-kim ne wo ké nkéré mú o/shwôm ké esim chwóó. Mîng byiraa ámbyi byi-kyú ǒ byěm-bunwa ké nkéré a-kú a-nwa ng ne Sátan ne busa.

1 Tyímótyi 3:1

Ńkyín nkyi ntûntû ńkyí ba/fu, â onet mu o-ryuu ng o/fu, nyǐ o-kyú u onet-dyishí-ékwâbashi nyí Karâs, onet ámu mu o-ryuu ng bǎmkpóngé ḿbé banong banong.

1 Tyímótyi 3:6

Nyǐ oo*man o-kyú onet mú o/nung ké ékwâbashi nyí Karâs abeabe*. Â kyi*fí éné* nyǐ o/chi o-sú ne byiko etông, ne Osówo o/chi o-pan ǎ kyibî-mpan wǎ eringe o/pan Otu-Byibî-Barím.