Nómba 3:8 - Bokyi Bible

⁸ Mbé ba/chi ba-kûtún kángkáng byěm ḿbyí mpyep mú ejí, ba-chi bǎmkpóngé ba-kye banet-Ézerel ḿbé áku.

Nómba 3:8 Iomraidhean Croise

1 Korónyíkil 23:27

Ké bubwô-nkuli kyikû-byiraa ḿbyí Otu Dívit o/sét kángkáng bǎmgbán-nchi kyifen-Osówo ba/fé azîn ké bǎmkpóngé echi, ké nkéré baa/byí aje bujam,

2 Korónyíkil 29:11

Bwǎn ejí, *da n̂g ebên nkéré*. Ben nké Óburúkpâbí oo/cá běn o/fu, bakûshí burwan ba-kye ǎ, ba-kûtông to banet bukwóp ké nkéré ba-kú ba-kyâ ǎ ofê.

Azáya 52:11

Ben kángkáng ḿbé bamu ba-níbî ng byěm ḿbyí kiǐtí-kyise-kyifen-Osówo echi, dim m̂ ké Bábyílon. *Da n̂g echi ba-ta chwǒm-ociring nang kyibónge*. Tî n̂g byiko enen kpárám, ba-dim.

Nómba 10:17

Ne ba/bú kâng mpyep mú Óburúkpâbí odakyú, ne byikim-banet ḿbyí Géshon ne Merári, ḿbyí mbyi byi-yip ng kámú byi-dim.

Nómba 10:21

Kyikim-banet ńkyí Kóhat, ńkyí banet-Lyíva kâng ba/dim ne byěm-ociring ḿbyí badayip. Ne mbé ba-kûribi ké nnyinyěng-oshê, ányi baa/chîbi mpyep mú Óburúkpâbí odakyú.

Nómba 3:7

Mbé ba/chi ba-chi bǎmkpóngé ḿbé mpyep mú ejí, ba-chi bǎmkpóngé ba-kye banchi kyifen ejí ne kángkáng banet ḿbé Ézerel.

Nómba 3:9

Bǎmkpóngé ḿbé banet-Lyíva badachi ba*fí bakíri* kyi-cibi ne mbé bakyú wǎ bǎmgbán ḿbé Éron ne bwǎn emen*.

Nómba 31:30

Ké kyicê ńkyí kyi/já banet-oshê ḿbé áku, fîm m̂ onet-mgbokobá obónge obónge ké bajam-banet-mgbokobá bafee esim diǐkpú. Fîm m̂ ocím ámu obónge to ké bampong ne boonyam-atû ne ebû. Kúng n̂g kámbyí ba-kye bǎmgbán-nchi kyifen-Osówo ḿbé mbe ba-tún n mpyep mú Óburúkpâbí odakyú.

Nómba 4:15

Ké nkéré mú nkéré oo/fyi mú badajaa oshê, banet-kyikû-banet ńkyí Kóhat ba/chi ba-yip byěm-ociring ámbyi ké nkéré mú Éron ne bwǎn emen baa/cít kámbyí ne kángkáng byěm emen. Banet ḿbé Kóhat ba*dachi ba-ta byěm-ociring ámbyi*. Mbé ba/chi ba-kpú â ba/ta kámbyí. Bǎmkpóngé ḿbé banet ḿbé Kóhat éné, nang nkéré orá nké ba/dim ne mpyep mú Óburúkpâbí odakyú.

Nómba 4:28

Bǎmkpóngé ḿbé ba/já banet ḿbé Géshon éné. Mbé ba/chi ba-chi kámbé wǎ eringe nyí Étama mú wǎn-Éron, mú nchi kyifen-Osówo odasét kámbé.

Nómba 4:33

Bǎmkpóngé ḿbé ba/já banet ḿbé Merári, ḿbé mpyep mú Óburúkpâbí odakyú, ba/mû éné. Mbé ba/chi ba-chi kámbé wǎ eringe nyí Étama mú wǎn-Éron, mú nchi kyifen-Osówo odasét kámbé.