Nómba 3:10 - Bokyi Bible

¹⁰ Wo a/chi a-jware Éron ne bwǎn emen ba-kúng bǎmkpóngé ḿbé nchi kyifen ejí. Baju onet nang orá okíri mú o/kan o/fu, nyǐ o-chi i éné.

Nómba 3:10 Iomraidhean Croise

2 Sámwel 6:7

Kafâ ka-waa ké abe ányi ka-sa Osówo Óburúkpâbí ne Óza, o-ju Óza, ké nǎ, mú mǔ [o*da/kye chwǒm-ociring ofê*.] Óza o-waa ányi ké bukô-mkpukpu-byěm-Osówo o-kpú.

1 Kyîng 12:31

Otu Jérobâm o/bi byise-byifen echi to kyíbóng-eku, o-cá banchi byifen o-tî ḿbé ba*da/fím ké kyikû-banet ńkyí Lyíva*.

1 Korónyíkil 6:32

Mbé ba/chi bǎmkpóngé ké bunye ké bunye ké mpyep mú Óburúkpâbí odakyú, ké nkéré ámu ne Otu Sólómon o-kûbi kiǐtí-kyise-kyifen-Osówo echi.

Nehemyâ 6:11

Ne n-faa n/fu, me n*fí dyizong-onet mú odachêe o-rem m*. Wo a/kabe a/fu, me n/chi n-kan enyii dyikpen ejí n-chêe n-rem ké kiǐtí-kyise-kyifen-Osówo echi*? Me nn*ce*.

Ézódos 29:9

Sît kámbé byicê-byídí ké osín, a-cít kámbé kyídí-dyishí. Éné nké wo a/chi a-jware Éron ne bwǎn emen ba-firi banchi kyifen ejí. Mbé ne bwǎn ebe nké ba/chi ba-kûchi bǎmkpóngé ba-kye mě wǎ banchi kyifen ne banyá ne banyá.

Ezékyel 44:8

Mbé ba*fí ba-kúng ng byěm-ociring ḿbyí mbyi ké kafâ-kiǐtí-kyise-kyifen ejí echi byi-kyú ké abwô ebe* nké mbé ba/bwa ba-kúng kámbyí byi-firi ké abwô nyí bacinbánet.

Lyívyítyíkus 22:10

Onet mú kyikû-banet ńkyí banchi kyifen-Osówo nké nke nké badaman eryí byiryíng-kyifen-ociring. Onet okíri oo*man o-ryí kámbyí*. Nang onet mú mu o-kyú u ne nchi kyifen-Osówo, nang mú o/yámê ǎ oyámé oo*ryí kámbyí*.

Nómba 1:51

Nang nkéré orá nké ba/jaa ne boompyep enen, banet-Lyíva ba-man ba-bú mpyep ámu ba-chîdabi kámú ké oshê enen mú ofyîfî. Onet okíri mú odafárâng mpyep mún, baju ǎ.

Nómba 16:10

Óburúkpâbí oo/kye běn ne kángkáng banet-Lyíva ḿbé áku ofê mún, ne kántîk, ben ba-kú ba-kan n ba/fu, ba-koo ng to bǎmkpóngé ḿbé nchi kyifen-Osówo.

Nómba 16:35

Óburúkpâbí kâng o-twóm okwâ mú o/mang o-shí kángkáng égot-banyinchéng ámbe ebónge esim-bajam bafee esim diǐkpú ḿbé ba/shí burwan ámbu.

Nómba 16:40

Ńkyín kyi/mû chwǒm ńkyí kyi/kuri banet-Ézerel ekó kyi/fu, onet mú o*fí ké kyikû ńkyí Éron* o*dachi o-bâ ké kyikit-kyifen-Osówo echi o/fu, nyǐ o-shí i burwan o-kye Óburúkpâbí*. Â kyi*fí éné* ba-ju ng onet ámu wǎ Kóra ne banet emen. Ba/chi ńkyín kángkáng wǎ eringe nyí Óburúkpâbí o/kye Elyǎza busa ké ocím mú Músis.

Nómba 18:3

Mbé ba/chi ba-chi ǒ bǎmkpóngé ḿbé ba/já kámbé, ne bǎmkpóngé ḿbé ba/já kámbé ké mpyep ejí. Nké mbé baa*man ba-ta byěm-ociring ḿbyí mbyi ké nfût-ociring* ba-ta nang kyikit-kyifen-Osówo echi*. Â ba/ta, mbé cibicibi ne wo ba/chi ba-kpú.

Nómba 18:7

Nké wo ne bwǎn eyên kǎnchí nké badachi kángkáng bǎmkpóngé ḿbé nchi kyifen-Osówo, ḿbé ba/kim ne kyikit-kyifen-Osówo echi ne ḿbé ké ochíchí-nfût-ociring. Byěm ḿbyín mbyi bǎmkpóngé eyên, ká nǎ, me nn/kye ǒ eyáré nyí bǎmkpóngé-nchi kyifen-Osówo. Ba/chi ba-ju nang yeě mú o*da/kwárê* nké o/fárâng byěm-ociring.

Nómba 3:11

Óburúkpâbí o-raa ne Músis o/fu,

Nómba 3:38

Ba/fu, Músis ne Éron ne bwǎn-Éron babi boompyep ebe ké kashú-mpyep mú Óburúkpâbí odakyú, ké kyicê ńkyí óbyísû mu o-byí i. Bǎmkpóngé ḿbé badachi ké nfût-ociring ba-kye banet ḿbé Ézerel ba/já kámbé. Baju onet nang orá okíri mú o/kan o/fu, nyǐ o-chi i éné.

Rúman 12:7

 nyi nyí byidachwáp barî-banet ḿbé ba/bángê ké Karâs, byi-man byi-chi éné.  nyi nyí byidatángê banet byěm, byi-man byi-tángê.

Efyíshan 2:19

Ké bubwô ámbu kâng, ben banet ḿbé ba*fí banet-Jûs* ba*fí to bacinbánet*. Ben kántîk ba/firi ké burwám-bayén-oshê ne banet-Osówo, ne banet ké kyikû-banet ńkyí Osówo.

Dyitórónómyi 18:5

Ké kángkáng byikû-banet enen, Óburúkpâbí o/cá kyikû ńkyí Lyíva o/fu, bachi bǎmkpóngé ba-kye ǎ wǎ banchi kyifen emen kángkáng nkéré.

Hyíburus 8:4

 nyǐ o/mû ké ejíí, nyǐ o/mû oo*ba/chi o-kyú nchi kyifen-Osówo ne banyá* ké nǎ, banchi kyifen-Osówo mbe kô ḿbé badayip eyáré ba-chi kyifen-Osówo eringe nyí Byije ḿbyí Músis byi/sét.

Jójis 17:5

Máka o/mû ne kyikit ńkyí emen ńkyí odafé Osówo. Nyǐ o/chi barím-bakye ne chwǒm-epé esô, o-cá wǎn emen mú onyinchéng o-tî o/fu, okyú wǎ nchi kyifen-Osówo.

1 Sámwel 6:19

Óburúkpâbí o/ju bajam-banet-Bét-Shémes bachât esim diǐkpú, ké nǎ, mbé ba/jebe achi ké kafâ-mkpukpu-byěm emen. Banet-oshê ámu ba-ta dyikán, ké nǎ, Óburúkpâbí nké o/cen kámbé ne dyizong-bukyû ámbu ḿbú boo*nwa eri*.