Nómba 28:2 - Bokyi Bible

² osét banet-Ézerel ba-kû ǎ ekye eyáré-byiryíng nyí eda ǎ enyîn, ké nkéré mú kyi/nyîn ǎ.

Nómba 28:2 Iomraidhean Croise

Jénésis 8:21

Kyinung-byěm-kyifen ánkyi kyi/nyîn Óburúkpâbí, ne o-raa ne byiko emen o/fu, ne banyá mm*ba/chi n-chîshú ejíí* ké bubwô ḿbú ńkyí onet odachi*. Me mu n-nyît ng n/fu, kyi-fím ké dyikwá emen, okabe emen o*fí kanong*. Mm*ba/chi n-chîju kángkáng byěm ḿbyí mbyi byi-kpen n ké ejíí* wǎ eringe nyí n/chi něen*.

1 Korónyíkil 23:31

ne nang nkéré orá mú ba/shí byifen-Óburúkpâbí ké dyicí-ékwâbashi, ne ké dyijî-kyifen ńkyí otukáku mú ofyîfî ne ké ajî-byifen byikíri. Ba/chi byije ḿbyí mbyi byi-tông ng ocím-bǎmgbán-nchi kyifen-Osówo ḿbé badachi bǎmkpóngé ḿbén ké nkéré nang orá. Ba/kye bǎmgbán-nchi kyifen-Osówo bǎmkpóngé ḿbé Óburúkpâbí efé kángkáng nkéré.

2 Korónyíkil 23:18

Jehóyáda o/tî banchi kyifen-Osówo ne bǎmgbán ebe wǎ banet-ashí-bǎmkpóngé-kiǐtí-kyise-kyifen-Osówo echi, o/fu, mbé bakûchi bǎmkpóngé ḿbé Otu Dívit o/mû o/kye kámbé, ba-kûshí byifen ḿbyí mbe ba-chi i ba-kyâ Óburúkpâbí wǎ eringe nyí Byije-Músis byi/sét. Ane ekim ne bunyîn-dyityém a/mû to bǎmkpóngé ebe.

2 Korónyíkil 31:3

Nyǐ o/fîm byitú ké abóng-byitú ḿbyí emen o-kye, ḿbyí eyáré eshí kángkáng dyicófóróng ne dyikurúku ne nyí badayárê ké dyicí-ékwâbashi, ké dyijî-kyifen ńkyí otukáku mú ofyîfî, ne ké ajî-byifen byikíri ḿbyí byije ḿbyí Óburúkpâbí byi/sét.

Ézara 3:2

ne Jóshwa mú wǎn-Jehózádak ne bábe-banchi kyifen-Osówo, ne Zerubábel mú wǎn-Shátyel, cibicibi ne bwǎn-bané emen ba/bwât kyikit-kyifen-Osówo mú Ézerel echi ba-bi eringe mbé badaman eshí byitú-kyifen echi ké nkyí, eringe nyí ba/sáng ké Nwet-Byije-Músis mú o/mû onet mú Osówo. [

Ézara 3:3

Nang ké] banet ḿbé ba/mû ba/fím ba-fyi ba/mû mbe ba-shî ng banet ḿbé ba/mû ba-kyú u ké esí ányi, ńdyí mbé mbe ba-fyi ng, mbé ba/bwât kyikit-kyifen-Osówo echi ba-bi, ké kyikit ńkyí kyi/mû kpákpá. Mbé kâng ba-chîkpet byitú eshí ḿbyí kyifen echi kángkáng dyicófóróng ne dyikurúku ké nkyí.

Nehemyâ 10:34

Be banet-Ézerel ne banchi kyifen-Osówo ne bǎmgbán-nchi kyifen-Osówo byi/chi byi-kûtwóp ámám kángkáng dyije eringe byidanyît byikû-banet ḿbyí byidakye ekwón nyí badakûshí byifen ḿbyí ba/chi ba-kye Osówo Óburúkpâbí eten wǎ eringe Byije-Músis byi/sét.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 81:3

Jwá n̂g kiintán ńkyí dyijî-kyifen ké nkéré-otukáku mú ofyîfî odabyí, ne ké nkéré oo/kwárê.

Ézódos 23:15

Ké otukáku mú Ábyip, mú ba/dim ba-mîng Éjip, chi n̂g dyijî-kyifen ńkyí berêt mú baa*fé bukye ḿbú odamut* eringe nyí me n/sét běn. *Da n̂g echi ba-ryí berêt mú badafé bukye ḿbú budachi kámú o-mut* ké ací jangjang káchâtkányi nyí badachi dyijî ándyi*. *Da n̂g echi ba-bâ mě ofê ekye* â ba*da/kám chwǒm ńkyí badachi kyifen ba-kye mě*.

Ézódos 29:18

Shí kyirim-otyítǎm ánkyi kyimúmú ké kyikit-kyifen echi wǎ kyifen-byiryíng. Kyinung ńkyí kyidafím ké kyifen ńkyín kyi-nyîn n mě.

Ezékyel 16:19

Me n/kye ǒ byiryíng ḿbyí byinong byinong wǎ berêt ne bakút-ólif ne bakút-bukwan, nké wo a/kúng kámbyí a-kye wǎ kyifen echi eringe adakûnyîn erím-bakye. Ńkyín nké Óburúkpâbí mú mu Otu Kyítá mu o-sét ng, o/fu,

Ezékyel 20:41

Ké nkéré nn/fîm běn ba-byí ké eshê nyí ba/mû ba/pwó běn byiryibyiryi, m-kpaa běn n-tî kyikit kyibónge, me n/chi n-koo byifen enen ḿbyí bamu ba-shí i, ne eshê e/chi e-ri e/fu, me n/nwa n-shwôm.

Ezékyel 45:17

Nyǐ nké o/chi o-kûkye oshê-Ézerel omúmú byitú ḿbyí badashí ké byirim ne eyáré-esang-byichí ne eyáré-bato ké bubwô-ajî-byifen ḿbyí otukáku mú ofyîfî ne ḿbyí dyicí-ékwâbashi ne ḿbyí ajî-byifen ḿbyí áku kángkáng. Nyǐ nké odakye eyáré nyí ké dyishí-byibî ne eyáré-esang-byichí ne eyáré nyí badashí byirim ne eyáré nyí kyikwáré ekwárê ne me eringe me adafîm byibî ḿbyí banet-Ézerel.

Lyívyítyíkus 1:13

Onet mú mu o-chi i kyifen ánkyi o-man o-soo efong-enyam ányi ne byiká, ne nchi kyifen-Osówo o/chi o-kúng kyifen ánkyi o-kye Óburúkpâbí, o-shí enyam ányi kángkáng ké kyikit-kyifen echi. Kyinung ńkyí kyidafím ké kyifen-byiryíng ánkyi kyi-nyîn n Óburúkpâbí.

Lyívyítyíkus 1:17

O/chi o-níbî kánké ké abyibabang o-ját kánké o-pénê, oo*két abyibabang emen o-pwó* o-kúng kánké o-shí kamúmú ké kyikit-kyifen echi. Kyinung ńkyí kyidabyí ké kyifen-byiryíng ńkyín kyi-nyîn n Óburúkpâbí.

Lyívyítyíkus 1:9

Onet mú mu o-chi i kyifen o-man o-soo efong-enyam ányi ne byiká, ne nchi kyifen-Osówo o/chi o-shí kyirim-enyam ánkyi kyimúmú ké kyikit-kyifen echi. Kyinung ńkyí nkyi kyi-fím m ké kyifen-byiryíng ńkyín kyi-nyîn n Óburúkpâbí.

Lyívyítyíkus 21:6

O-man o-kyú dyikpen ńdyí dyinong ké bushú ejí ne oo*man o-fé dyizîn ejí éshwân*. Nyǐ nké mu o-chi i kyifen-byiryíng o-kyâ mě, ne o-man o-kyú dyikpen ńdyí dyida mě enyîn.

Lyívyítyíkus 21:8

Banet-Ézerel ba-man ba-kúng nchi kyifen-Osówo wǎ onet mú mu o-kyú u dyikpen ńdyí dyinong ké bushú ejí, ké nǎ, nyǐ nké mu o-chi i kyifen-byiryíng o-kyâ mě. Me n-chi i Óburúkpâbí. Me mu kanong ne mu n-chi i banet ejí ba-kyú dyikpen ńdyí dyinong.

Lyívyítyíkus 3:11

Nchi kyifen-Osówo oshí ḿbyín kángkáng ké kyikit-kyifen echi o-kye Óburúkpâbí wǎ kyifen-byiryíng.

Máláka 1:12

Nké ben ba*fí ba-fâ mě* â ba-kú ba-raa ng ba/fu, kyikit-kyifen ejí echi kyi*da/byí chwǒm* ne â ba-kú ba-yip ng byiryíng ḿbyí ben bayén baa*ryí* ba-tî ké nkyí.

Máláka 1:7

Bamu ba-né ng mě, ké nǎ, bamu ba-yip ng byiryíng ḿbyí ndaciring ba-tî ng ké kyikit-kyifen ejí echi. Ba-waa ányi ba-bí ba/fu, ebóng bukwóp ḿbú be byi*fí byi-kyâ ǒ ofê*. Me n/chi n-sét běn, ké nǎ, ben bamu ba-dángê e kyikit-kyifen ejí echi.

Nómba 15:24

 ba/róng ké bubwô ḿbú oshê ba*da/nyît* mbé ba/chi ba-kye otyép-mpong wǎ kyifen ńkyí badashí kyirim-enyam, nyí kyinung emen kyidanyîn Óburúkpâbí, cibicibi ne bachíchí-eyáré-esang-byichí ne eyáré-bato. Mbé ba/chi ba-kye otúbû ba-nye ányi wǎ kyifen ńkyí kyidafîm byibî.

Nómba 15:3

O/fu, ba-man n ekúng otyép-mpong nang otyítǎm nang etám-ebû ebónge nang ebúbǔu ebónge ba-kye Óburúkpâbí wǎ kyifen ńkyí badashí kyirim-enyam kyimúmú, nang wǎ kyifen-Osówo echi ńkyí ocím etî mú ba/ryí Osówo, nang wǎ eyáré nyí e/nyîn ǒ ekye ké dyityém eyên, nang wǎ eyáré ekye ké nkéré ajî-byifen enen ḿbyí bamu ba-kyâ Osówo ofê. Kyinung ńkyí eyáré-byiryíng ḿbyín kyi-nyîn n Óburúkpâbí.

Nómba 15:7

cibicibi ne lyíta-bato obónge ne kyicê. Kyinung ńkyí byifen ḿbyín kyi-nyîn n Óburúkpâbí.

Nómba 28:1

Óburúkpâbí o-raa ne Músis o/fu,

Nómba 29:39

Ḿbyín nké mbyi byije kyi-kim ne byifen-byirim-enyam eshí ne eyáré-esang-byichí ne eyáré-bato ne byifen-okwáre ne Óburúkpâbí, ḿbyí ben badakûkye Óburúkpâbí ké ajî-byifen enen ḿbyí badachi. Chi n̂g ḿbyín cibicibi ne eyáré nyí bamu ba-kyâ ké ocím etî mú ben ba/ryí, nang eyáré nyí e/fím ké dyityém enen.

Nómba 9:13

Nké nang yeě mú mu onet mú ba*fí ba-ciring ng ǎ* ne o*fí kyíjí ké bucen* nké o*da/chi dyijî-kyifen ńkyí Shwôm* baa*kúng ǎ to wǎ onet ejí* ké nǎ, nyǐ o*da mě ekye eyáré ké nkéré mú me n/tî*. Nyǐ o-man o-ri busông ké dyishí-kyibî emen.

Nómba 9:7

ne ba-sét kámbé ba/fu, be byi-chi i banet-ociring, ké nǎ, be byi/ta kyikwóm-okúsí, nké ebóng kyi/chi ńkyí ba*da bě emîng byi-kye eyáré nyí Óburúkpâbí ne banet-Ézerel ḿbé áku ké kyikû*.

2 Koríntyan 2:15

Ké ebóng, be byimu wǎ kyinung-burwan ḿbú Karâs mu o-yip ng o-chi kyifen o-kye Osówo, ńkyí nkyi kyi-káng ng kyi-câ ké burwám-banet ḿbé Osówo mu o-nyii ng kámbé ne ḿbé mbe ba-tánê e ba-câ.

Efyíshan 5:2

Akpen enen a-man a-kyú ké bubwô ḿbú kyijé ne barî-banet wǎ eringe nyí be byi/jê Karâs ne o-kye kyitông emen ké dyishí eten wǎ eyáré nyí kyifen echi nyí edanyîn kyinung ne kyifen to ńkyí kyidanyîn Osówo dyityém.

Fyilyípyan 4:18

Nyín kâng dyishí-nwet ńdyí dyi/bwom ké kángkáng byěm ḿbyí ben baa/kye mě. Byěm ámbyi bii/jê byi-shwôm ne eringe nyí me mu n-ryuu ng. Me mu ne kángkáng byěm ḿbyí mu n-ryuu ng, kántîk mú Epaforodátus oo/ba mě ekye kángkáng eyáré enen. Eyáré ńnyín nyi wǎ byěm ḿbyí byidanyîn kyinong ḿbyí badakye Osówo wǎ kyifen echi ńkyí nyǐ odakoo ne ńkyí kyida ǎ enyîn dyityém.