Nómba 28:1 - Bokyi Bible

¹ Óburúkpâbí o-raa ne Músis o/fu,

Nómba 28:1 Iomraidhean Croise

1 Korónyíkil 23:31

ne nang nkéré orá mú ba/shí byifen-Óburúkpâbí ké dyicí-ékwâbashi, ne ké dyijî-kyifen ńkyí otukáku mú ofyîfî ne ké ajî-byifen byikíri. Ba/chi byije ḿbyí mbyi byi-tông ng ocím-bǎmgbán-nchi kyifen-Osówo ḿbé badachi bǎmkpóngé ḿbén ké nkéré nang orá. Ba/kye bǎmgbán-nchi kyifen-Osówo bǎmkpóngé ḿbé Óburúkpâbí efé kángkáng nkéré.

2 Korónyíkil 2:4

Me mu m-bi ng kiǐtí-kyise-kyifen echi ké dyizîn ńdyí Osówo Óburúkpâbí ejí. Nkyí kyi/chi kyi-kyú kyikit-ociring ńkyí banet ejí ne me byida ǎ ekûkye ofê ké bakút-kyinung eshí. Kyi/chi kyi-kyú kyikit ńkyí byida ǎ ekûkye berêt-ociring kángkáng nkéré ne ńkyí byi/chi byi-shí byifen byi-kye ǎ kángkáng dyicófóróng ne dyikurúku ne ké ací-ékwâbashi eten ne ké ajî-byifen ḿbyí otukáku mú ofyîfî ne ací-ociring akíri nyí badakye Osówo Óburúkpâbí eten ofê. Nyǐ oo/kye Ézerel busa o/fu, bakûchi ńkyín kángkáng nkéré.

2 Korónyíkil 23:18

Jehóyáda o/tî banchi kyifen-Osówo ne bǎmgbán ebe wǎ banet-ashí-bǎmkpóngé-kiǐtí-kyise-kyifen-Osówo echi, o/fu, mbé bakûchi bǎmkpóngé ḿbé Otu Dívit o/mû o/kye kámbé, ba-kûshí byifen ḿbyí mbe ba-chi i ba-kyâ Óburúkpâbí wǎ eringe nyí Byije-Músis byi/sét. Ane ekim ne bunyîn-dyityém a/mû to bǎmkpóngé ebe.

2 Korónyíkil 31:3

Nyǐ o/fîm byitú ké abóng-byitú ḿbyí emen o-kye, ḿbyí eyáré eshí kángkáng dyicófóróng ne dyikurúku ne nyí badayárê ké dyicí-ékwâbashi, ké dyijî-kyifen ńkyí otukáku mú ofyîfî, ne ké ajî-byifen byikíri ḿbyí byije ḿbyí Óburúkpâbí byi/sét.

2 Korónyíkil 8:13

Nyǐ o/chi byifen ḿbyí eyáré eshí kángkáng ací-ociring nyí ací-ékwâbashi, ne nyí ajî-byifen ḿbyí etukáku nyí efyîfî, ne nyí badatî kampén kachât ké dyije, dyijî-kyifen ńkyí berêt, ne ńkyí byiryíng efuu, ne ńkyí boompyep ebi, wǎ eringe nyí Byije ḿbyí Músis byi/sét.

Ézara 6:9

Kángkáng dyicí, *da n̂g echi ba-mîng ekye banchi kyifen-Osówo ké Jerúsélem nang ebóng nké mbé ba/sét ba/fu, mbé mbe ba-ryuu ng* nang byisu-batyép-bampong nang etám-ebû nang bwǎn-etám-ebû ḿbyí badashí wǎ eyáré ba-kye Osówo mú kyíbóng* nang esang-byichí nang bano nang bato nang bakút-ólif*.

Nehemyâ 10:33

Be byi/chi byi-kye byěm ḿbyín, ḿbyí badakúng ba-kye ofê ké kiǐtí-kyise-kyifen-Osówo echi, berêt mú o/já ǒ ne esang-byichí-eyáré ekye nyí kángkáng dyicí ne byitú ḿbyí badakûshí kángkáng dyicí wǎ byifen eyên echi ne eyáré nyí e/já ǒ nyí ké ací-ékwâbashi eten ne eyáré nyí ajî-byifen ḿbyí otukáku mú ofyîfî ne eyáré nyí ajî-byifen byikíri ne eyáré ekíri nyí e/já ǒ ne eyáré nyí edafîm byibî ḿbyí banet-Ézerel ne nang ebóng chwǒm kyikíri ńkyí mbe ba-ryuu ng ké kiǐtí-kyise-kyifen eyên echi.

Azáya 1:13

Bamu ba-chi i byifen enen dyikáá. Kyinung-burwan ḿbú bamu ba-shí i kii/tyú mě. N*fí to n-ryuu ng ba-chîchi byifen enen ḿbyí ajî-byifen ḿbyí otukáku odabyí* ne ḿbyí ací-ékwâbashi enen* ne ḿbyí bancibi-ékwâbashi enen*. Baa/bên kámbyí kángkáng ké byibî enen.

Ezékyel 44:24

Ké nkéré kyiraa kii/róng banet ejí, banchi kyifen ejí ba/chi ba-kúng byije ejí ba-két mpan. Ba/chi ba-tî ajî-byifen wǎ eringe byije ejí byi/sét, ba-tî to byije-dyicí-ékwâbashi kanong.

Ezékyel 45:17

Nyǐ nké o/chi o-kûkye oshê-Ézerel omúmú byitú ḿbyí badashí ké byirim ne eyáré-esang-byichí ne eyáré-bato ké bubwô-ajî-byifen ḿbyí otukáku mú ofyîfî ne ḿbyí dyicí-ékwâbashi ne ḿbyí ajî-byifen ḿbyí áku kángkáng. Nyǐ nké odakye eyáré nyí ké dyishí-byibî ne eyáré-esang-byichí ne eyáré nyí badashí byirim ne eyáré nyí kyikwáré ekwárê ne me eringe me adafîm byibî ḿbyí banet-Ézerel.

Ezékyel 46:11

Ké ací nyí a/já mě ne ké nyí ajî-byifen, eyáré-esang-byichí e/chi e-kyú balyíta onyiryiká ne bafee ne kyicê ké mpong nang orá nang ké otyítǎm nang orá nang ne ebóng ńkyí nyǐ mu o-ryuu ng o/fu, nyǐ o-kyâ, ne wǎn-etám-ebû. Nyǐ o/chi o-yárê balyíta-bakút-ólif bachât ké dyizong-eyáré-esang-byichí ányi.

Lyívyítyíkus 9:15

Ké nkéré mú oo/chi ḿbyín, o-yip kyifen ńkyí banet-Ézerel o-chi. O/yip ebû nyí odachi kyifen ńkyí byibî ḿbyí banet-Ézerel, o-ju kányí, o-chi kyifen wǎ eringe nyí o/chi kyifen ńkyí kyi/fîm byibî ḿbyí emen nyǐ oyén.

Nómba 27:23

Músis o-twôom Jóshwa abwô ké dyishí wǎ eringe nyí Óburúkpâbí o/kye busa, o-sét o/fu, Jóshwa nké o/chi o-kúng kyikit emen.

Nómba 28:2

osét banet-Ézerel ba-kû ǎ ekye eyáré-byiryíng nyí eda ǎ enyîn, ké nkéré mú kyi/nyîn ǎ.

Galíshan 4:10

Ací akíri ne etukáku ekíri ne bankéré ḿbé dyije bakíri ne aje akíri mbyi běn róró ké achi.

Kolóshan 2:16

Ké bubwô ámbu, onet o*dachi o-chi byije kyi-kim ne ńkyí ben badaryí* nang kyi-kim ne ńkyí badajwáp* nang kyi-kim ne ací-ociring* nang kyi-kim ne dyijî-kyifen ńkyí otukáku mú ofyîfî* nang kyi-kim ne dyicí-ékwâbashi enen*.