Nómba 26:10 - Bokyi Bible

¹⁰ Esí e/járê e-myii kámbé, ne mbé ba/kpú ne Kóra ne banet emen ké kyikû, ké nkéré okwâ o/mang o-ju égot-banyinchéng ebónge ne bajam-banet bafee esim diǐkpú. Mbé ba/firi wǎ chwǒm ńkyí badakuri banet-Ézerel ekó.

Nómba 26:10 Iomraidhean Croise

Ézódos 16:35

Banet ḿbé Ézerel ba/ryí mána ké bajam-aje bafee tete ba-ribi ké esí nyí Kínan, ké kyikit ńkyí ba/kpet ekyú.

Jeryimáya 29:22

 banet ḿbé ba/kúng kámbé wǎ básóng ké Jerúsélem ba-jâ ne mbé Bábyílon ba-kú ba-bâ eshú onet, mbé ba/chi ba-kûraa ba/fu, kyi/bát Óburúkpâbí ochi ǒ wǎ eringe nyí o/chi Otu Zedekyâ ne Otu Éhap, ḿbé otu mú Bábyílon o/fwá kámbé okpó.

Ezékyel 14:8

Me n/chi m-bírî bunwa ne nyǐ. N/chi n-chi ǎ o-kyú wǎ ekap. Me n/chi n-fîm ǎ ké burwám-banet ejí, eringe nyí ben ba/chi ba-nyît ba/fu, me nké mu Óburúkpâbí.

Nómba 16:38

Nyǐ a/já mě kyi-fím ké nkéré ba/shí burwan ké nyǐ ké kyikit-kyifen echi ńkyí Óburúkpâbí. Ké bubwô ámbu, yip acáng-okwâ nyí banyinchéng ḿbén ḿbé ba/ju kámbé ké dyishí-byibî ebe, a-díp kányí a-firi biǐbáá-borôn, a-kúng kányí a-chi kiinkíbí ńkyí badacít kyikit-kyifen ejí echi. Kyi/chi kyi-kyú banet-Ézerel chwǒm-ekó ekuri.

Nómba 17:3

a-sáng kâng dyizîn ńdyí Éron ké ochí mú o/bwom ké dyishí ńdyí banet-Lyíva. Ochí o/chi o-kyú obónge ké dyizîn ńdyí onet-dyishí-kyikû-banet nang orá.

Nómba 27:3

bonchí eten o/kpú ké kyikim-dyikán, wǎn-onyinchéng o*da/fwon*. Nyǐ o/mû o*fí ké burwám-banet ḿbé ba/bángê ne Kóra* mú o/mû o/bírî bunwa ne Óburúkpâbí*. Nyǐ o/kpú ké bubwô-kyibî ńkyí emen.

Dyitórónómyi 11:6

Ben bamu ba-zîim m ńkyí nyǐ o/chi Datân ne Ábyíram ḿbé bwǎn-Élyap mú o/fím kyikû-banet ńkyí Rúben. Ké bushú enen kángkáng, esí e/bâa ocím e-myii kámbé, cibicibi ne byikû-banet ebe ne bampyep ebe ne kángkáng bǎmgbán ebe ne byitú ebe.

Dyitórónómyi 28:46

Byěm-busông ámbyi byi/chi byi-kyú ekap nyí e/chi e-waa běn ké byiko ne banyá, nyí mpan mú Osówo o/pan běn ne bwǎn enen.

2 Pyíta 2:6

Osówo o/két mpan o-bên eshê nyí Sódom ne Gomóra. O-shí kányí ké okwâ, ne o-chi kányí wǎ ekap nyí edatông banet ḿbé ba*fí ba-fâ ǎ*.

JÛT LÉTA MÚ JÛT O/SÁNG 1:7

Zîim m̂ Sódom ne Gomóra ne eshê nyí e/fárâng kányí, nyí banet ba/chi édúú wǎ nyí barím ámbe ké byibî-babép ebép. Mbé mbe ba-ri ng busông ké okwâ mú oo*ríbî ne banyá* wǎ chwǒm ńkyí kyidakuri kángkáng banet ekó.

1 Sámwel 2:34

 bwǎn eyên ḿbén ashí afee, Hófinyi ne Fyinéhas, ba/kpú dyicí dyibónge, kyi/chi kyi-tông ǒ kyi/fu, kángkáng byěm ḿbyí me n/raa, byi/chi byi-chi ké ntûntû.