Nómba 24:9 - Bokyi Bible

⁹ Oshê-Ézerel mu wǎ ekpang nyí ké nkéré e-kú e-rê ng, onet o*fí mú odakan o/fu, nyǐ o-jwóbê ng kányí*. Nang yeě nké o/jware Ézerel, ba-jware ng ǎ to. Nang yeě nké o/fé kyibî-nshwam o-kye Ézerel, ba/chi ba-fé kyibî-nshwam ba-kye ǎ to.

Nómba 24:9 Iomraidhean Croise

Jénésis 12:3

Me n/chi n-jware banet ḿbé ba/chi ba-jware ǒ, n-shú banet ḿbé ba/chi ba-shú ǒ. [Ne ké bubwô eyên, n/chi n-jware ejíí emúmú.]

Jénésis 27:29

Kyi/bát eshê ekyú bǎmgbán eyên, banet bakûtíngê kyísí ba-fâ ǒ. Bwǎn-bané eyên kángkáng bakyú ké bubwô eyên, ne bwǎn ḿbé boné eyên batíngê kyísí ba-fé ǒ. Kyi/bát Osówo oshú banet ḿbé bada ǒ eshú, o-jware ḿbé bada ǒ ejware.

Jénésis 49:9

Júda mu wǎ ekpang nyí edaju enyam e-bwa esim ké bucim emen. Ekpang nyí edanabe e-rí kyísí, onet oo*ta kányí*.

2 Korónyíkil 9:18

A-yú u abe nyâchât ne a-byí ké kakyúng-butu ánke, ne ba/fé kyikim-byiká etwôom ńkyí ba/cít gûl ké nkyí. Ogba-kakyúng-butu nang orá o/mû ne bubwô, ne ba/mee byěm wǎ ekpang ké kyicê-kakyúng nang kyirá.

Esitá 6:13

O-sét onyi emen ne kángkáng bacín emen kángkáng byěm ḿbyí bii/chi ǎ. Onyi emen ne banet-bubong-bacín-Háman ámbe kâng ba-sét ǎ ba/fu, busa eyên boo/kpet eman bu-jâ bu-kâm Moredekyâ. Nyǐ o-chi i onet-Jûs ne aa*man ǎ ekpógê*. Nyǐ o-kpógê ng ǒ ké ntûntû.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 41:10

Ké nkéré kii/buu kámú, o-kûchi bushî, onet o*fí mú odacíp o-bwom kámú ké bushú*. [

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 122:6

Fé n̂g nshwam ba/fu, Jerúsélem okyú ké bunyîn-dyityém, ba/fu, kyi/bát banet ḿbé Jerúsélem mu o-jê ng kámbé bajá ńkyí mbe ba-ryuu ng.

Ézódos 23:22

Nké â ben ba/jwo ǎ, ba-chi kángkáng byěm ḿbyí n/sét běn, me n/chi n-nwa ne kángkáng banet-bushwôn enen.

Azáya 31:4

Óburúkpâbí mú o/rêe o-shwôm o/raa ne Azáya o/fu, nang bambâm ebû ba-tii ng, ba-wonge nǎ, baa*man eró ekpang e-dim e-mîng enyam nyí ee/ju*. Ké bukwóp ámbu bubónge, chwǒm kyi*fí ńkyí kyi/chi kyi-chi mě me Óburúkpâbí m-mîng kaku ńké Záyon eku ké afaníkong*.

Máka 5:8

Banet ḿbé ba/chi ba-waa ké eshê nyí banet-bushwôn ebe ba/chi ba-kyú wǎ ekpang nyí nyi e-kyé ng enyam ne byitú ḿbyí edaryí. E-nung ng ké dyibóng-ebû, e-kám kányí, e-ját kányí boǒcê boǒcê, ne onet o*fí mú o/chi o-man enyii kányí o-koo*.

Nómba 22:12

Osówo o-raa ne Bálim o/fu, *dachi a-ca ne banyinchéng ḿbén ké kyikû* ne *dafé kyibî-nshwam a-kye banet ḿbé Ézerel* ké nǎ, me nké nn/jware kámbé.

Nómba 22:6

Mbé ba/jê ba-shwôm bě, ne ké bubwô ámbu, kamgbe, wo abâ a-ba-fé kyibî-nshwam a-kye banet ḿbén ké bubwô emen. Kakíri ké bubwô ámbu kâng, be byi/chi byi-man ekpógê kámbé byi-nwa ne mbé ba-byí bě ké esí. Nyǐ mu o-nyît ng o/fu, ojware o-kyú u ne banet â wo a/sét banet ámbe ejá nyí ojware, ne â a/fé kyibî-nshwam a-kye kámbé, kyibî kyi-róng ng kámbé.

Nómba 23:24

Oshê mú Ézerel mu wǎ ekpang. Nyǐ ee*jang* tete e-ju e-ryí, tete e-jwáp baróng ḿbé enyam nyí nyǐ ee/ju.

Nómba 24:10

Otu Bálek o-myii abwô ké busa-dyityém, o-raa ne Bálim o/fu, me n/kó ǒ n/fu, afé kyibî-nshwam a-kye banet-bushwôn ejí, nké kampén ka/firi kachât kántîk ńké wo aa/bwa a-jware kámbé.

Mátyuu 25:40

Otu ámu o/chi o-faa kámbé o/fu, me mu n-sét ng běn ké ntûntû n/fu, nang nkéré orá nké ben ba/chi ńkyín ba-kye wǎn-boné ejí mún mú kyísí kyísí obónge, ben ba/chi kánkyí ba-kye mě me.

Mátyuu 25:45

Otu ámu o/chi o-faa kámbé o/fu, me mu n-sét ng běn ké ntûntû n/fu, nang nkéré orá nké ben ba/né echwáp onet mú kyísí kyísí mún obónge, ben ba/né mě echwáp.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 9:5

Sôl o-bí o/fu, wo yeě, ǎ Otu Kyítá. Ejá ányi e-faa e/fu, me n-chi i Jisos mú amu a-kyâ ǎ busông.

Dyitórónómyi 30:7

Nyǐ o/chi o-bírî kángkáng byishû ḿbyín byi-kâm banet-bushwôn enen ḿbé ben ba/mû ba-sa ng kámbé kafâ, ba-cít ng běn,