Nómba 24:7 - Bokyi Bible

⁷ Banet-Ézerel ba/chi ba-já omu chwóó mú odana, ne ba/chi ba-kwón esang-byichí ebe ké byifát ḿbyí mbyi ne omu kanong kanong.] Otu ebe o/chi o-kyú kiǐtí-onet o-shwôm Otu Ágak, ne butu emen bu/chi bu-káng bu-byí tete.

Nómba 24:7 Iomraidhean Croise

2 Sámwel 5:12

Ne Otu Dívit o-nyît kâng o/fu, Óburúkpâbí oo/tî ǎ nyǐ wǎ otu mú Ézerel, ne mu o-chi i butu emen bu-kán n bu-câ kashú ké bubwô ḿbú banet emen.

1 Kyîng 4:21

Butu-Sólómon bu/cít kángkáng eshê nyí fím ké kace ńké Yuférétyis tete a-ribi Fyilíta ne buti ḿbú Éjip. Mbé ba/mû mbe ba-kyâ ǎ akpuga-dyishí, ne ba/mû ké bubwô emen ké kángkáng dyikpen emen.

1 Kyîng 5:1

Otu Hyíram mú o/fím Táya o/mû ocín-Otu Dívit kángkáng nkéré. Ne nkéré mú o/jwo ba/fu, Sólómon oo/ryí butu ḿbú bonchí emen Otu Dívit, nyǐ o/twóm banet emen ba-ca kyikit-Otu Sólómon.

1 Korónyíkil 14:2

Ne Otu Dívit o-nyît kâng o/fu, Óburúkpâbí o/tî ǎ wǎ otu mú Ézerel, ne mu o-chi i butu emen bu-câ kashú ké bubwô-banet emen.

Ézara 4:20

Batu ḿbé mbe ne busa ba/kyú batu ányi ne baa/níbî kyikim-esí kyimúmú ńkyí kyicê-kace ńké Yuférétyis ńkyí esû edaríbî, ba-koo ng akpuga-dyishí ne akpuga akíri.

Esitá 3:1

Ńdyí ka/chîrí, Otu Zérekez o/tín onyinchéng obónge mú odabángê Háman o-tî ǎ ké kyikit-bǎmkpóngé ńkyí o/firi otu-dyishí mú o/nye otu abwô ké esim. Háman o/mû wǎn-Hamédata mú onet-kyikû ńkyí Ágak.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 18:43

Wo a/nyii mě ké abwô nyí banet ḿbé ba/bírî bunwa ne me, ne a/chi mě n-firi onet-dyishí mú eshê. Banet ḿbé nn*nyît kámbé* kántîk ba/firi banet ejí.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 68:26

Kye n̂g Osówo akpee ké ncibi mú banet emen. Kángkáng banet ḿbé kyikû-Jekôp, kye n̂g Óburúkpâbí akpee.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 72:11

Kángkáng batu ba/chi ba-tíngê kyísí ba-fé ǎ. Kángkáng eshê e/chi e-chi ńkyí nyǐ o/sét.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 89:27

Wo a/chi a-chi ǎ mbwôp kashú-wǎn eyên ne otu mú o/rêe o-shwôm kángkáng batu.

Azáya 2:2

Osówo o/fu, ké ací nyí nyi a-bâ, kaku ńké kiǐtí-kyise-kyifen emen echi kyi/bwom ké nké ka/chi ka-nyâam ka-shwôm eku kángkáng. Kángkáng eshê e/chi e-kûbê ké nké,

Azáya 30:25

Ké dyicí ńdyí ba/chi ba-koo byikit ḿbyí banet-bushwôn enen mbe ba-bwom m ba-nwa ng byití, ba-ju banet ebe, buce bu/chi bu-sen ké kángkáng eku nyí nyáám ne nyí kyísí kyísí.

Azáya 48:1

Fwôo n̂g atông ba-jwo ńkyín, ben banet ḿbé Ézerel, ben mú ba/fím ké kyikû-banet ńkyí Júda. Ben bamu ba-sem m dyizîn ńdyí Óburúkpâbí, ba-sét ng ba/fu, ben bamu ba-fâ Osówo mú Ézerel, nké ben bamu ba-raa ng ké ejá éja.

Azáya 9:7

Busa ḿbú butu emen bu/chi bu-kán bu-ca kashú. Butu emen bu-waa ng kángkáng nkéré ké bunyîn-dyityém. Nyǐ o/chi o-kyú otu wǎ onet mú o/chi o-kúng kyikit ńkyí Otu Dívit. O-kúng busa emen o-tî ké byěm ḿbyí byinong ne ḿbyí ntûntû echi, kyi-fím kántîk ne ne banyá. Óburúkpâbí mú o/rêe o-shwôm o/fu, nyǐ o-man o-chi ḿbyín kángkáng.

Jeryimáya 51:13

Oshê ámu mu ne buce chwóó ne esang chwóó, nké nkéré emen oo/fyi, ne baa/két dyikpen emen.

Dányel 2:44

Ké nkéré mú batu ámbe, Osówo mú kyíbóng o/chi o-tî butu ḿbú boo*man ne banyá*. Baa*kpógê kámbú ne banyá* nké mbú bu/chi bu-man ne batu ámbe kángkáng ne bu-waa ne banyá.

Nómba 24:20

Ké chwǒm-akat emen eri kâng, Bálim o/ri banet ḿbé Amálek, ne o-sét kyitwóm ńkyín wǎ mkpábé-Osówo o/fu, oshê-Amálek o/mû ne busa o-shwôm kángkáng eshê. Nké ké nkuli kyikû, mǔ o/chi o-tánê ne banyá.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 1:49

Natányel o-faa o/fu, ntánge byiraa-Osówo, wo a-chi i Wǎn-Osówo. Ne a-chi i to otu mú Ézerel.

Revelíshon 11:15

Ne orím mú onong ké ashí káchâtkányi kâng o-jwá ntán emen. Ne ejá chwóó ké bubóng e-raa kyíbóng kyíbóng e/fu, busa ḿbú ejíí etún bu/firi ḿbú Otu Kyítá eten ne onet mú nyǐ o/kúng ǎ butu. Ne nyǐ o/chi o-waa Otu ne banyá ne banyá.

Revelíshon 17:1

Ne orím mú onong obónge kâng ké burwám-barím ḿbé banong káchâtkányi ḿbé ba/mû ne acáng ányi káchâtkányi o-bâ o-kâm mě, ne o-raa o/fu, bâ, me n/chi n-tông ǒ eringe nyí kiǐtí-onyinyi-akpara o/chi o-ri busông, mú mu kiǐtí-oshê ńkyí ba/bi ba-kim ne buce chwóó.

Revelíshon 17:15

Ne orím mú onong ámu o-sét mě to o/fu, buce ámbu ḿbú a/ri, ḿbú onyinyi ámu mu o-kyú u me ké mbú, mbú bu-chi i banet ne azu-banet ne byikim-eshê ne azong-ejá nyí mbe ba-raa ng ké ejíí.

Revelíshon 19:16

Ba/sáng ké ágbádá emen ne ké kyiká emen ba/fu, Otu mú barî-batu ne Otu Kyítá mú barî-batu kyítá.