Nómba 24:6 - Bokyi Bible

⁶ wǎ etáng-bayêp nyí etangetang, ne wǎ byifát ḿbyí mbyi bukô-kace, ne wǎ kyichí ńkyí badakó álos, ńkyí Óburúkpâbí o/kwón, ne wǎ byichí-séda ḿbyí ké bukô-kace. [

Nómba 24:6 Iomraidhean Croise

Jénésis 13:10

Lôt o-tún o-ri o/fu, kángkáng esí nyí ké bukô-kace ńké Jódan, tete kyi-ribi ké Zówa, nyi ne omu chwóó wǎ kyifát ńkyí Óburúkpâbí, ne wǎ esí nyí Éjip. Ńkyín kyi/mû ké nkéré mú Óburúkpâbí o*da/bên ne Sódom ne Gomóra*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 1:3

Nyǐ mu wǎ kyichí ńkyí ba/kwón ké bukô-kace. Kyichí ánkyi kyi-zím m byirim ké ochíchí-nkéré. Ne eshǎan-kyichí ánkyi ee*roo*. Nyǐ oo*róng ké byěm ḿbyí mu o-chi i*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 104:16

Byichí ḿbyí Óburúkpâbí o/kwón ké Lebánon mbyi byi-já ng omu chwóó.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 45:8

Kyinung-burwan ḿbú badakó mîi ne ḿbú badakó álos nkyi ǒ ké byídí. Bankim ane mbe ba-tî ng ǒ ké bunyîn-dyityém ké kyibám eyên ńkyí ba/nap ne asháng-eshwa.

Okwan 6:11

Me n/shû kaku n-ca dyijî-byichí ḿbyí badakó ámon n-da-ri boosu-byichí ké owo, n-ri eshǎan nyí efyîfî nyí ee/byí ké byichí ne ekong nyí ee/chi ké byichí ḿbyí badakó pamagáránat. [

Azáya 41:19

Me n/chi n-chi byichí ké azong ké azong byi-byí ké kyikit ńkyí byichí byi/mû byi*fí*. Kyizinge-byichí byiryên kyi/chi kyi-firi ké kyikit ńkyí byichí byi/mû byi*fí*.

Azáya 58:11

Ne me kâng n/chi n-kû běn ebám kángkáng nkéré, n-kye běn byěm ḿbyí byi/kwárê běn. N/chi n-chi běn ba-shwane, ba-kyú kanong ké enyam-byiko. Ben ba/chi ba-kyú wǎ kyifát ńkyí nkyi ne omu ne wǎ kace ńké kaa*núng*.

Jeryimáya 17:18

Wuri banet ḿbé mbe ba-kyâ mě busông éshwân, nké *da mě ewuri me* ǎ Óburúkpâbí*. Fé kámbé bushî, nké *da mě efé bushî*. Kye kámbé busông, a-ját kámbé boǒcê boǒcê.

Jeryimáya 31:12

Mbé ba/chi ba-bâ ba-ba-kwán ekwan-bunyîn-dyityém ké kaku ńké Záyon, ne eyáré ejí e/chi e-nyîn kámbé. Eyáré nyí byiryíng ne bato ne bakút, eyáré nyí ebû ne bampong. Mbé ba/chi ba-kyú wǎ kyifát-byíkwôn ńkyí nkyi kyi-já ng omu kángkáng nkéré. Mbé ba/chi ba-já kángkáng byěm ḿbyí mbe ba-ryuu ng.

Ezékyel 47:12

Kángkáng azong-byichí a/chi a-kán ké bakô-kace bamúmú eringe byidachi byiryíng. Eshǎan ebe ee*roo* ne bii*mîng byirim ezím*. Mbyí byi-kyú u ne byirim ḿbyí byikpó kángkáng otukáku, ké nǎ, kace ńké nke ka-fím m ké kiǐtí-kyise-kyifen-Osówo echi nke ba-pwó ng omu ké mbyí. Byichí ámbyi byi/chi byi-chi byiryíng ne ba/chi ba-kúng eshǎan ebe ba-kûchi banet ba-nyange e.

Jówel 3:18

Ké nkéré ámu, byichí ḿbyí badayip byirim emen ba-chi bato byi/chi byi-cít eku, ne kaku nang kará ka/chi ka-firi ne bampong. Omu o/chi o-sú ké kángkáng buce ḿbú Júda. Kace kabónge ka/chi ka-byí ké kiǐtí-kyise-kyifen-Óburúkpâbí echi, ne ka/chi ka-sen ké owo mú Akákya.

Nómba 24:5

Boompyep ḿbú badabi ké kyídí, ḿbú Ézerel mbu bu-nwa ng bunong