Nómba 24:2 - Bokyi Bible

² o-ri banet-Ézerel ké baa/bi boompyep ké byikû ké byikû. Busa ḿbú Busun-Osówo bu-nung ǎ ké byiko,

Nómba 24:2 Iomraidhean Croise

2 Korónyíkil 15:1

Busun ḿbú Osówo bu-ba-nung Azaryâ mú wǎn-Ódet ké byiko,

Okwan 6:10

Yeě něen mú achi emen nyi wǎ kiinwángé ńkyí dyicófóróng. Nyǐ mu o-nwa ng bunong ne mu kpárám. [Nyǐ mu o-san n wǎ óbyísû ne wǎ otukáku.]

Okwan 6:4

ókyî ejí, wo amu a-nwa ng wǎ Jerúsélem, amu a-nwa ng wǎ oshê mú Tyíza [ne amu a-nwa ng a-shwôm wǎ biǐtí-eshê ḿbyín.]

Nómba 24:5

Boompyep ḿbú badabi ké kyídí, ḿbú Ézerel mbu bu-nwa ng bunong

Mátyuu 10:4

ne Sámon mú o/mû ne kyijé ne oshê, ne Júdas-Esakáryot mú o/chi ba-kám Jisos.

Mátyuu 10:8

Chi n̂g banet-byirwóm ba-nyange, ba-jwóbê banet ḿbé baa/kpú, ba-ró to byibî-bací ké enyam-byiko-banet. Ben baa/koo chwǒm ńkyí ben ba*da/ré ké akpuga* ké bubwô ámbu, kye n̂g to banet, nang chwǒm, *da n̂g echi ba-koo*.

Mátyuu 7:22

Ké nkéré mú nkuli kyikû-dyicí ándyi dii/fyi, banet chwóó ba/chi ba-kû mě esét ba/fu, Otu Kyítá, be byi/mû byi-sét ng byiraa-Osówo ké dyizîn eyên. Ké dyizîn eyên to nké byi/mû byi-ró ng byibî-bací chwóó ké enyam-byiko-banet. Ké ndyí to nké byi/mû byi-chi i biǐtí-akat.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 10:20

Nké *da n̂g echi ba-jêe* ké ebóng, byibî-bací mbyi byi-kyâ běn ofê*. Nké jêe n̂g, ké ebóng, baa/sáng azîn enen kyíbóng.

Revelíshon 1:10

Ké dyicí-ékwâbashi ńdyí Otu Kyítá, me m/mû ké bubwô ḿbú busa ḿbú Busun-Osówo, ne n-jwo ejá nyí e/raa kakânkakân wǎ ntán ké esim ejí.

Jójis 3:10

Busa ḿbú Busun ḿbú Óburúkpâbí bu/ba ǎ enung ké byiko, o-firi onet-dyishí mú Ézerel. O-dim o-wâa byití. Óburúkpâbí o-chi ǎ o-kpógê otu-Mesopotémya ámu.

1 Sámwel 10:10

Nkéré mú Sôl ne ḿgbán emen ba/nung ké Gyíbya, bujê-bamkpábé ḿbé badasét byiraa-Osówo ba/bê ba-kâm ǎ. Busa ḿbú Busun-Osówo bu-waa bu-nung ǎ ké byiko, o-nung o-kâm kámbé ké ane ene ne dyiwonge ewonge.

1 Sámwel 19:20

O-twóm kâng banet o/fu, bada-kám ǎ. [Banet ámbe ba-ri] bujê-bamkpábé ḿbé badasét byiraa-Osówo mbe ba-ne ng ane ba-wonge e, ne Sámwel wǎ onet-dyishí ebe. Busa ḿbú Busun-Osówo bu-nung kâng banet-Otu Sôl ámbe ké byiko, mbé to ba-kpet ene ane ba-wonge e.

1 Sámwel 19:23

Ńdyí mu o-cen n o-câ áku, busa ḿbú Busun-Osówo bu/nung ǎ to ké byiko. O-kpet ane ene o-wonge e tete o-ribi Nǎyot.