Nómba 24:1 - Bokyi Bible

¹ Kántîk nké Bálim oo/nyît o/fu, Óburúkpâbí mu o-ryuu ng ǎ o/fu, nyǐ ojware banet-Ézerel. Ké bubwô ámbu, nyǐ o*da/chîce epé esô* wǎ eringe o/mû oo/chi*. O-bírî kashú ḿbú kyikim-dyikán

Nómba 24:1 Iomraidhean Croise

Nómba 22:13

Ké orî-dyicófóróng, Bálim o-dim o-kâm banet-kyitwóm-Otu Bálek o-raa ne mbé o/fu, bwa n̂g esim dyijê. Óburúkpâbí o*da/bángê o/fu, me nca ne ben*.

Nómba 22:7

Banet-ashí ḿbé Mówep ne ḿbé Médyan ba-kúng kâng akpuga nyí badakye ké kyibî-nshwam efé ánkyi ba-dim ba-kâm Bálim ba-da-sét ǎ kyitwóm ńkyí Otu Bálek o/twóm.

Nómba 23:15

Bálim o-raa ne Otu Bálek o/fu, bwom nyín ké bukô-byifen ḿbyí a/chi, ne me n/chi n-kâm Osówo áku.

Nómba 23:20

Baa/sét mě ba/fu, me njware banet, ne â Osówo o/kye ojware, me mm*man to ekoo ojware ámu o-bwa esim ne mǔ*.

Nómba 23:23

Kiǐré-bukye kyi*fí* nang bucí bu*fí* ḿbyí ba-nwa ne oshê mú Ézerel*.] Kántîk, banet ba/chi ba-raa kyi-kim ne Ézerel ba/fu, ri n̂g ńkyí Osówo oo/chi kámbé.

Nómba 23:28

Nyǐ kâng o-kúng Bálim ba-dim kyíbóng-kaku ńké Pôo, ńké ka/bírî kashú ké kyicê ńkyí kyikim-dyikán.

Nómba 23:3

Bálim kâng o-raa ne Otu Bálek o/fu, bwom nyín ké bukô-byifen ḿbyí a/chi, me n-ca n-da-ri â Óburúkpâbí o/chi o-bâ o-kâm mě, nang oo*bê o*. Me n/chi n-sét ǒ nang ebóng chwǒm ńkyí nyǐ oda mě esét. Bálim kâng o-dim kǎnchí ḿbú kyíbóng-kaku,

Nómba 23:30

Otu Bálek o/chi eringe nyí ba/sét ǎ, o-kúng otyép-mpong obónge obónge ne otyítǎm obónge obónge o-chi byifen ké byikit-kyifen-Osówo echi ámbyi byimúmú.

Nómba 31:16

Zîim m̂ ba/fu, kyi/mû banyinyi nké ba/chi ńkyí Bálim o/sét, ne ké Pôo, mbé nké ba/chi banet-Ézerel ba-né dyityém efé ne Óburúkpâbí. Nkyí nké kyi/cen ne kyibî-orwôm kyi-róng banet-Óburúkpâbí.

Revelíshon 2:14

Nyín něen boǒnyín-byěm kyi-kim ne wo ḿbú bu*fí bu-nyîn n mě*. Kyicê-banet mbe ányi ne wo ḿbé mbe ba-chi i byěm ḿbyí Bálim o/mû o-tángê e. Mú o/tángê Otu Bálek bukwóp ḿbú odachi banet-Ézerel ba-chi kyibî ké byiryíng ḿbyí ba/ryí ḿbyí ba/chi kyifen ba-kye erím-bakye ne ké byibî-babép ebép.

1 Sámwel 24:20

Kántîk, me nn/nyît n/fu, wo a/chi a-kyú otu mú Ézerel, n-nyît to n/fu, butu-Ézerel bu/chi bu-ca kashú ké bubwô eyên.

1 Sámwel 26:2

Otu Sôl o-dim odǐm ne égot-basúja onyiryiká ḿbé badajang enwa byití ba-shwôm ké kyikim-dyikán ánkyi ńkyí Zîp, ba-wâa edakyé Dívit.

1 Sámwel 26:25

Otu Sôl o-faa Dívit o/fu, Osówo ojware ǒ, ǎ wǎn ejí. Nang ebóng chwǒm ńkyí amu a-chi i, kyi-man kyi-ca ǒ kashú. Dívit o-dim kâng kiǐfáng ńkyí emen. Otu Sôl o-bwa esim dyijê.