Nómba 23:9 - Bokyi Bible

⁹ Me mu m-bwom m ké aká nyí nyáám n-ri kámbé. Me m-bwom m ké eku n-tún n kámbé. Mbé ba-chi i oshê mú odakyú kǎnchí. Mbé mbe ba-nyît ng ba/fu, Osówo o/jware kámbé o-shwôm banet-bushûyû.

Nómba 23:9 Iomraidhean Croise

Ézara 9:2

Banet-Ézerel ba/mû mbe ba-bé ng banyinyi ḿbé mbe bacinbánet, ne ké bubwô ámbu, banet ḿbé mbe kanong ké bushú ḿbú Osówo baa/bên byiko ebe. Banet-ashí ne banet-bǎmkpóngé-okákárá nké ba/bên ba-shwôm.

Esitá 3:8

Háman o-sét kâng otu o/fu, kyikim-banet nkyi nyín pwôopwôo ké esí eyên emúmú, ne ba-ri ng kámbé nang ké kyikim-oshê nang kyirá. Mbé mbe ba-chi i édúú nyí e*fí eringe ebónge ne nyí banet ḿbé áku*. Mbé to ba*fí ba-chi i ńkyí byije eten byi/sét*. Ké bubwô ámbu, kii*chwáp ǒ ńkyí be byidamîng kámbé*.

Ézódos 33:16

Onet o-cen n nǎ ne o-nyît o/fu, wo nkyi kyi-nyîn n ǒ ne banet eyên ne ne me, â wo a*da/ce ne be ké kyikû*. Â amu ne be, kyi/chi kyi-chi bě byi-yángê ne banet bakíri ḿbé mbe ké ejíí.

Jeryimáya 46:28

Me n/chi m-bâ n-kâm běn m-ba-nyii běn. N/chi m-bên kángkáng eshê nyí mm/pwó běn ké nyǐ byiryibyiryi, nké mm*ba/chi n-ju běn*. Mm*ba/chi m-mîng běn busông ekye*. Nké â n/kye běn busông, n/chi n-kye běn ḿbú budakwárê ne ben. Me Óburúkpâbí nké n/raa.

Jeryimáya 49:31

bâ n̂g byi-dim, byi-da-kye banet ámbe ḿbé ba/fu, mbé mbe ké bunyîn-dyityém bunwa. Oshê ebe o*fí ne afyi* ba*da/fín kámú* ne nang chwǒm kyi*fí ńkyí kyi/ku kámú*.

Émos 9:9

Me n/chi n-kye busa n-ninge banet ḿbé Ézerel wǎ esang-byichí nyí badacage. N/chi n-ninge kámbé ké eshê nyí nyi banet-bushwôn ebe n-fîm kángkáng banet ḿbé ba*da/byí chwǒm*.

Máka 7:14

Óburúkpâbí, yip ochí eyên wǎ mbâm ebû a-kûbám banet eyên ḿbé wo aa/cá. Nang ké mbe ba-kyú u cátcatcát ké kyikim-dyikán, esí nyí edabát byiryíng e/wâng kámbé e-fé ké kafâ. Mîng kámbé ba-bwa esim ba-da-ryí baryî ké aro nyí anong anong nyí Báshan ne Gyílet, wǎ eringe nyí ba/mû ba/ryí ké nkéré mú o/shwôm ké esim chwóó.

2 Koríntyan 6:17

Ne Otu Kyítá o-raa kâng o/fu, ben ba-man ba-mîng kámbé, ba-pap byiko enen ké burwám ebe. *Da n̂g echi ba-chi chwǒm ne chwǒm-ociring* ne me n/chi n-koo běn.

Dyitórónómyi 32:8

Nyǐ mú mu kyíbóng kyíbóng nké o/kye eshê esí ebe. Nyǐ nké o/tî byikit ḿbyí banet badakyú. Nyǐ o/kye oshê nang orá osówo obónge.

Dyitórónómyi 33:28

Ké bubwô ámbu, bwǎn ḿbé Jekôp ba-kú ba-kyú u ké bunyîn-dyityém. Mbe ba-kyú u beem ké esí nyí ee/sú ne byiryíng ne bato, ké kyikit ńkyí kyibû nkyi kyi-fím m kyíbóng kyi-na ng kyísí.

Tátus 2:14

Nyǐ o/kye kyitông emen ké dyishí eten, eringe nyí oda bě epá ké kángkáng azong-byibî-byěm, ne o-chi bě byi-firi banet ḿbé kpárádádát, byi-já ǎ nyǐ kǎnchí, ne byimu ne okabe shwaneshwane byi/fu, byi-chi i byěm ḿbyí byinong.

1 Pyíta 2:9

Nké ben ba-chi i kyikim-banet ńkyí Osówo o/cá, ba-chi i to banchi kyifen-Osówo ḿbé Kiǐtí-Otu, ne ba-chi i to oshê mú o/já Osówo, ne ba-chi i banet ḿbé Osówo. Osówo oo/cá běn o/fu, ben bakûsét wááng kyi-kim ne biǐtí-byěm emen. Nyǐ mú oo/fîm běn ké kyifip o-tî běn ké kiinwángé ńkyí emen ńkyí kii*nwa eri*.