Nómba 23:3 - Bokyi Bible

³ Bálim kâng o-raa ne Otu Bálek o/fu, bwom nyín ké bukô-byifen ḿbyí a/chi, me n-ca n-da-ri â Óburúkpâbí o/chi o-bâ o-kâm mě, nang oo*bê o*. Me n/chi n-sét ǒ nang ebóng chwǒm ńkyí nyǐ oda mě esét. Bálim kâng o-dim kǎnchí ḿbú kyíbóng-kaku,

Nómba 23:3 Iomraidhean Croise

Jénésis 22:13

Ébarahâm o-bírî achi o-ri otyítǎm mú oo/kpong ké kyichí. O-dim o-da-yip kámú o-chi kyifen ńkyí badashí kyirim-enyam kyimúmú, ké dyishí ńdyí wǎn emen.

Jénésis 22:2

Osówo o-sét ǎ o/fu, kúng ncen-wǎn eyên, Ázik mú oda ǒ ejang ejê ba-ca ké esí nyí Moryâ. Ké kyikit ánkyi, ké kaku ńké n/chi n-tông ǒ, kúng ǎ a-chi kyifen a-kye mě.

Jénésis 8:20

Núwa o/bi kyikit-kyifen echi o-tî Óburúkpâbí. O-kúng enyam ebónge ebónge ne kanurung kabónge kabónge, ké burwám ḿbú baa*ciring* o-shí kámbyí kángkáng o-chi kyifen.

Ézódos 18:12

Ne Jétoro o-bâ ne kyitú ńkyí badashí kángkáng ba-kye Osówo, o-chi to byifen byikíri o-kye ǎ. Ne Éron ne kángkáng banet-ashí ḿbé Ézerel ba-dim ba-da-ryí byiryíng-kyifen ánkyi ba-kye Osówo ofê.

Lyívyítyíkus 1:1

Óburúkpâbí o/bwom ké mpyep mú odakyú o-kó Músis, o-sét ǎ byije ḿbyín,

Nómba 23:12

Bálim o-faa o/fu, me m-man n esét ńkyí Óburúkpâbí o/sét mě o/fu, me nsét nké nke.

Nómba 23:15

Bálim o-raa ne Otu Bálek o/fu, bwom nyín ké bukô-byifen ḿbyí a/chi, ne me n/chi n-kâm Osówo áku.

Nómba 23:2

Otu Bálek o-chi eringe nyí ba/sét ǎ. Nyǐ ne Bálim ba-kúng otyép-mpong obónge obónge ne otyítǎm obónge obónge ba-chi byifen ké byikit-kyifen-Osówo echi byimúmú.

Nómba 23:26

Bálim o-faa o/fu, me n*da ǒ esét n/fu, me n-chi i nang ebóng chwǒm ńkyí Óburúkpâbí o/sét mě*?

Nómba 23:4

ne Osówo o/byí o-kâm ǎ. Bálim o-raa ne Osówo o/fu, me mm/bi byikit-kyifen echi eyên ámbyi káchâtkányi, ne nn/ju mpong ne ebû ké mbyí byimúmú n-chi byifen.

Nómba 24:1

Kántîk nké Bálim oo/nyît o/fu, Óburúkpâbí mu o-ryuu ng ǎ o/fu, nyǐ ojware banet-Ézerel. Ké bubwô ámbu, nyǐ o*da/chîce epé esô* wǎ eringe o/mû oo/chi*. O-bírî kashú ḿbú kyikim-dyikán

Mátyuu 4:8

Otu-Byibî-Barím o-kúng kâng Jisos o-dim ne nyǐ ké kaku ńké ka/nyâam kanong kanong, o-tông ǎ kángkáng eshê nyí nyi ké ejíí, ne kángkáng efang nyí nyi ké nyǐ.

Jóshwa 24:10

Nké me n*da/tî atông ké ńkyí Bálim o/raa* ne ké bubwô ámbu, nyǐ o/jware běn, ne ké bukwóp ámbu nké me n/cen ne n-nyii běn ké abwô nyí Otu Bálek.