Nómba 23:1 - Bokyi Bible

¹ Bálim o-raa ne Otu Bálek o/fu, bi mě byikit-kyifen-Osówo echi káchâtkányi nyín, a-bâ mě to ne batyép-mpong káchâtkányi ne etyítǎm káchâtkányi.

Nómba 23:1 Iomraidhean Croise

2 Kyîng 18:22

Onet-dyishí-Asyírya ámu o-raa o-ca kashú o/fu, ba-man n mě esét ba/fu, ben ba/jêem esim ne Óburúkpâbí mú mu Osówo enen? Byikit-byifen echi ḿbyí Óburúkpâbí nké Otu Hesekyâ o/bên, ké nkéré mú o/sét banet ḿbé Júda ne Jerúsélem o/fu, bakûfé Osówo ké kyikit-kyifen echi ńkyí nkyi ké Jerúsélem nké nke.

1 Korónyíkil 15:26

Mbé ba/ju batyép-mpong káchâtkányi ne etám-ebû káchâtkányi eringe mbé badachi Osówo o-chwáp bǎmgbán-nchi kyifen-Osówo ḿbé mbe ba-kúng ng mkpukpu-byěm-Osówo.

2 Korónyíkil 29:21

Mbé ba/kúng batyép-mpong káchâtkányi ne etám-ebû káchâtkányi ne bwǎn-etám-ebû káchâtkányi ne ebúbǔu káchâtkányi ba-dim ne mbyí wǎ eyáré ekye nyí edapwoo byibî ḿbyí banet-kyikû-butu ne ḿbyí banet ḿbé Júda, ne ké kiǐtí-kyise-kyifen-Osówo echi byibî efîm. Otu Hezekyâ o-sét banchi kyifen-Osówo ḿbé ba/fím ké kyikû-banet ńkyí Éron o/fu, bashí byitú ámbyi ké kyikit-kyifen-Osówo echi.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 42:8

Kántîk, kúng n̂g batyép-mpong káchâtkányi ne etyítǎm káchâtkányi ba-kye Jôp ké kyifen echi ké byiko enen. Jôp o/chi o-fé nshwam ké bubwô enen, ne me n/chi n-faa ojá ké nshwam emen, ne mm*ba/chi n-fé běn éshwân nyí e/kwárê ne ben*. Ben ba*da/sét ntûntû kyi-kim ne me* wǎ eringe nyí nyǐ o/sét*.

Ézódos 20:24

Kúng n̂g ecing ba-chi kyikit-kyifen echi ba-tî mě. Ké kyikit-kyifen echi ánkyi, kû n̂g echi kyifen ńkyí badakúng etám-ebû ne bampong ba-fwá byi-shí kángkáng, ne wǎ byifen to ḿbyí okwáre ne me. Ké kángkáng byikit ḿbyí n/tî běn n/fu, kû n̂g mě efé, me n/chi m-bâ n-kâm běn m-ba-jware běn.

Póróvep 15:8

Óburúkpâbí o-kyú u ké bunyîn-dyityém ké nkéré banet ḿbé mbe ba-chi i kanong ba-kú ba-fâ nshwam, nké byifen ḿbyí bambên atyém mbe ba-chi i ba-kyâ ǎ byi-sa ng ǎ kafâ.

Ezékyel 33:31

Ké bubwô ámbu kâng, banet ejí ba/sú kyikit kyibónge ba/fu, mbé ba-jwo ng ńkyí wo a/chi a-sét. Nké mbé ba*fí ba-chi i ńkyí wo amu a-sét ng kámbé a/fu, bachi*. Mbé mbe ba-kúng ng byiraa eyên wǎ chwǒm-éshwân ne mbe ba-câ kashú ne édúú nyí byěm eshwam.

Ezékyel 45:23

Kángkáng dyicí ké ací káchâtkányi, nyǐ o/chi o-chi kyifen ké batyép-bampong káchâtkányi ne etyítǎm káchâtkányi ḿbyí byi*fí ne kyinêm* o-kye mě, ne o-shí kámbyí byirim byirim. O/chi o-chi kyifen ké otúbû to kángkáng dyicí wǎ eyáré ké byibî.

Nómba 22:41

Ké orî-dyicófóróng, Otu Bálek o/kúng Bálim ba-dim ne nyǐ kyíbóng-kaku ńké Bámot-Bâl eringe nyí Bálim odari kyicê-banet ḿbé Ézerel.

Nómba 23:2

Otu Bálek o-chi eringe nyí ba/sét ǎ. Nyǐ ne Bálim ba-kúng otyép-mpong obónge obónge ne otyítǎm obónge obónge ba-chi byifen ké byikit-kyifen-Osówo echi byimúmú.

Nómba 23:29

Bálim o-sét ǎ o/fu, bi mě byikit-kyifen-Osówo echi káchâtkányi nyín, a-bâ mě to me batyép-mpong káchâtkányi ne etyítǎm káchâtkányi.

Nómba 23:30

Otu Bálek o/chi eringe nyí ba/sét ǎ, o-kúng otyép-mpong obónge obónge ne otyítǎm obónge obónge o-chi byifen ké byikit-kyifen-Osówo echi ámbyi byimúmú.

Nómba 29:32

Ké ací káchâtkányi, kye n̂g byisu-batyép-mpong káchâtkányi ne etyítǎm efee ne bwǎn-etyítǎm diǐkpú ne banyii ḿbé baa/rí dyije. Byitú ḿbyín kángkáng byi*dachi byi-kyú ne kyinêm*.

Mátyuu 23:13

Kyi/bên ne ben kanong kanong, ǎ bantánge Byije-Músis ne banet-Fárasyî, ben bannîm banet. Ké ebóng, ben bamu ba-fâng ng dyifyi ńdyí Butu ḿbú Osówo ké bushú ḿbú banet, nké ben baa*ba/chi ba-nung ké kafâ* ne nang banet to ben ba*fí ba-bángê e kámbé ba-nung* ḿbé mbe ba-kan n ba/fu, mbé ba-nung ng*. [

JÛT LÉTA MÚ JÛT O/SÁNG 1:11

Kyi/bên ne mbé kanong kanong. Mbé ba/cen ké kiǐfáng ńkyí Kîin o/cen. Ké bubwô ḿbú akpuga, mbé baa/yip byiko ebe ba-kye ké byibî-byěm ḿbyí Bálim o/chi. Mbé baa/bírî bunwa ne Osówo wǎ eringe nyí Kóra o/bírî. Osówo oo/ju kámbé wǎ eringe nyí o/ju Kóra.

1 Sámwel 15:22

Sámwel o-faa o/fu, kyirá ńkyí kyidanyîn Óburúkpâbí dyityém, eyáré ekye ne byifen echi aa, aa ochi mú onet odachi ńkyí nyǐ o/sét ǎ. Kyi-nwa ng ńkyí onet odachi ńkyí nyǐ o/sét ǎ, kyi-shwôm ńkyí adakúng etám-ebû nyí enong a-chi kyifen a-kye ǎ.