Nómba 21:9 - Bokyi Bible

⁹ Músis kâng o-chi efyi ké borôn o-kpong kányí ké kyikwap. Nang yeě mú efyi e/jwóm ǎ, o-man n etún achi ké nyǐ o-nyange.

Nómba 21:9 Iomraidhean Croise

2 Kyîng 18:4

Nyǐ o/bên byikit ḿbyí ba/mû ba-sháng ng bakye, o-sé aká-ociring, o-bên erím-bakye nyí Ashéra mú osówo-onyinyi. O/sé to efyi nyí Músis o/mû o/mee ké borôn rugirugi, nyí ba/mû ba-kó ng kányí Nehúshítan. Tete kyi-ribi ké nkéré ámu, banet ḿbé Ézerel ba/mû ba-shí i burwan ba-kyâ kányí ofê.

Azáya 45:22

Bírî n̂g ba-kâm mě kántîk, n-nyii běn, ǎ kángkáng banet ḿbé ké ejíí. Me kǎnchí nké mu Osówo.

Zákaryâ 12:10

Me n/chi n-chi bwǎn ḿbé Otu Dívit ne banet ḿbé Jerúsélem ba-sú ne dyityém ńdyí badari banet bafip ne ńdyí badakûfé nshwam. Mbé ba/chi ba-bírî achi ba-tún onet mú mbé baa/kpet ba-ju, ne ba/chi ba-tii ǎ wǎ eringe nyí banet badatii ncen-wǎn mú odakpú. Ba/chi ba-tii kyi-sa kámbé wǎ banet ḿbé ókpá-wǎn-onyinchéng o/kpú kámbé.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 1:29

Ké orî-dyicí, Jǒn o-ri Jisos ké o-kú o-bâ o-kâm ǎ, ne Jǒn o-raa o/fu, nyín něen Wǎn-Etám-Ebû mú Osówo o/chi o-yip o-chi kyifen eringe nyí odafîm byibî ḿbyí ké ejíí.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 12:32

Ké nkéré mú baa/yip mě kyíbóng, me n/chi m-kpaa kángkáng banet n-fé ké byiko.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 6:40

Ké ebóng, ńkyí Bonchí ejí mu o-ryuu ng nkyi něen o/fu, kángkáng banet ḿbé ba/ri Wǎn emen ne ba-bángê ne nyǐ ne atyém ebe, bafiri ne dyikpen ńdyí ne banyá, ne me n/chi n-jwóbê kámbé ké bukyû ba-firi ké dyikpen, ké nkuli kyikû-dyicí.

Rúman 1:17

Ké ebóng, Bǎmpém ḿbé Banong mbe ba-tông ng wááng eringe nyí Osówo mu o-két ng mpan o-nwa banet. Nkyi ké dyityém efé ne Osówo, kyi-fím ké kiimkpet kyikû tete kyi-byí ké nkuli kyikû. Wǎ eringe ejá-Osówo nyí ba/sáng kyísí e/sét e/fu, onet mú Osówo oo/két mpan o-nwa ǎ ké bubwô-dyityém efé ne nyǐ o/chi o-kpen ké ntûntû.

Rúman 8:3

Ńkyí Byije-Músis byi*da/man echi* Osówo o/chi, ké ebóng, atyém eten nyi kyeekyee. Osówo o/két mpan o-bên byibî ḿbyí bii/koo bě busa ké Wǎn emen mú o/twóm, mú o/bê wǎ onet, mú byibî bii/koo ǎ busa o/fu, nyǐ o-bâ ng efîm byibî.

2 Koríntyan 5:21

Karâs o/mû o*fí ne kyibî* nké ké bubwô eten, Osówo o/chi ǎ o-nung to ké byibî eten, eringe nyí be, ké ocibi eten to ne Karâs, byidanung ké kanong ńké Osówo.

Hyíburus 12:2

Bâ n̂g byi-kûleme Jisos mú atyém eten nyí byi/fé ne Osówo nyi a-jêem m esim kyi-fím ké kiimkpet kyikû tete kyi-ribi ké nkuli kyikû. Nyǐ o*da/zú abwô ké bubwô ḿbú kyikwap ńkyí badashwân onet*. Nyǐ o*da/kabe chwǒm nang kyibónge kyi-kim ne éshwân nyí bukyû ekpú ké kyikwap ánkyi* ké bubwô-bunyîn-dyityém ḿbú bu/mû bu-bám m ǎ, ne kántîk, nyǐ oo/kyú ké kyicê ńkyí bubwô-etyebéng-kakyúng-butu ńké Osówo.

1 Jǒn 3:8

Nang yeě nké mu o-chi i byibî o-câ kashú, onet ámu o/já Otu-Byibî-Barím, ké ebóng, Otu-Byibî-Barím o/kpet byibî echi kyi-fím ké nkéré mú Osówo o/chi ejíí. Wǎn-Osówo o/bê ké ochíchí-bubwô ḿbún o/fu, nyǐ o-bâ ng ebên bǎmkpóngé ḿbé Otu-Byibî-Barím.