Nómba 21:7 - Bokyi Bible

⁷ Banet-Ézerel ba-bâ ba-kâm Músis ba-raa ba/fu, be byi/chi kyibî ké nkéré byi/shwôn ne Óburúkpâbí ne wo. Kántîk, fé nshwam a-kye Óburúkpâbí o-kúng efyi ńnyín e-dim. Músis o-fé kâng nshwam ké bubwô-banet-Ézerel.

Nómba 21:7 Iomraidhean Croise

Jénésis 20:17

Ké bubwô ḿbú chwǒm ńkyín ńkyí kyi/chi Sirá mú onyi-Ébarahâm, Óburúkpâbí o/mû o*da/chîchi onyinyi nang obónge ké kyibám ńkyí Otu Abyímélek o-koo dyifít*. Ne Ébarahâm kâng o-fé nshwam ké bubwô ḿbú Otu Abyímélek, ne Osówo o-kye ǎ bufwon. O/chi to onyi emen ne básóng emen ḿbé banyinyi ba-kpet efwon.

Jénésis 20:7

Nké kántîk, yip onyinyi ámu a-kye otyép emen. Otyép emen o-chi i mkpábé mú odasét byiraa ejí, ne o/chi o-fé nshwam o-kye mě ké dyishí eyên eringe nyí aa*kpú to*. Nké â a*da/bwa ne nyǐ esim* me mu n-kuri ng ǒ ekó n/fu, a/chi a-kpú, wo ne kángkáng banet eyên.

1 Kyîng 13:6

Otu Jérobâm o-raa ne mkpábé ámu o/fu, kamgbe, fé nshwam a-kye Óburúkpâbí mú Osówo eyên ké bubwô ejí, a-bí ǎ a/fu, bubwô ejí buchîfiri kanong. Mkpábé ámu o-fé nshwam o-kye Óburúkpâbí, ne bubwô-Otu Jérobâm bu-chîfiri kanong.

2 Kyîng 13:4

Ne Otu Jehóháhaz o-fé nshwam kâng o-kye Óburúkpâbí, ne ńdyí Óburúkpâbí o/ri dyizong-kyibî-ocît ńkyí otu mú Syírya o/mû o-cít ng banet ḿbé Ézerel, o-jwo nshwam emen.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 42:10

Ké nkéré Jôp kâng oo/fé nshwam o-kye ké dyishí-bacín emen ámbe ashí achât, Óburúkpâbí o/chi ǎ o-chîfiri ne byěm byi-jê kampén kafee byi-shwôm ḿbyí o/mû ne mbyí kpákpá.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 42:8

Kántîk, kúng n̂g batyép-mpong káchâtkányi ne etyítǎm káchâtkányi ba-kye Jôp ké kyifen echi ké byiko enen. Jôp o/chi o-fé nshwam ké bubwô enen, ne me n/chi n-faa ojá ké nshwam emen, ne mm*ba/chi n-fé běn éshwân nyí e/kwárê ne ben*. Ben ba*da/sét ntûntû kyi-kim ne me* wǎ eringe nyí nyǐ o/sét*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 106:23

Ké nkéré Osówo o/fu, nyǐ o-ju ng banet emen, Músis mú mu ḿgbán mú nyǐ o/cá, o/bwom bushwôn ne Osówo, o*da/bángê kafâ ńké ka/mû ka-sa ng Osówo ka-ju kámbé*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 78:34

Nang nkéré orá nké nyǐ o/ju kyicê-banet ebe, burwám ḿbú áku bu-bírî ng bu-kâm, byiko byi-kpú kámbé, ba-fé nshwam ne dyityém ebe ba-kye ǎ.

Ézódos 10:17

Pwoo n̂g mě kyibî ejí ńkyín mpéne mún, ba-fé nshwam ba-kye Osówo Óburúkpâbí enen o-fîm mě kyibî-busông ńkyín ké byiko.

Ézódos 32:11

Nké Músis o/tîm Osówo Óburúkpâbí emen arông o/fu, Óburúkpâbí, ebóng amu a-jang ng esa kafâ éné ne banet eyên ḿbé wo a/kúng busa chwóó a-nyii kámbé ké abwô nyí Éjip.

Ézódos 32:30

Ké orî-dyicí, Músis o-sét banet ḿbé Ézerel o/fu, ben baa/chi kiǐtí-kyibî. Nké kántîk, me n/chi n-chîce kyíbóng-kaku n-kâm Óburúkpâbí, katô m-man n ǎ etîm arông o-pwoo běn ké kyibî enen.

Ézódos 8:28

Otu o-sét ǎ o/fu, n/chi m-mîng běn ba-ca ba-da-chi byifen ba-kye Osówo Óburúkpâbí enen, â baa*ba/chi ba-jang ece tíbítíbí*. Fé n̂g nshwam ba-kye Osówo ké bubwô ejí.

Ézódos 8:4

Bu/chi bu-yú ǒ ké byiko ne banet eyên ne banet-ashí-oshê eyên.

Ézódos 8:8

Otu o-twóm ba-kó Músis ne Éron, o-sét kámbé o/fu, fé n̂g nshwam ba-kye Óburúkpâbí o-kúng búsáng ḿbún o-dim ne mbú, ne n/chi m-mîng banet enen ba-dim ba-da-chi byifen ba-kye ǎ.

Azáya 26:16

Óburúkpâbí, wo a/kye banet eyên busông, ne ké bafip, mbé ba/fé nshwam ba-kye ǒ.]

Jeryimáya 15:1

Óburúkpâbí o/raa kâng ne me o/fu, nang Músis ne Sámwel nké ba/mû ba/bwom nyín mbe ba-tîm m mě arông, mm*ba/chi n-ri banet ḿbén bafip*. Ró kámbé ba-dim. Ró kámbé ba-dim mě ké bushú.

Jeryimáya 37:3

Otu Zedekyâ o-twóm Jehúkal mú wǎn-Shelemyâ ne nchi kyifen-Osówo mú odabángê Zefanyâ mú wǎn-Masáya o/fu, baba-sét mě n-fé nshwam n-kye Osówo Óburúkpâbí eten ké bubwô ḿbú oshê eten.

Hozáya 5:15

Me n/chi m-mîng banet ejí tete ba-ri busông ḿbú bu/chi bu-kwárê ne byibî ebe, ba-dim ba-kpet mě ekyé ba-bâ. Katô ké busông ebe ba/chi ba-kan ba/fu, mbé ba-kyé ng mě.

Nómba 11:2

Banet-Ézerel ba-tii ba-kó Músis ba/fu, ochwáp kámbé. Músis o-fé nshwam o-kye Óburúkpâbí, ne okwâ o-ríbî.

Mátyuu 27:4

O-raa o/fu, me nn/chi kyibî ńkyí n/chi ba-kám onet mú o*da/chi chwǒm* ba-ju. Mbé ba-faa ba/fu, ńkyí nkyí kyi*da bě ekím be*. Kyi/kím ǒ wo.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 8:24

Sámon o-raa ne Pyíta ne Jǒn o/fu, fé n̂g nshwam ba-tîm Osówo arông ba-kye mě, eringe nyí byěm ḿbyí a/raa ne me něen bii*ba/chi byi-chi mě*.

Rúman 10:1

Bwǎn-bané ejí, me mu n-ryuu ng ne dyityém ejí kángkáng n/fu, Osówo onyii banet-oshê ejí. Me mu n-fâ nshwam kanong kanong n-kyâ Osówo ké bubwô ebe.

Dyitórónómyi 9:20

Kafâ ka/mû ka-sa ng Óburúkpâbí kanong kanong ne Éron to ńké o/fu, nyǐ o-ju ng ǎ, ne ké bubwô ámbu, n/fé to nshwam nkéré ámu obónge n-kye ǎ ké dyishí-Éron.

Jêmsyi 5:16

Ké bubwô ámbu kâng, sét n̂g barî byibî enen, ba-fé nshwam ba-kye Osówo ké bubwô-bánen, eringe nyí Osówo o/chi o-chi běn ba-nyange. Nshwam mú onet mú mu o-chi i kanong mu ne kiǐtí-busa ké byěm echi.

1 Sámwel 15:24

Otu Sôl o-faa o/fu, âa, me nn/chi kyibî. Me n/né echi ńkyí Óburúkpâbí o/sét mě, ne ńkyí wo to a/sét mě. Me n/shî banet ejí, ne n-chi ńkyí mbé mbe ba-ryuu ng.

1 Sámwel 15:30

Otu Sôl o-faa o/fu, me nn/chi kyibî. Nké nang nkyi nǎ! tông mě ofê ké bushú-banet-ashí-banet ejí ne ḿbú kángkáng banet-Ézerel. Bwa esim ne me eringe ndafé Óburúkpâbí mú Osówo eyên.