Nómba 21:2 - Bokyi Bible

² Banet-Ézerel ba-ryí Óburúkpâbí ocím kâng ba/fu, â a/mîng bě byi-kpógê banet ḿbén, be byi-ju ng kámbé kángkáng byi-bên eshê ebe emúmú byi-kye ǒ wǎ kiǐtí-eyáré.

Nómba 21:2 Iomraidhean Croise

Jénésis 28:20

Ne Jekôp o-ryí Óburúkpâbí ocím o/fu, â wo a/chi a-kyú ne me, a-ku mě ké bucen ejí ḿbún, a-kye mě byiryíng ne byídí,

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 116:18

Me n/chi n-kye ǒ ńkyí me n/ryí ocím ké ncibi mú kángkáng banet eyên, ne ké kiǐtí-kyise-kyifen eyên echi ké Jerúsélem. Kye n̂g Óburúkpâbí akpee.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 132:2

Óburúkpâbí, zîim ńkyí Otu Dívit o/ryí ocím. Ocím mú nyǐ o/sem ǒ wo, Osówo mú Jekôp, mú a/rêe a-shwôm, o/fu,

1 Koríntyan 16:22

Nang yeě nké Otu Kyítá o*fí o-jê ng ǎ* onet ámu mu ké kyishû ńkyí Osówo oo/pap ǎ. Otu Kyítá obâ.

Dyitórónómyi 13:15

ju n̂g kángkáng banet-oshê ámu ne kángkáng byitú ebe. Bên n̂ oshê ámu kángkáng.

Dyitórónómyi 13:16

Bâ n̂g ne kángkáng byěm ḿbyí banet-oshê ámu ba/mû ne mbyí kyikit kyibónge, ba-ba-zû kámbyí ké otyém-oshê. Ba-shí kâng oshê ámu ne kángkáng byěm ḿbyí mbyi ké mǔ wǎ kyifen echi ba-kye Óburúkpâbí mú mu Osówo enen. Oshê ámu owaa biǐbwô-oshê ne banyá, ne ba*dachi ba-bwât kámú ba-bi*.

Dyitórónómyi 20:16

Nké â ben ba/koo eshê nyí nyi ké esí nyí Óburúkpâbí mú mu Osówo enen mu o-kyâ běn, ju n̂g nang yeě nang yeě.

Dyitórónómyi 7:2

Ké nkéré mú Óburúkpâbí mú mu Osówo enen oo/kúng banet ḿbén o-fé běn ké abwô enen, ba-kpógê kámbé, ba-man ba-ju kámbé ashí kángkáng. *Da n̂g echi ba-chi kyikwáré ne mbé* ba-ri nang kámbé bafip*.

Jóshwa 6:17

Oshê mún ne kángkáng byěm ḿbyí mbyi ké mǔ ba-man ba-bên kámbyí kángkáng wǎ kyifen echi ba-kye Óburúkpâbí. Kyi*da/shwôm Ráhap mú onyi-dyikpe ne kyikû-banet emen nké badawaa* ké nǎ, nyǐ o/rôo banet-boǒfêp-esí eten.

Jóshwa 6:26

Jóshwa o-tut banet butông ké nkéré ámu o/fu, nang yeě mú o/fu, nyǐ o-nap ng Jéríku o-bi, Óburúkpâbí oshú ǎ. Nang yeě nké o/kpet kámú ebi, wǎn emen nang orá okpú.

Jójis 11:30

Jéfata o-ryí Óburúkpâbí ocím o/fu, â a/chi mě m-kpógê banet-Ámon,

1 Sámwel 1:11

Hána o-ryí ocím kanong kanong o/fu, Óburúkpâbí mú o/rêe o-shwôm, kan achi a-ri mě me ḿgbán eyên. Ri afaníkong ejí a-zîim mě. *Da mě eráp*. Â a/kye mě wǎn-onyinchéng, me n/ryí ocím n/fu, n-kúng ng wǎn ámu n-kye ǒ ké dyikpen emen dyimúmú, n-ryí to ocím n/fu, baa*ba/chi ba-kwárê ǎ dyishí ne banyá*.