Nómba 21:16 - Bokyi Bible

¹⁶ Ba-dim ké kyikit ánkyi ba-jâ ké kyikit ńkyí badakó Dyibíng-Omu, ké kyikit ńkyí Óburúkpâbí o/raa ne Músis o/fu, kó banet-Ézerel ba-bâ kyikit kyibónge, ne me n/chi n-kye kámbé omu.

Nómba 21:16 Iomraidhean Croise

Jénésis 21:19

Ne Osówo o-bâa Héga achi o-ri dyijwáng. O-dim o-da-tó omu o-sú ké kyiféng emen, o-kye to wǎn emen kyicê o-jwáp.

Ézódos 17:6

Me n/chi m-bwom ké bushú eyên ké buká bubónge ḿbú mbu ké kaku ńké Sána. Díp buká ámbu, ne omu o/chi o-byí mú banet ḿbé Ézerel ba/chi ba-jwáp. Músis o-chi éné ké bushú ḿbú banet-ashí ḿbé Ézerel.

Azáya 12:3

Wǎ eringe nyí omu odakye onet mú omu mu o-jê ng ǎ bunyîn-dyityém, éné to nké banet ḿbé Osówo badajêe ké nkéré o-kú o-nyii ng kámbé.

Azáya 15:8

Bukyû mbu bu-róng ng ké kángkáng bati-esí ḿbé Mówep. Eshê nyí Egalyâm ne Berelím nyi e-jwo ng kámbú.

Azáya 43:20

Nang enyam-dyikán e/chi e-kye mě ofê. Boǒnyám ne bunurung ḿbú budakyú ké kyikit ńkyí omu odakaa bu/chi bu-kpee mě, ké nn/chi omu o-byí ké kyikit ńkyí omu o*fí* n-tî banet ejí ḿbé n/cá kámbé.

Azáya 49:10

Esong ee*nwa to kámbé* nang omu to oo*jê to kámbé*. Esû ne kiinsóngé bii*chi to kámbé chwǒm* ké nǎ, mú mbé mbe ba-jê ng ǎ nké o/chi o-tông kámbé kiǐfáng. O/chi o-kpî kámbé ba-ribi ké ajwáng.

Nómba 20:8

kúng ochí mú mu ké kashú-mkpukpu-byěm ejí, ne wo kâng ne Éron ba/chi ba-cibi kángkáng banet kyikit kyibónge. Ányi ké bushú ebe kángkáng, ba/chi ba-raa ne buká ḿbé bu/bwom áku éné, ne omu o/chi o-byí ké mbú. Ké bukwóp ḿbún, wo a/chi a-chi omu o-byí ké buká ámbu, mú banet ne byitú ebe badajwáp.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 4:10

Jisos o-faa o/fu, â wo a/mû a-nyît ng ńkyí Osówo mu o-kyâ, ne dyizong-onet to ńdyí ndyi dyi-bí ng ǒ omu mú ojwábáng, a/mû a/chi a-bí ǎ, ne nyǐ o/mû o/chi o-kye ǒ omu mú dyikpen.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 4:14

Nké nang yeě nké o/jwáp omu mú me n/chi n-kye ǎ, omu oo*ba/chi o-chî ǎ ejê*. Ké ebóng, omu mú me n/chi n-kye ǎ o/chi o-firi ǎ ké enyam-byiko wǎ kace ńké nke ka-byí i ké mbwo, ńké ka/chi ka-kye ǎ omu mú dyikpen ne dyikpen ńdyí ne banyá.

Revelíshon 21:6

Ne o-raa o/fu, kii/chi. Me n-chi i Mbwôp Kashú ne Nryî Esim, Kiimkpet Kyikû ne Kiinkuli Kyikû. Nang yeě nké omu mu o-jê ng ǎ, me n/chi n-kye ǎ omu dyikáá o-jwáp mú o/fím ké kace ńké nke ka-byí i ké mbwo, ńké nke ne omu mú odakye dyikpen.

Revelíshon 22:1

Orím mú onong ámu to o/tông mě kace ńké omu mú odakye dyikpen, ńké nke ka-cé ng kpárám ka-san n wǎ éyên, ńké nke ka-fím m ké kakyúng-butu ńké Osówo ne Wǎn-Etám-Ebû,

Revelíshon 22:17

Busun-Osówo ne onyinyi ámu mú mu o-bé ng dyibé ba/raa ba/fu, bâ kâng, ǎ Kyítá. Nang yeě nké mu o-jwo ng ńkyín o-man o-raa o/fu, bâ kâng. Nang yeě mú omu mu o-jê ng ǎ, mú mu o-ryuu ng kámú, obâ o-koo omu mú odakye dyikpen wǎ eyáré.

Jójis 9:21

Ne ké bubwô ḿbú nyǐ o/mû mu o-shî ng Abyímélek mú wǎn-boné emen, Jótam o/chêe o-jâ Bêe o-kûkyú áku.