Nómba 20:8 - Bokyi Bible

⁸ kúng ochí mú mu ké kashú-mkpukpu-byěm ejí, ne wo kâng ne Éron ba/chi ba-cibi kángkáng banet kyikit kyibónge. Ányi ké bushú ebe kángkáng, ba/chi ba-raa ne buká ḿbé bu/bwom áku éné, ne omu o/chi o-byí ké mbú. Ké bukwóp ḿbún, wo a/chi a-chi omu o-byí ké buká ámbu, mú banet ne byitú ebe badajwáp.

Nómba 20:8 Iomraidhean Croise

Jénésis 18:14

Chwǒm nkyi kô ńkyí Óburúkpâbí oo*man echi*? Wǎ eringe nyí n/raa, ké etukáku kátángekányi, n-chî ng ebwa esim nyín, ne Sirá o/chi o-fwon wǎn-onyinchéng.

Nehemyâ 9:15

Ké nkéré esong e/mû e-nwa ng kámbé, wo a/kye kámbé berêt mú o/fím kyíbóng, ne a/kye kámbé omu mú o/fím ké buká ba-jwáp ké nkéré omu o/mû o-jê ng kámbé. Wo a/sét kámbé a/fu, bakoo esí nyí wo a/ryí ocím a/fu, a-kyâ kámbé.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 105:41

Omu o/byí ké nkéré o/bâa buká o-kpet esen ké kyikim-dyikán wǎ kace.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 114:8

mú mu o-yángê e aká a-firi biǐdé-omu, ne aká nyí shwaneshwane a-firi booce ḿbú budasen.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 33:9

Ké ejá emen nké nyǐ o/chi ejíí ne kángkáng byěm ḿbyí mbyi ké nyǐ.

Ézódos 14:16

Yip ochí eyên kyíbóng a-bwom ne mǔ ké bukô-baya. Kace ka/chi ka-kyii, ne banet ḿbé Ézerel ba/chi ba-man ecen ké éshíshě ba-nyáng baya.

Ézódos 17:9

Músis o-raa ne Jóshwa o/fu, fîm kyicê-banet ba-da-nwa ne banet ḿbé Amálek nencí. Me n/chi m-bwom kyíbóng-kaku n-níbî ochí mú Osówo o/sét mě o/fu, me nkúng.

Ézódos 4:17

Kúng ochí mún a-ca ne mǔ. Mǔ nké a/chi a-kúng kámú a-kûchi byěm-akat.

Ézódos 4:2

Ne Óburúkpâbí o-bí Músis o/fu, wo a/níbî ebóng ké bubwô. Músis o-faa o/fu, ochí.

Ézódos 4:20

Ne Músis o-kúng onyi emen ne bwǎn emen ḿbé banyinchéng o-twôom ké kaanyam-atû o-dim ne mbé Éjip, o-kúng ochí ámu mú Osówo o/sét ǎ o/fu, okúng.

Ézódos 7:20

Ne Músis ne Éron ba-chi eringe nyí Óburúkpâbí o/sét kámbé. Ké bushú ḿbú otu ne banet-ashí-oshê emen, Éron o/yip ochí emen o-díp ké kace. Kángkáng omu mú mu ké nké o-bírî baróng.

Azáya 43:20

Nang enyam-dyikán e/chi e-kye mě ofê. Boǒnyám ne bunurung ḿbú budakyú ké kyikit ńkyí omu odakaa bu/chi bu-kpee mě, ké nn/chi omu o-byí ké kyikit ńkyí omu o*fí* n-tî banet ejí ḿbé n/cá kámbé.

Azáya 48:21

Ké nkéré mú Óburúkpâbí o/cen ne banet emen ké kiǐsínsóng ne kiǐjínjwóm-kyikim-dyikán, ba*da/ri busông kyi-kim ne omu mú badajwáp*. O/chi omu o-byí ké buká o-kye kámbé. Nyǐ o/chi buká bu-járê omu o-byí.

Nómba 20:11

Músis kâng o-yip ochí ámu kyíbóng o-díp buká ámbu kampén kafee, ne omu o-byí ké mbú chwóó, ne kángkáng banet ne byitú ba-jwáp.

Nómba 20:7

Óburúkpâbí o-raa ne Músis o/fu,

Nómba 21:15

ne ewo nyí e/byí ké oshê mú Âa, e/byí to ké buti ḿbú banet-Mówep.

Nómba 21:18

Dyibíng-omu ńdyí batu eten ne bwǎn ebe ba/sím, ńdyí ba/sím ké bushwám ne echí ebe. Banet-Ézerel ba/dim kâng ba-mîng kyikim-dyikán ánkyi ba-dim ḿbú Mátana,

Mátyuu 21:21

Jisos o-faa kámbé o/fu, zîim m̂ ńkyín. Â ben ba/fé dyityém enen ne Osówo, ne ba*fí ne atyém afee* ben ba-man n echi ńkyí me nn/chi kyichí ńkyín. *Chí nang ńkyín nkyí nkyi* ben ba-man n esét nang kaku ńkén ba/fu, bûu a-da-róng ké baya, ne ka/chi ka-chi éné.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 11:13

 ben mú ba*fí ba-nwa ng* bamu ba-nyît ng byěm ḿbyí byinong ḿbyí badakye bwǎn enen, kyi-cen n nǎ kâng ne Bonchí enen mú mu kyíbóng oo*kye nang yeě mú mu o-bí ng o/fu, okye ǎ Busun-Osówo*.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 16:24

Tete kii/ribi kántîk, ben ba*da/yip ne dyizîn ejí* ba-bí ǎ nang chwǒm*. Bí n̂g ne ben ba/chi ba-koo, eringe nyí bunyîn-dyityém enen budakwárê kerededet.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 1:14

Mbé ba/mû mbe ba-cibi ng kyikit kyibónge ba-fâ nshwam ké burwám, cibicibi ne ḿbé banyinyi ne Méryi mú boné-Jisos ne bwǎn-bané-Jisos.

Jóshwa 6:20

Banchi kyifen-Osówo ba-jwá kâng bantán. Basúja ba-jwo ng kámbé ba-bâ, ba-wonge kakânkakân, ekpe nyí e/mû e/wáp oshê e-fé ké kafâ e-myii. Basúja ba-kpû okpúng ashí amúmú kyíbóng-kaku ba-shwôm ba-nung ké oshê, ba-koo kámú.

Jóshwa 6:5

Mbé bajwá kâng ntán obónge mú odabwon. Â ba-jwo ng okwan ámu ba-bâ, kángkáng banet bawonge kakânkakân, ekpe nyí ba/bi ba-wáp oshê ba-fé ké kafâ e/chi e-myii. Basúja eyên bamúmú baca ocǎng kashú káshu ba-nung ké oshê.

Revelíshon 22:1

Orím mú onong ámu to o/tông mě kace ńké omu mú odakye dyikpen, ńké nke ka-cé ng kpárám ka-san n wǎ éyên, ńké nke ka-fím m ké kakyúng-butu ńké Osówo ne Wǎn-Etám-Ebû,

Revelíshon 22:17

Busun-Osówo ne onyinyi ámu mú mu o-bé ng dyibé ba/raa ba/fu, bâ kâng, ǎ Kyítá. Nang yeě nké mu o-jwo ng ńkyín o-man o-raa o/fu, bâ kâng. Nang yeě mú omu mu o-jê ng ǎ, mú mu o-ryuu ng kámú, obâ o-koo omu mú odakye dyikpen wǎ eyáré.