Nómba 20:6 - Bokyi Bible

⁶ Músis ne Éron ba-byí ké burwám-banet ba-da-bwom ké ocím-dyifyi-mpyep mú Óburúkpâbí odakyú. Ba-tíngê kyísí, ne busan ḿbú ragerage ḿbú bu/fím ké bushú ḿbú Óburúkpâbí bu-byí bu-kâm kámbé.

Nómba 20:6 Iomraidhean Croise

1 Korónyíkil 21:16

Otu Dívit o/ri orím ámu ké bufú cip ne kashwám ké bubwô ńké oo/kpá byiko ḿbyí odabên Jerúsélem. Otu Dívit kâng ne banet-ashí ḿbé Ézerel kángkáng ḿbé ba/mû ba/fé byídí-dyikán eta, ba-tíngê kyísí bashú ebe ba-ta ké ecing.

Ézódos 16:10

Ńdyí Éron mu o-pem m ne kángkáng banet ḿbé Ézerel, mbé ba/bírî kashú ké kyikim-dyikán, ne ké abe ányi, busan ḿbú Óburúkpâbí ḿbú ragerage bu-byí ké ófíbí.

Ézódos 17:4

Músis o-fé nshwam kanong kanong o-kye Óburúkpâbí o/fu, me nchi banet ḿbén nǎ. Ba-kú ba-kpá ng ne byiko ḿbyí bada mě etím aká.

Nómba 12:5

Ne Óburúkpâbí o/shû o-bâ kyísí ké ófíbí, o-bwom ké ocím-dyifyi mú mpyep ámu, ne o-kó ne ejá kyíbóng kyíbóng o/fu, Éron, Myíryam. Mbé ashí afee ba-tín ba-ca kashú.

Nómba 14:10

Oshê omúmú ba/mû ba-kyé ng bukwóp ḿbú mbé badatím Jóshwa ne Kálep aká ba-ju. Nké ké abe ányi, banet-Ézerel ba/ri busan ḿbú ragerage, ḿbé bu/fím ké bushú ḿbú Óburúkpâbí ké boo/byí bu-cít mpyep mú Óburúkpâbí odakyú.

Nómba 14:5

Músis ne Éron kâng ba-tíngê kyísí ké bushú ḿbú banet kángkáng.

Nómba 16:19

Kóra kâng o-kó kángkáng banet-oshê] ba-bwom ba-bírî Músis ne Éron kashú ké ocím-dyifyi mú mpyep mú Óburúkpâbí odakyú. Ké abe ányi, busan ḿbú ragerage ḿbú bu/fím ké bushú ḿbú Óburúkpâbí bu/byí bu-ta kángkáng banet.

Nómba 16:22

Nké Músis ne Éron ba/tíngê kyísí ba-raa ba/fu, ô Osówo, wo amu a-kyâ kángkáng byěm dyikpen. Wo kafâ ka-sa ng ǒ ne oshê omúmú? â onet obónge o/chi kyibî dí.

Nómba 16:4

Ké nkéré Músis o/jwo ńkyín, nyǐ o/tíngê kyísí o-fé nshwam.

Nómba 16:42

Ké nkéré mú mbé kángkáng baa/cibi kyikit kyibónge edashwôn ne Músis ne Éron, mbé ba/bírî ba-tún ḿbú mpyep mú Óburúkpâbí odakyú, ne mbé ba/ri ba/fu, ófíbí o/mû o/cít kámú, ne ba/ri to ba/fu, busan ḿbú ragerage ḿbú bu/fím ké bushú ḿbú Óburúkpâbí boo/byí.

Nómba 16:45

*dabwon fáráng ne banet ḿbén* ké nǎ, me n/chi n-ju kámbé ké abe. Mbé ashí afee ba-tíngê kyísí.

Nómba 20:7

Óburúkpâbí o-raa ne Músis o/fu,

Mátyuu 26:39

O-tín o-jâ ké kashú kaǎnyín, o-fé bushú kyísí, ne o-fé nshwam o/fu, Kyítá, â kyi-nwa ng echi, koo mě mmîk-busông eri mún. Nké *chí ńkyí me mu n-ryuu ng* nké ńkyí wo amu a-ryuu ng.

Jóshwa 7:6

Jóshwa ne banet-ashí-banet-Ézerel ba-ját byídí ké byiko, ké bafip, ba-myii kyísí ké bushú ḿbú mkpukpu-byěm-Óburúkpâbí. Ba-waa ányi tete dyikurúku dyi-fyi. Ba-wuri édúkǎndú ba-fé ké dyishí, ké bafip eri.