Nómba 20:12 - Bokyi Bible

¹² Nké Óburúkpâbí o/raa ne Músis ne Éron o/fu, ké bubwô ḿbú ben ba*da/fé dyityém chwóó ne me* ńdyí badatông busa ejí ḿbú bunong ké bushú-banet-Ézerel* ben baa*tông to kámbé bukwóp* ba-ribi ké esí nyí me n/ryí ocím n/fu, n-kyâ kámbé*.

Nómba 20:12 Iomraidhean Croise

2 Korónyíkil 20:20

Ké orî-dyicófóróng pirípirí, banet-Júda ne Jerúsélem ba-dim ḿbú kyikim-dyikán, fáráng ne Tékwa. Ké nkéré ba-kú ba-dim m, Otu Jehósháfat o/sét kámbé o/fu, banyinchéng ḿbé Júda ne Jerúsélem, tî n̂g atyém enen ké Osówo Óburúkpâbí enen, ne ben ba/chi ba-bwom shwaneshwane. Bángê ê ńkyí bamkpábé emen mbe ba-sét ng běn, ne kyi/chi kyi-byí běn dyishí.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 106:32

Mbé ba/chi kyi-sa Óburúkpâbí ké kaace ńké Meryíba, ne Músis o/róng ké afaníkong ké bubwô ebe.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 99:8

Ô Osówo Óburúkpâbí ejí, wo a/faa banet eyên ojá, ne wo a/tông kámbé a/fu, wo a-chi i Osówo mú odapwoo banet, nang a/kye banet busông ké byibî ebe.

Azáya 7:9

Oshê mú Ézerel o*fí o-shwane e o-shwôm Samérya mú mu dyityém-oshê emen* ne Samérya to o*fí o-shwane e o-shwôm Otu Péka*. Â dyityém eyên ńdyí a/fé ne Osówo dyi*fí dyi-shwane e* wo oyén to aa*ba/chi a-kyú shwanshwan*.

Azáya 8:13

Zîim a/fu, me Óburúkpâbí mú o/rêe o-shwôm mu kanong. Me nké ben badaman ba-shî.

Ezékyel 20:41

Ké nkéré nn/fîm běn ba-byí ké eshê nyí ba/mû ba/pwó běn byiryibyiryi, m-kpaa běn n-tî kyikit kyibónge, me n/chi n-koo byifen enen ḿbyí bamu ba-shí i, ne eshê e/chi e-ri e/fu, me n/nwa n-shwôm.

Ezékyel 36:23

Ké nkéré nn/tông eshê ányi kanong ńké kiǐtí-dyizîn ejí ńdyí ben ba/cábê ké eshê ányi, mbé kâng ba/chi ba-nyît ba/fu, me n-chi i Óburúkpâbí. Me Óburúkpâbí mú mu Otu Kyítá nké n/raa. Me n/chi n-kúng běn n-tông eshê ányi n/fu, me n/nwa dyityém.

Ezékyel 38:10

Nyín něen ńkyí Óburúkpâbí mú mu Otu Kyítá mu o-sét ng Otu Gôk, o/fu, ké nkéré mú nkéré ámu oo/fyi, wo a/chi a-kpet enam kyibî-okabe.

Lyívyítyíkus 10:3

Músis o-sét Éron o/fu, ńkyín nké Óburúkpâbí o/mû mu o-raa ng ńdyí o/raa o/fu, kángkáng banet ḿbé mbe ba-chi i bǎmkpóngé ejí ba-man ba-kye kanong ejí ofê. [Me n/chi n-tông banet ejí busan ejí ḿbú ragerage.] Nké Éron [o*da/faa ojá*.]

Nómba 11:15

 wo a/chi a-kû mě echi něen, ri mě bafip, a-ju mě, eringe nyí nn*cíp to dyityém eyên ebên*.

Nómba 20:24

Éron oo*ba/chi o-chînung ké kyikim-esí ńkyí me n/ryí ocím n/fu, n-kyâ banet-Ézerel*. Nyǐ o/chi o-kpú, ké nǎ, ben ashí afee ba/bírî bunwa ne me ké kyikit ńkyí badakó Meryíba.

Nómba 27:14

ké nǎ, ben ba/né echi ńkyí me n/kye busa ké kyikim-dyikán ńkyí Zîn. Ké nkéré oshê omúmú ba/shwôn ne me ké Meryíba, wo a/né etông busa ejí ḿbú bunong ké bushú ebe. Ba/fé kace ánke dyizîn, Meryíba, ńké ka/kpet ebyí ké Kádyishi, ké kyikim-dyikán ńdyí Zîn.

Mátyuu 17:17

Jisos o-raa ne banet ḿbé ba/mû ányi o/fu, ben ba*fí dyizong-banet ńdyí ba/mû ba/chi ba-kyú* obánge o*fí běn*. Me n-rí i nǎ ne ben. N-cíp ng dyityém n-kyú ne ben ké aje afěng. Bâ n̂g ne wǎn ámu nyín.

Mátyuu 17:20

Jisos o-faa kámbé o/fu, nkyi, ké ebóng, dyityém enen ńdyí ba/fé ne Osówo dyi*da/jê*. Zîim m̂ ńkyín. Â ben ba/fé dyityém ne Osówo dyi-jê wǎ baryên-kaǎsáng-kyichí ńké badakó mósatat, ben ba-man n esét kaku ńkén ba/fu, dim nyín a-jâ kú, ne ka-dim m to. Ne chwǒm kii*ba/chi kyi-kyú nang kyibónge ńkyí ben baa*ba/chi ba-man echi*. [

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 1:20

Nké wo a*da/bángê kyitwóm ejí ńkyí me n/sét ǒ* ńkyí kyi/chi kyi-kyú ntûntû ké ochíchí-nkéré emen*. Ké bubwô ḿbú wo a*da/bángê ńkyí me n/sét ǒ*, wo aa*ba/chi a-chîman eraa kyiraa*. Wo a/chi a-waa kiǐmyímé tete dyicí ńdyí kyi/chi kyi-chi ntûntû wǎ eringe nyí me n/ryí ǒ ocím.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 1:45

Bunyîn-dyityém mbu ne wo kanong kanong ké eringe nyí wo a/bángê a/fu, kyitwóm ńkyí Otu Kyítá o/twóm ba-ba-sét ǒ kyi/chi kyi-chi ntûntû.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 1:17

Osówo o/kye bě byije emen ké bubwô-Músis, nké o/kye bě kanong ne ntûntû emen ké bubwô-Jisos Karâs.

Rúman 4:20

o*da/mîng dyityém emen ńdyí o/fé ne Osówo* ne o*da/kán ké dyishí ké ocím mú Osówo o/ryí*. Dyityém emen ńdyí o/fé ne Osówo dyi/kye ǎ busa, ne o/kye Osówo akpee.

Dyitórónómyi 1:37

Ké bubwô enen, Óburúkpâbí o/sa to kafâ ne me, o-sét mě o/fu, nang wo, ǎ Músis, aa*ba/chi a-nung ké esí ányi*.

Dyitórónómyi 34:4

Ne Óburúkpâbí o-raa kâng ne Músis o/fu, esí ńnyín nké me n/ryí Ébarahâm ne Ázik ne Jekôp ocím n/fu, n/chi n-kye bwǎn ebe. Me mm/mîng ǒ a-ri kányí, nké me mm*ba/chi m-bángê ǒ a-ribi ké nyǐ*.

Dyitórónómyi 4:21

Ké dyishí enen, Óburúkpâbí mú mu Osówo enen o/sa kafâ ne me, o-sem byiko emen o/fu, me mm*ba/chi n-nyáng kace ńké Jódan* n-da-nung ké esí nyí edabát byiryíng* nyí nyǐ mu o-bâ ekye*.

Jóshwa 1:2

Nyǐ o/sét Jóshwa o/fu, Músis mú ḿgbán ejí oo/kpú. Wo ne kángkáng banet-Ézerel, kpá n̂g byiko kántîk ba-nyáng kace ńké Jódan ba-da-nung ké esí nyí mu n-kyâ běn.

1 Pyíta 3:15

Nké kye n̂g Karâs ofê ké atyém enen, ba-chi ǎ o-kyú Otu Kyítá enen. Kpá n̂g byiko enen kángkáng nkéré ḿbyí badafaa nang yeě mú mu o-bí ng běn o/fu, ben basét ǎ kyikû ńkyí achi etî nyí nyi běn ké atyém.