Nómba 20:10 - Bokyi Bible

¹⁰ Nyǐ ne Éron ba-cibi banet-oshê kángkáng ké bushú-buká ámbu, ne Músis o-raa o/fu, fwôo n̂g atông ba-jwo, ben mú bambíri bunwa ne Osówo. Ben bamu ba-ryuu ng ba/fu, be byichi omu o-byí ké buká ḿbún byi-kye bên?

Nómba 20:10 Iomraidhean Croise

Jénésis 40:8

Mbé ba-faa ǎ ba/fu, be ashí amúmú byi/ri burê, nké onet o*fí nyín mú oda bě esét eringe nyí barê eten ba/byí*. Josêf o-sét kámbé o/fu, Osówo nké mu o-kyâ onet busa ḿbú odaman esét eringe nyí burê bu/byí. Sét n̂g mě barê enen.

Jénésis 41:16

Josêf o-faa o/fu, átá-otu, me mm*man esét* nké Osówo o/chi o-sét kyikû emen eringe nyí kyi/kwárê.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 78:16

Nyǐ o/chi kaǎwán-kace ka-byí ké buká ne o-chi omu emen o-sen wǎ kace ńké karyên.

Ézódos 17:6

Me n/chi m-bwom ké bushú eyên ké buká bubónge ḿbú mbu ké kaku ńké Sána. Díp buká ámbu, ne omu o/chi o-byí mú banet ḿbé Ézerel ba/chi ba-jwáp. Músis o-chi éné ké bushú ḿbú banet-ashí ḿbé Ézerel.

Nómba 20:24

Éron oo*ba/chi o-chînung ké kyikim-esí ńkyí me n/ryí ocím n/fu, n-kyâ banet-Ézerel*. Nyǐ o/chi o-kpú, ké nǎ, ben ashí afee ba/bírî bunwa ne me ké kyikit ńkyí badakó Meryíba.

Mátyuu 5:22

Nké kántîk, me mu n-sét ng běn n/fu, nang yeě nké mu o-sa ng kafâ ne wǎn-boné emen, ba/chi ba-ca ne nyǐ ké bushú ḿbú mpan banet bampan. Nang yeě nké o/sét wǎn-boné emen o/fu, wo a*fí onet* ba/chi ba-ca ne nyǐ ké esuk eten nyí eryên. Nké nang yeě to nké o/sét wǎn-boné emen o/fu, wo amu enyam-onet nyí e*fí ké chwǒm* o/chi o-bwom ké kyibî-bukwóp ńkyí odajé ké okwâ.

1 Koríntyan 3:7

Kyi*fí ké bubwô ḿbú onet mú mu o-kwón n* ne mú mu o-pwó ng omu*. Osówo nké mu kiǐtí, ké ebóng, nyǐ nké mu o-chi i kyichí ánkyi ne kyi-kán.

Efyíshan 4:26

 kafâ ka-kú ka-sa ng běn, *da n̂g ebángê kafâ esa enen ánke ka-chi běn ba-nung ké byibî* ne *da n̂g ewaa ké kafâ esa ké kyirim-dyicí kyimúmú*.

Dyitórónómyi 9:24

Kyi-fím ké nkéré mú me n/nyît běn, ben bamu ba-bírî ng bunwa ne Óburúkpâbí.

Jêmsyi 3:2

Be kángkáng byi-fwam m eróng kángkáng nkéré. Onet mú oo*róng ké ńkyí nyǐ mu o-sét ng* mu kerededet, ne o-man n eníbî to byiko emen.