Nómba 20:1 - Bokyi Bible

¹ Ké mbwôp kashú-otukáku, kángkáng banet ḿbé Ézerel ba/ribi ké kyikim-dyikán ńkyí badakó Zîn, ba-bi oshê ké Kádyishi. Ányi nké Myíryam o/kpú ba-ryii ǎ.

Nómba 20:1 Iomraidhean Croise

Jénésis 14:7

Ne ba-bwa esim kâng ké Kádyishi. Nkéré ámu, ba/mû ba-kó ng kámú Mmyíshípat. Mbé ba/kpógê kángkáng banet ḿbé ké esí nyí Amálek ba-kpógê to banet ḿbé Ámórit, ḿbé ba/mû ba-kyú u ké Hazázon-Táma.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 29:8

Ejá emen nyi e-chi i kyikim-dyikán kyi-náng. Nyǐ mu o-náng ng kyikim-dyikán ńkyí Kádyishi.

Ézódos 15:20

Myíryam mú wǎn-boné-Éron mú onyinyi, mú o/mû mkpábé mú odasét byiraa-Osówo o/kúng byícícágé emen ne kángkáng banyinyi ba-dim ne nyǐ ké kyikû, ba-kim m byícícágé ba-ne ng ane.

Ézódos 2:4

Wǎn-boné-wǎn ámu mú onyinyi o-dim o-da-rem ké bukô cát o/fu, nyǐ o-ri ng ńkyí kyi/chi kyi-chi wǎn ámu.

Ézódos 2:7

Ne mú wǎn-onyinyi mú wǎn-boné-wǎn ámu o-bí wǎn-otu ámu o/fu, nca n-da-kyé ǒ onyinyi-Hyíburus mú o/chi o-nen ǒ wǎn mún?

Ezékyel 47:19

Buti ḿbú busyísen bu/fím Táma bu-jâ busyísen bu-byí ké buce ḿbú mbu bu-byí i ké bambwo, ḿbú Kádyishi ne bu-bírî bushûyû ké buti ḿbú Éjip bu-ribi ké baya ḿbé Medeterényan.

Máka 6:4

Me n/fîm běn ba-byí ké Éjip, n-nyii běn ké búsóng. Me n/twóm Músis ne Éron ne Myíryam ba-tông běn kiǐfáng.

Nómba 12:1

Músis o/mû oo/bé onyinyi mú o/fím [Kúshi,] ne Myíryam ne Éron ba/bîn ǎ ké ńkyí o/chi.

Nómba 12:10

ne ófíbí ámu o-mîng mpyep mú Óburúkpâbí odakyú, enyam-byiko nyí Myíryam e/waa ké abe ányi e-firi ne kyibî-erwôm, e-yángê e-firi kpárádádát wǎ abíp. Ké nkéré Éron o/bírî o-tún Myíryam ne o-ri o/fu, kyibî-orwôm-enyam-byiko kii/kám Myíryam,

Nómba 12:15

Ba/fín kafâ-oshê ba-mîng Myíryam o-waa kyíjí ké ací káchâtkányi, ne banet-Ézerel ba*da/dim* tete ba-bâ ne Myíryam ké kafâ.

Nómba 13:21

Banyinchéng ámbe ba-dim kâng ḿbú bushûyû ba-da-kyé kyikû kyi-kim ne esí ányi kyi-fím ké kyikim-dyikán ńkyí Zîn, ké kyicê-busyísen tete ba-ribi oshê mú Réhop, fáráng ne kyikit ńkyí badayú kaku ké Hámat, ńkyí nkyi ké kyicê ńkyí bushûyû.

Nómba 13:26

ba-kâm Músis ne Éron ne kángkáng banet ḿbé Ézerel ké oshê mú Kádyishi, ké kyikim-dyikán ńkyí Páran. Mbé ba/sét kyi-kim ne byěm ḿbyí mbé ba/ri, ne ba/tông kámbé byirim-byichí ḿbyí mbé ba/bê ne mbyí.

Nómba 20:16

ne be byi/tii byi-kó Óburúkpâbí byi/fu, ochwáp bě. Nyǐ o/jwo bukyû eten ḿbú byi/tii, ne o-twóm orím mú onong obónge, mú o/tông bě kiǐfáng byi-dim ké Éjip. Kántîk, be byimu ké Kádyishi, oshê mú mu ké buti ḿbú kyikim-esí eyên.

Nómba 20:22

Kángkáng banet-Ézerel ba-dim ké Kádyishi ba-ba-ribi ké kaku ńké badakó Hôo,

Nómba 20:28

Ne Músis o-pii Éron byídí ḿbyí nchi kyifen-Osówo ké byiko o-fé Elyǎza. Éron o-kpú áku kyíbóng-kaku ánke, ne Músis ne Elyǎza ba-shû kyísí ba-bwa esim.

Nómba 26:59

mú o/mû o-bé ng wǎn-Lyíva mú onyinyi, mú odabángê Jókebet, mú ba/mû ba/fwon ǎ ké Éjip. Nyǐ o/fwon Amáram bwǎn bafee, Éron ne Músis ne wǎn-onyinyi obónge mú odabángê Myíryam.

Nómba 27:14

ké nǎ, ben ba/né echi ńkyí me n/kye busa ké kyikim-dyikán ńkyí Zîn. Ké nkéré oshê omúmú ba/shwôn ne me ké Meryíba, wo a/né etông busa ejí ḿbú bunong ké bushú ebe. Ba/fé kace ánke dyizîn, Meryíba, ńké ka/kpet ebyí ké Kádyishi, ké kyikim-dyikán ńdyí Zîn.

Dyitórónómyi 1:46

Ké bubwô ámbu kâng, ké nkéré mú bii/rí ké Kádyishi chwóó.

Dyitórónómyi 2:14

Ńkyín kyi/mû ké aje bujam esim onyiryiká ne achât ké nkéré mú byi/dim byi-mîng Kádyishi-Bánya. Kángkáng bannwa byití ḿbé kyikim-banet ánkyi ba/mû baa/kpú, wǎ eringe nyí Óburúkpâbí o/mû o/sét o/fu, ba/chi ba-kpú.

Dyitórónómyi 32:51

ké nǎ, ben ashí afee ba*da/fé dyityém ne me* ké bushú ḿbú banet-Ézerel*. Ké nkéré mú ba/mû ké kace ńké Meryíba, fáráng ne oshê mú Kádyishi, ké kyikim-dyikán ńkyí Zîn, ben ba*da mě ekye ofê* ké bushú-banet-Ézerel*.

Jójis 11:16

Něen nké kyi/cen, nkéré mú banet-Ézerel ba/byí ké Éjip, mbé ba/cen ké kyikim-dyikán ba-ribi ké dyiga ńdyí Ákwaba ne ba-da-ribi ké Kádyishi.