Nómba 2:3 - Bokyi Bible

^3-9 Banet ḿbé Júda ba/chi ba-bi boompyep ebe ké kyikit ńkyí ekap ebe, ké byikim ké byikim, ké kyicê-mpyep mú Óburúkpâbí ńkyí óbyísû odabyí. Banet-ashí ebe ba/mû něen. Ké kyikû-banet ńkyí Júda, onet-dyishí o/mû Náshwon mú wǎn-Amínádap, ne ocím-banet emen o/mû égot etánge etánge ké bajam-byikit bachât esim-byikit onyiryiká ne byinyii esim-égot echât. Ké kyikû-banet ńkyí Ézaka, Netánel mú wǎn-Zúwa nké o/mû onet-dyishí, ne ocím-banet emen o/mû égot etánge etánge ké bajam-byikit bafee esim-byikit diǐkpú ne byinyii esim-égot efee. Ké kyikû-banet ńkyí Zébélon, onet-dyishí o/mû Élyap mú wǎn-Hélon, ne ocím-banet emen o/mû égot etánge etánge ké bajam-byikit bafee esim onyiryiká ne byifee esim-égot efee. Ocím-banet omúmú ké byikû-banet ḿbyín byichât o/mû égot etánge etánge ké bajam-byikit kátángekányi esim-byikit nyâchât esim-égot-banet efee. Kyikû-banet ńkyí Júda nké kyidabwóp kashú ké nkéré mú ba/chi ba-jaa oshê ebe.

Nómba 2:3 Iomraidhean Croise

Jénésis 35:22

Ńdyí Jekôp mu o-kyú u ké esí ányi, Rúben o/rí ne Byíla mú onyi mú bonchí emen mú wǎsíng. Jekôp o/jwo kyi-kim ne nkyí, [ne kyi-sa ǎ!] Jekôp o/mû ne bwǎn-banyinchéng ashí diǐkpú ne afee.

Jénésis 35:23

Bwǎn ḿbé Lyâ ba/mû Rúben, mú o/mû kámbé okínkán, ne Syímyon ne Lyíva ne Júda ne Ézaka ne Zébélon.

1 Korónyíkil 2:10

Bwǎn-Râm tete kyi-byí ne Jésyi ba/mû ba-bángê e Rêm ne Amínádap ne Náshwon, mú o/mû kiǐtí-onet ké kyikû-banet ńkyí Júda,

1 Korónyíkil 5:2

Nké nang ké byěm ámbyi byi/já Josêf, kyikû-banet ńkyí Júda nké kyi/mû kyi-kán n kyi-shwôm, ne otu mú byikû-banet byimúmú o/mû o/fím ányi.

Ézódos 6:23

Éron o/bé Elyíshéba mú wǎn-Amínádap, mú wǎn-boné emen mú onyinyi o/mû o-bángê e Náshwon. O/fwon ǎ Nádap ne Abyíhu ne Elyǎza ne Étama.

Nómba 1:5

Nyín něen banet-ashí ḿbé ba/cá kámbé ba/fu, bachi bǎmkpóngé ḿbén. Ké kyikû-banet ńkyí Rúben, Elyízu mú wǎn-Shédu nké o/mû onet-dyishí. Ké kyikû-banet ńkyí Syímyon, onet-dyishí o/mû Shelúmyel mú wǎn-Zúryishadyâ. Ké kyikû-banet ńkyí Júda, Náshwon mú wǎn-Amínádap nké o/mû onet-dyishí. Ké kyikû-banet ńkyí Ézaka, Netánel mú wǎn-Zúwa nké o/mû onet-dyishí. Ké kyikû-banet ńkyí Zébélon, onet-dyishí o/mû Élyap mú wǎn-Hélon. Ké kyikû-banet ńkyí Éferem, onet-dyishí o/mû Elyíshama mú wǎn-Amyíhut. Ké kyikû-banet ńkyí Manáse, Gamályel mú wǎn-Pédazu nké o/mû onet-dyishí. Ké kyikû-banet ńkyí Běnjámin, Abyídan mú wǎn-Gyídyonyi nké o/mû onet-dyishí. Ké kyikû-banet ńkyí Dǎn, Ahéze mú wǎn-Amyíshadyâ nké o/mû onet-dyishí. Ké kyikû-banet ńkyí Ásha, Págyel mú wǎn-Ókaran nké o/mû onet-dyishí. Ké kyikû-banet ńkyí Gât, Elyǎsap mú wǎn-Dúwel nké o/mû onet-dyishí. Ké kyikû-banet ńkyí Nafatályi, Ahíra mú wǎn-Énan nké o/mû onet-dyishí.

Nómba 10:5

 ba/jwá biintán ké kaǎnyín-nkéré, byikû-banet ḿbyí byi/bi boompyep ebe ké kyicê-mpyep ejí ńkyí óbyísû mu o-byí i byi/chi byi-dim.

Nómba 3:38

Ba/fu, Músis ne Éron ne bwǎn-Éron babi boompyep ebe ké kashú-mpyep mú Óburúkpâbí odakyú, ké kyicê ńkyí óbyísû mu o-byí i. Bǎmkpóngé ḿbé badachi ké nfût-ociring ba-kye banet ḿbé Ézerel ba/já kámbé. Baju onet nang orá okíri mú o/kan o/fu, nyǐ o-chi i éné.

Nómba 7:12

Mbé ba/kye eyáré ebe ké otáng něen. Ké mbwôp kashú-dyicí, Náshwon mú wǎn-Amínádap, mú onet-dyishí mú kyikû-banet ńkyí Júda nké o/kye eyáré. Ké nnyinyěng dyicí, Natánel mú wǎn-Zúwa, mú onet-dyishí-kyikû-banet ńkyí Ézaka nké o/kye eyáré. Ké ací achât, Élyap mú wǎn-Hélon, mú onet-dyishí-kyikû-banet ńkyí Zébélon nké o/kye eyáré. Ké ací anyii, Elyízu mú wǎn-Shédu, mú onet-dyishí-kyibû-banet ńkyí Rúben nké o/kye eyáré. Ké ací atánge, Shelúmyel mú wǎn-Zúryishadyâ, mú onet-dyishí-kyikû-banet Syímyon nké o/kye eyáré. Ké ací nyâchât, Elyǎsap mú wǎn-Dúwel, mú onet-dyishí-kyikû-banet ńkyí Gât nké o/kye eyáré. Ké ací káchâtkányi, Elyíshama mú wǎn-Amyíhut, mú onet-dyishí-kyikû-banet ńkyí Éferem nké o/kye eyáré. Ké ací nyíryinyi, Gamályel mú wǎn-Pédazu, mú onet-dyishí-kyikû-banet ńkyí Manáse nké o/kye eyáré. Ké ací kátángekányi, Abyídan mú wǎn-Gyídyonyi, mú onet-dyishí-kyikû-banet ńkyí Běnjámin nké o/kye eyáré. Ké ací diǐkpú, Ahéze mú wǎn-Amyíshadyâ, mú onet-dyishí-kyikû-banet ńkyí Dǎn nké o/kye eyáré. Ké ací diǐkpú ne din, Págyel mú wǎn-Ókaran, mú onet-dyishí-kyikû-banet ńkyí Ásha nké o/kye eyáré. Ké ací diǐkpú ne afee, Ahíra mú wǎn-Énan, mú onet-dyishí-kyikû-banet ńkyí Nafatályi nké o/kye eyáré. Eyáré nyí nang yeě o/bê ne nyǐ e/mû eringe ebónge. Nang yeě o/bê ne egbimgbang-syílyíba ebónge nyí e/mû kyílogaram obónge ne kyicê ké burô, ne dyicáng-syílyíba dyibónge ńdyí dyi/mû égot-bagarâm enyii ké burô. Ba/kan burô ebe eringe nyí badakan byěm ké mpyep mú Óburúkpâbí. Ba/fé filáwa mú badachi berêt, mú ba/chwáp bakút ké mǔ, mú badakúng ba-kye wǎ eyáré-esang-byichí. Ba/bê to ne kaǎcáng-gûl kabónge ńké ka/mû bajam-bagarâm batánge esim diǐkpú ké burô. Ba/fé burwan ké kafâ pwat. Ba-bâ ne kyisu-otyép-mpong kyibónge ne otyítǎm obónge ne wǎn-etám-ebû obónge mú oo/rí dyije, ḿbyí kyifen ńkyí badashí kyirim-enyam. Ba-bâ ne ebúbǔu nyí kyifen-byibî efîm. Ba-bâ ne batyép-bampong bafee ne etyítǎm etánge ne ebúbǔu etánge ne bwǎn-etám-ebû batánge ḿbé baa/rí dyije, ḿbyí badachi kyifen-okwáre ne Óburúkpâbí.

Mátyuu 1:4

Râm o/mû bonchí mú Amínádap. Amínádap o/mû bonchí mú Náshwon. Náshwon o/mû bonchí mú Sálamon.