Nómba 2:2 - Bokyi Bible

² ké nkéré banet-Ézerel ba-kú ba-bi ng boompyep ebe, onyinchéng nang orá obi boompyep emen ké kyikit ńkyí ba/tî ekap nyí kyikû-banet emen ne kyikim-banet emen. Babi boompyep ebe ba-wâng mpyep mú Óburúkpâbí odakyú ba-fé ké kafâ.

Nómba 2:2 Iomraidhean Croise

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 74:4

Banet-bushwôn eyên baa/wonge ké kiǐtí-kyise-kyifen eyên echi ba/fu, mbé baa/kpógê. Mbé baa/tî ekap ányi nyí edatông e/fu, mbé baa/kpógê. [

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 76:11

Kye n̂g Osówo Óburúkpâbí enen ńkyí ben ba/ryí ǎ ocím. Ben eshê kángkáng nyí nyi ǎ fáráng, bâ n̂g ǎ ne eyáré. Osówo mu o-chi i banet ba-shî ǎ.

Azáya 12:6

Nang yeě mú mu ké Záyon, okwán ne ejá kyíbóng kyíbóng ké bunyîn-dyityém o/fu, Osówo mú Ézerel mú mu onong mu kiǐtí, ne mu o-kyú u ké burwám-banet emen.

Azáya 18:3

Nang yeě mú mu o-kyú u ké ejíí, ofwôo atông o-jwo. Kû n̂g etî achi ké ekap-byití nyí ba/chi ba-tông kyíbóng-eku. Fwôo n̂g atông ba-jwo ntán mú ba/chi ba-jwá.

Ezékyel 43:7

o/fu, wǎn-onet, nyín něen kakyúng-butu ejí. Me n/chi n-kyú nyín ké burwám-banet-Ézerel n-kyú kámbé Otu ne banyá. Nang banet-Ézerel nang batu ebe baa*ba/chi ba-chîkye dyizîn ejí ńdyí dyinong edángé ké bakye efé* nang ké [byikwóm]-batu ebe eryii ké kyikit ńkyín*.

Zákaryâ 9:16

Ké nkéré mú dyicí ándyi dii/fyi, Óburúkpâbí o/chi o-nyii banet emen wǎ eringe nyí mbâm ebû odanyii ebû emen ké afaníkong. Mbé ba/chi ba-san ké esí emen wǎ byibwáng ḿbyí byidasan, ḿbyí badalák ké etam-butu.

Nómba 1:50

Tî kámbé ba-kûtún mpyep ejí ne kángkáng byěm ḿbyí mpyep ámu. Mbé ba/chi ba-kûtû kámú ne byěm emen, ba-chi bǎmkpóngé ké mǔ, ba-bi boompyep ebe ba-wâng kámú.

Nómba 10:14

Ne nang nkéré orá mú mbé ba/dim, mbé mbe ba-dim m ké bunye ké bunye eringe ebónge ebónge. Byikim-banet ḿbyí byidacen ne ekap nyí banet ḿbé Júda ké kyikû nké byi/bwóp kashú, byi-cen n ké bunye ké bunye, ne Náshwon mú wǎn-Amínádap wǎ onet-dyishí.

Nómba 10:18

Ké nnyinyěng, byikim-banet ḿbyí byidacen ne ekap nyí banet ḿbé Rúben ké kyikû nké byi/dim ké bunye ké bunye, ne Elyízu mú wǎn-Shádu wǎ onet-dyishí.

Nómba 10:22

Ké nnyinyěng, byikim-banet ḿbyí byidacen ne ekap nyí banet ḿbé Éferem ké kyikû nké byi/dim ké bunye ké bunye, ne Elyíshama mú wǎn-Amyíhut wǎ onet-dyishí.

Nómba 10:25

Ké nkuli kyikû, byikim-banet ḿbyí byidacen ne ekap nyí banet ḿbé Dǎn ké kyikû, ḿbyí mbyi byi-bám m kángkáng banet ké esim, byi/dim ké bunye ké bunye, ne Ahéze mú wǎn-Amyíshadyâ wǎ onet-dyishí.

Nómba 2:1

Óburúkpâbí o/sét Músis ne Éron o/fu,

Nómba 2:10

Banet ḿbé Rúben ba/chi ba-bi boompyep ebe ké kyikit ńkyí ekap ebe, ké byikim ké byikim, ké kyicê ńkyí busyísen. Banet-ashí ebe ba/mû něen. Ké kyikû-banet ńkyí Rúben, Elyízu mú wǎn-Shédu nké o/mû onet-dyishí, ne ocím-banet emen o/mû égot etánge etánge ké bajam-byikit bafee esim nyâchât ne égot efee esim-bajam-banet batánge. Ké kyikû-banet ńkyí Syímyon, Shelúmyel mú wǎn-Zúryishadyâ nké o/mû onet-dyishí, ne ocím-banet emen o/mû égot etánge etánge ké bajam-byikit bafee esim-byikit onyiryiká ne byinyii esim-égot ne kyicê. Ké kyikû-banet ńkyí Gât, Elyǎsap mú wǎn-Dúwel nké o/mû onet-dyishí, ne ocím-banet emen o/mû égot etánge etánge ké bajam-byikit bafee esim-byikit byitánge esim-égot-banet efee. Ocím-banet omúmú ké byikû-banet ḿbyín byichât o/mû égot etánge etánge ké bajam-byikit káchâtkányi esim-byikit diǐkpú ne din ne égot-banet efee ne bajam-banet bafee esim diǐkpú. Kyikû-banet ńkyí Rúben nké ba/chi ba-jaa ké boompyep ebe ba-nye banet ḿbé Júda.

Nómba 2:3

Banet ḿbé Júda ba/chi ba-bi boompyep ebe ké kyikit ńkyí ekap ebe, ké byikim ké byikim, ké kyicê-mpyep mú Óburúkpâbí ńkyí óbyísû odabyí. Banet-ashí ebe ba/mû něen. Ké kyikû-banet ńkyí Júda, onet-dyishí o/mû Náshwon mú wǎn-Amínádap, ne ocím-banet emen o/mû égot etánge etánge ké bajam-byikit bachât esim-byikit onyiryiká ne byinyii esim-égot echât. Ké kyikû-banet ńkyí Ézaka, Netánel mú wǎn-Zúwa nké o/mû onet-dyishí, ne ocím-banet emen o/mû égot etánge etánge ké bajam-byikit bafee esim-byikit diǐkpú ne byinyii esim-égot efee. Ké kyikû-banet ńkyí Zébélon, onet-dyishí o/mû Élyap mú wǎn-Hélon, ne ocím-banet emen o/mû égot etánge etánge ké bajam-byikit bafee esim onyiryiká ne byifee esim-égot efee. Ocím-banet omúmú ké byikû-banet ḿbyín byichât o/mû égot etánge etánge ké bajam-byikit kátángekányi esim-byikit nyâchât esim-égot-banet efee. Kyikû-banet ńkyí Júda nké kyidabwóp kashú ké nkéré mú ba/chi ba-jaa oshê ebe.

Nómba 24:2

o-ri banet-Ézerel ké baa/bi boompyep ké byikû ké byikû. Busa ḿbú Busun-Osówo bu-nung ǎ ké byiko,

1 Koríntyan 14:33

Ké ebóng, Osówo o*da bě ekó o/fu, byikûchi kyicoge ne barî* nké o/fu, be byikyú ké bunyîn-dyityém. Wǎ eringe nyí nkyi ké kángkáng bancibi ḿbé banet ḿbé Osówo,

1 Koríntyan 14:40

Ba-man ba-chi kángkáng byěm ké bukwóp ḿbú bunong, ké bunye ké bunye.

Fyilyípyan 1:27

Ńkyí nkyi kiǐtí-chwǒm nkyi něen, kyi/fu, dyizong-dyikpen enen ńdyí bamu ba-kyú u dyikyú wǎ eringe nyí Bǎmpém ḿbé Banong ḿbé Karâs mbe ba-ryuu ng. Eringe nyí â nang m/man ebê, nang n*da/man ebê m-ba-ri běn* me n/chi n-jwo n/fu, ben ba/bwom shwaneshwane ne okabe obónge, ne bamu ba-nwa ng ne onet-bushwôn enen ké burwám, cibicibi ne okabe obónge nké nke, ké bubwô-dyityém efé ké Bǎmpém ḿbé Banong.

Kolóshan 2:19

ne oo/né ebwom ne Karâs mú mu otu-dyishí mú enyam-byiko emen. Ké bubwô-busa ḿbú Karâs, Osówo mu o-nen n enyam-byiko emúmú, ne acit ne byikúú byi-níbî ng kányí kyikit kyibónge, ne nyi e-kán n eringe nyí Osówo mu o-ryuu ng o/fu, ekán.

Jóshwa 3:4

Ben ba/mû ba*da/bê ne nyín*. Ne ké bubwô ámbu, mbé nké bada běn etông kiǐfáng ńkyí badacen. Nké *da n̂g echi ba-cen ba-fárâng mkpukpu-byěm-Osówo*. Waa n̂g kwán ké esim, ké kyilómyíta nang obónge.