Nómba 2:10 - Bokyi Bible

^10-16 Banet ḿbé Rúben ba/chi ba-bi boompyep ebe ké kyikit ńkyí ekap ebe, ké byikim ké byikim, ké kyicê ńkyí busyísen. Banet-ashí ebe ba/mû něen. Ké kyikû-banet ńkyí Rúben, Elyízu mú wǎn-Shédu nké o/mû onet-dyishí, ne ocím-banet emen o/mû égot etánge etánge ké bajam-byikit bafee esim nyâchât ne égot efee esim-bajam-banet batánge. Ké kyikû-banet ńkyí Syímyon, Shelúmyel mú wǎn-Zúryishadyâ nké o/mû onet-dyishí, ne ocím-banet emen o/mû égot etánge etánge ké bajam-byikit bafee esim-byikit onyiryiká ne byinyii esim-égot ne kyicê. Ké kyikû-banet ńkyí Gât, Elyǎsap mú wǎn-Dúwel nké o/mû onet-dyishí, ne ocím-banet emen o/mû égot etánge etánge ké bajam-byikit bafee esim-byikit byitánge esim-égot-banet efee. Ocím-banet omúmú ké byikû-banet ḿbyín byichât o/mû égot etánge etánge ké bajam-byikit káchâtkányi esim-byikit diǐkpú ne din ne égot-banet efee ne bajam-banet bafee esim diǐkpú. Kyikû-banet ńkyí Rúben nké ba/chi ba-jaa ké boompyep ebe ba-nye banet ḿbé Júda.

Nómba 2:10 Iomraidhean Croise

1 Korónyíkil 5:1

Nyín něen bwǎn ḿbé Rúben mú mbwôp kashú-wǎn-onyinchéng mú Jekôp. Ké bubwô ḿbú nyǐ Rúben o/rí ne onyi-bonchí emen obónge mú wǎsíng, byěm ḿbyí ókpá odaryí bukyû byi/fem ǎ. Ba/kye Josêf byěm ámbyi.

Nómba 1:5

Nyín něen banet-ashí ḿbé ba/cá kámbé ba/fu, bachi bǎmkpóngé ḿbén. Ké kyikû-banet ńkyí Rúben, Elyízu mú wǎn-Shédu nké o/mû onet-dyishí. Ké kyikû-banet ńkyí Syímyon, onet-dyishí o/mû Shelúmyel mú wǎn-Zúryishadyâ. Ké kyikû-banet ńkyí Júda, Náshwon mú wǎn-Amínádap nké o/mû onet-dyishí. Ké kyikû-banet ńkyí Ézaka, Netánel mú wǎn-Zúwa nké o/mû onet-dyishí. Ké kyikû-banet ńkyí Zébélon, onet-dyishí o/mû Élyap mú wǎn-Hélon. Ké kyikû-banet ńkyí Éferem, onet-dyishí o/mû Elyíshama mú wǎn-Amyíhut. Ké kyikû-banet ńkyí Manáse, Gamályel mú wǎn-Pédazu nké o/mû onet-dyishí. Ké kyikû-banet ńkyí Běnjámin, Abyídan mú wǎn-Gyídyonyi nké o/mû onet-dyishí. Ké kyikû-banet ńkyí Dǎn, Ahéze mú wǎn-Amyíshadyâ nké o/mû onet-dyishí. Ké kyikû-banet ńkyí Ásha, Págyel mú wǎn-Ókaran nké o/mû onet-dyishí. Ké kyikû-banet ńkyí Gât, Elyǎsap mú wǎn-Dúwel nké o/mû onet-dyishí. Ké kyikû-banet ńkyí Nafatályi, Ahíra mú wǎn-Énan nké o/mû onet-dyishí.

Nómba 10:18

Ké nnyinyěng, byikim-banet ḿbyí byidacen ne ekap nyí banet ḿbé Rúben ké kyikû nké byi/dim ké bunye ké bunye, ne Elyízu mú wǎn-Shádu wǎ onet-dyishí.

Nómba 10:6

 ba/chîjwá biintán ké kaǎnyín-nkéré, ké nnyinyěng-nkéré, byikû-banet ḿbyí kyicê ńkyí busyísen byi/chi byi-dim. Ké bubwô ámbu, biintán ejwá ké kaǎnyín-nkéré, ányi ḿbyí badabú boompyep ba-dim.