Nómba 19:7 - Bokyi Bible

⁷ Ké nkéré oo/chi ńkyí ánkyi, nyǐ o/chi o-soo byídí emen o-pwó omu ké byiko emen byimúmú, ne nyǐ kâng o-man n enung ké kafâ-oshê. Nké nyǐ o-waa ng onet mú bada ǎ eciring tete dyikurúku.

Nómba 19:7 Iomraidhean Croise

Lyívyítyíkus 11:24

Nang yeě nké o/ta kyikwóm-enyam ké burwám-enyam ńkyín, o-waa ng onet mú bada ǎ eciring tete dyikurúku dyi-fyi. Kángkáng enyam nyí nyi ne biǐcîcîp-biintaa-byiká, nyí byiká ebe byi*fí ne efwa* ne e-sâm m ocím dyikáá, ne kángkáng enyam to nyí nyi ne byiká byinyii ne biifwa. Nang yeě nké o/yip kyikwóm-enyam ebe, o-man o-soo byídí emen, nké o-waa ng onet mú bada ǎ eciring tete dyikurúku dyi-fyi.

Lyívyítyíkus 11:31

Nang yeě nké o/ta kányí ne kyikwóm ebe, o-waa ng onet mú bada ǎ eciring tete dyikurúku dyi-fyi.

Lyívyítyíkus 11:32

 nang byikwóm ebe byi/róng ké chwǒm, chwǒm ánkyi kyi/firi chwǒm ńkyí badaciring. Kyije ńkyín kyi/ta kángkáng byěm wǎ kyichí nang kyídí nang ekwop-enyam nang kiimbam, nang mbe ba-kúng ng kánkyí ba-chi i ebóng chwǒm. Bayip chwǒm ánkyi ba-lip ké omu, nké kyi-waa ng chwǒm ńkyí badaciring tete dyikurúku dyi-fyi.

Lyívyítyíkus 11:39

 enyam nyí ba/mû ba/chi ba-ryí e/kpú, onet mú odata kányí o-waa ng onet mú bada ǎ eciring tete dyikurúku dyi-fyi.

Lyívyítyíkus 11:40

 nang onet obónge o/ryí kyipang-enyam ányi nang kyibónge, onet ámu o-man o-soo byídí emen, nké o-chî ng ewaa onet mú bada ǎ eciring tete dyikurúku dyi-fyi. Nang yeě nké o/yip kyikwóm-enyam ánkyi, o-man o-soo byídí emen, nké o-chî ng ewaa onet mú bada ǎ eciring tete dyikurúku dyi-fyi.

Lyívyítyíkus 14:46

Nang yeě nké o/nung ké kyise ánkyi, ké nkéré mú baa/fín kánkyí, o-waa ng onet mú bada ǎ eciring tete dyikurúku dyi-fyi.

Lyívyítyíkus 15:5

Nang yeě nké o/ta karíng-onyinchéng ámu,

Lyívyítyíkus 22:6

Nchi kyifen-Osówo nang orá mú o/bên byiko emen o-waa ng ké byiko emen ámbyi ebên tete dyikurúku dyi-fyi, nang o*fí onet mú bada ǎ eciring* oo*man eryí byiryíng-kyifen-ociring nang byibónge* tete o-kôo omu.

Nómba 19:10

Onet ámu mú o/wuri atông ányi o-man o-soo byídí emen. Nké nyǐ o-waa ng onet mú bada ǎ eciring tete dyikurúku. Kyije ńkyín kyi/chi kyi-waa banet-Ézerel ne bacinbánet ḿbé mbe ba-kyú u ne mbé shwaneshwane ké kángkáng nkéré mú mu o-bâ.

Nómba 19:19

Ké ací achât ne ké ací káchâtkányi, onet mú ba*fí ba-ciring ng ǎ* o/chi o-kúng omu o-myî onet mú mbe ba-ciring ng ǎ. Ké ací káchâtkányi, nyǐ o/chi o-chi onet ámu kyifen ńkyí ociring efîm, mú o/chi o-soo byídí emen, o-pwó omu ké byiko emen, ne o-firi onet mú baa*ciring ǎ to* ké nkéré dyikurúku dii/fyi.

Nómba 19:21

Ben ba/chi ba-tî kyije ńkyín ké kángkáng nkéré mú mu o-bâ. Onet mú odamyî omu mú ociring efîm o-man o-soo byídí emen to. Nang yeě nké o/ta omu ámu o-waa ng onet mú bada ǎ eciring tete dyikurúku.

Nómba 19:22

Nang ebóng chwǒm ńkyí onet mú bada ǎ eciring o/ta kyi-firi ng chwǒm-ociring, ne kyi-waa ng éné tete dyikurúku.

Nómba 19:8

Onet mú o/shí mpong ámu o-man o-soo to byídí emen o-pwó omu ké byiko emen byimúmú. Nké nyǐ to o-waa ng onet mú bada ǎ eciring tete dyikurúku.

Hyíburus 13:11

Otu-nchi kyifen-Osówo mú banet-Jûs o-bâ ké kafâ-ochíchí-nfût-ociring ne baróng ḿbé byitú ḿbé odakye wǎ kyifen echi ké byibî, nké byirim-byitú ámbyi baa*shí kámbyí ké kafâ-oshê*.