Nómba 19:11 - Bokyi Bible

¹¹ Nang yeě nké o/ta kyikwóm-okúsí, onet ámu o-waa ng onet mú bada ǎ eciring ké ací káchâtkányi.

Nómba 19:11 Iomraidhean Croise

Azáya 52:11

Ben kángkáng ḿbé bamu ba-níbî ng byěm ḿbyí kiǐtí-kyise-kyifen-Osówo echi, dim m̂ ké Bábyílon. *Da n̂g echi ba-ta chwǒm-ociring nang kyibónge*. Tî n̂g byiko enen kpárám, ba-dim.

Lamantéshan 4:14

Banet-ashí emen ba/yêe ké byiká-oshê wǎ bansêe achi ne baróng ké byiko chwóó, onet o*fí mú o/ta kámbé*.

Ezékyel 39:12

Kyi/chi kyi-kúng banet-Ézerel etukáku káchâtkányi ne ba-ryii byikwóm-banet kángkáng, ne ba-chi esí e-chîkyú kpárám.

Ezékyel 44:26

Ké nkéré oo/chîfiri kpárám, nyǐ o-man o-bwom ké ací káchâtkányi

Lyívyítyíkus 11:31

Nang yeě nké o/ta kányí ne kyikwóm ebe, o-waa ng onet mú bada ǎ eciring tete dyikurúku dyi-fyi.

Lyívyítyíkus 21:1

Óburúkpâbí o/sét Músis o/fu, osét banchi kyifen-Osówo ḿbé bwǎn-Éron o/fu, nchi kyifen-Osówo o*dachi o-bên byiko emen ké byěm-bukyû echi ḿbyí wǎn-boné odakpú*.

Lyívyítyíkus 21:11

Baa/jware ǎ o-firi onet ejí ne oo*man o-bên byiko emen* o-bên mpyep-ociring ejí* o-mîng kámú o-da-nung ké kyise ńkyí ba/tî kyikwóm-okúsí* nang okúsí ámu mu bonchí nang boné emen*.

Lyívyítyíkus 22:4

Wǎn-Éron nang orá nké mu ne kyibî-orwôm, nang banunut-byěm mbe ba-byí i ǎ ké byiko o*dachi o-ryí byiryíng-kyifen-ociring nang byibónge* tete o-nyange. Nchi kyifen-Osówo nang orá nké o/firi onet mú bada ǎ eciring, â o/ta nang ebóng chwǒm ńkyí badaciring, ké nǎ, kyi/ta okúsí, nang o/bên burê kyísí,

Lyívyítyíkus 5:2

 onet o*da/tigi ne o-ta chwǒm nang kyirá ńkyí badaciring kánkyí* wǎ kyikwóm-enyam, onet ámu o/róng kyije, ne o-firi ng onet mú bada ǎ eciring, â o-nyît ng o-bâ kyi-kim ne ńkyí nyǐ oo/chi.

Hágya 2:13

Ne Hágya o-bí kámbé kâng o/fu, â onet o/bên byiko emen, ké nǎ, o/ta okúsí. Â onet ámu o/ta byiryíng ḿbyín nang byibónge, kyi-chi i byiryíng ámbyi byi-bên to? Banchi kyifen-Osówo ba-faa ǎ ba/fu, byi-bên n.

Nómba 19:16

 onet o/ta onet mú ba/ju ǎ ojǔng, nang o/kpú bukyû buyén kyíjí, nang o/ta kyikúú-onet nang dyikun, onet ámu o-firi ng onet mú bada ǎ eciring ké ací káchâtkányi.

Nómba 31:19

Nang yeě ké burwám enen kángkáng mú o/ju onet, nang o/ta kyikwóm-okúsí, o-man o-waa kyíjí, oo*nung ké kafâ-oshê* tete ací káchâtkányi. Ké ací achât, ne ké ací káchâtkányi, soo n̂g byiko enen ké omu mú ociring efîm ne ḿbyí banyinyi ḿbé ben ba/kám.

Nómba 5:2

kye banet-Ézerel busa ba-ró nang yeě mú mu ne kyibî-orwôm, nang mú chwǒm wǎ baróng mbe ba-byí i ǎ ké byiko, nang mú oo/bên byiko emen, ké nǎ, o/ta kyikwóm-okúsí, o-byí ké kafâ-oshê.

Nómba 6:6

Eji emen, ányi ekap nyí edatông e/fu, nyǐ oo/kúng byiko emen o-kye Osówo, ne ké bubwô ámbu, o*dachi o-bên byiko emen ké kyikwóm-okúsí efárâng* nang ńkyí bonchí emen* nang ńkyí boné* nang ńkyí wǎn-boné*.

Nómba 9:10

o/fu, osét banet-Ézerel o/fu, ké nkéré mú nang yeě ké burwám enen, nang bwǎn enen nké o/firi onet mú bada ǎ eciring, ké nǎ, o/ta kyikwóm-okúsí, nang mu tíbítíbí ké bucen, nké o/tôong o-ryuu ng o/fu, nyǐ o-chi i dyijî-kyifen ńkyí Shwôm,

Nómba 9:6

Nké banyinchéng bakíri ba/mû ḿbé banet badaciring kámbé, ké nǎ, mbé ba/ta kyikwóm-okúsí, ne mbé ba*da/man etî dyijî-kyifen ńkyí Shwôm ké dyicí ándyi*. Mbé ba/dim ba-kâm Músis ne Éron,

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 21:26

Ne Pôl o-dim kâng ne banyinchéng ámbe, ne ké orî-dyicí o-chi kyifen-byiko esoo ne mbé ké kyikû. Ne Pôl o-dim o-ca kâng ké kafâ-kiǐtí-kyise-kyifen-Osówo echi, o-da-sét banet ací nyí kyi/chi kyi-rí tete kyikim-nkéré ńkyí byiko esoo ámbyi byi-man, ne nkéré o-fyi mú nang yeě nang yeě ké burwám-banyinchéng ámbe ba/chi ba-chi kyifen ba-kye Osówo ké bubwô ebe.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 21:27

Ké nkéré ací ányi káchâtkányi nyí byiko esoo a/mû a-kú a-bâ eman, kyicê-banet-Jûs ḿbé ba/fím Ésha ba/ri Pôl ké kafâ-kiǐtí-kyise-kyifen-Osówo echi. Ba-chi kángkáng bujê-banet ḿbé ba/mû ányi ba-kpet esa kafâ ne Pôl, ne banet-Jûs ámbe ba-dim ba-da-níbî ǎ.

Rúman 5:12

Kyibî kyi/bê ké ejíí ké bubwô ḿbú onet obónge, ne ké bubwô ḿbú o/chi kyibî, nyǐ o/kpú. Ké bubwô ámbu, bukyû boo/ta kángkáng banet ḿbé ké ejíí, ké ebóng, kángkáng banet baa/róng ké byibî.

2 Koríntyan 6:17

Ne Otu Kyítá o-raa kâng o/fu, ben ba-man ba-mîng kámbé, ba-pap byiko enen ké burwám ebe. *Da n̂g echi ba-chi chwǒm ne chwǒm-ociring* ne me n/chi n-koo běn.

Efyíshan 2:1

Ké nkéré mú o/shwôm ké esim, ben ḿbé ba*fí banet-Jûs* ba/mû baa/kpú ké basun, ké bubwô-byibî enen ne ofê mú o*fí běn*.

Hyíburus 9:14

Busa ḿbú baróng ḿbé Karâs bu/jê bu-shwôm, ké ebóng, ńkyín nkyi ntûntû. Nyǐ o/kye Osówo byiko emen wǎ ochíchí-kyifen-Osówo ké bubwô ḿbú Busun-Osówo ḿbú ne banyá. Baróng emen ba/chi ba-fîm ekabe eten ké bǎmkpóngé ḿbé ba*da/byí chwǒm* eringe nyí byidafé Osówo mú mu okpó.