Nómba 18:3 - Bokyi Bible

³ Mbé ba/chi ba-chi ǒ bǎmkpóngé ḿbé ba/já kámbé, ne bǎmkpóngé ḿbé ba/já kámbé ké mpyep ejí. Nké mbé baa*man ba-ta byěm-ociring ḿbyí mbyi ké nfût-ociring* ba-ta nang kyikit-kyifen-Osówo echi*. Â ba/ta, mbé cibicibi ne wo ba/chi ba-kpú.

Nómba 18:3 Iomraidhean Croise

Ezékyel 44:13

Mbé ba*dachi ba-chî mě ebángê byitwóm wǎ banchi byifen ejí* ba-fárâng nang ké chwǒm ńkyí kyi/já mě* ba-nung nang ké ochíchí-nfût-ociring*. Nyín něen busông ḿbú n/chi n-kye kámbé ké biinunut-byěm ḿbyí mbé baa/chi.

Nómba 1:51

Nang nkéré orá nké ba/jaa ne boompyep enen, banet-Lyíva ba-man ba-bú mpyep ámu ba-chîdabi kámú ké oshê enen mú ofyîfî. Onet okíri mú odafárâng mpyep mún, baju ǎ.

Nómba 1:53

Nké banet ḿbé Lyíva ba/chi ba-bi ba-wâng mpyep ejí ba-kûbám kámú eringe onet nang obónge oo*fárâng kámú* o-chi kafâ ka-sa mě ne banet-Ézerel*.

Nómba 16:40

Ńkyín kyi/mû chwǒm ńkyí kyi/kuri banet-Ézerel ekó kyi/fu, onet mú o*fí ké kyikû ńkyí Éron* o*dachi o-bâ ké kyikit-kyifen-Osówo echi o/fu, nyǐ o-shí i burwan o-kye Óburúkpâbí*. Â kyi*fí éné* ba-ju ng onet ámu wǎ Kóra ne banet emen. Ba/chi ńkyín kángkáng wǎ eringe nyí Óburúkpâbí o/kye Elyǎza busa ké ocím mú Músis.

Nómba 18:4

Mbé ba/chi ba-chi bǎmkpóngé ne wo ba-chi kángkáng byěm ḿbyí byi/já kámbé ké kángkáng bǎmkpóngé ké kafâ-mpyep ámu. Nké onet mú o*da/kwárê* o*dachi o-chi bǎmkpóngé ne wo*.

Nómba 18:7

Nké wo ne bwǎn eyên kǎnchí nké badachi kángkáng bǎmkpóngé ḿbé nchi kyifen-Osówo, ḿbé ba/kim ne kyikit-kyifen-Osówo echi ne ḿbé ké ochíchí-nfût-ociring. Byěm ḿbyín mbyi bǎmkpóngé eyên, ká nǎ, me nn/kye ǒ eyáré nyí bǎmkpóngé-nchi kyifen-Osówo. Ba/chi ba-ju nang yeě mú o*da/kwárê* nké o/fárâng byěm-ociring.

Nómba 3:25

Bǎmkpóngé ḿbé badatún mpyep mú Óburúkpâbí odakyú ba/já kámbé, cibicibi ne byídí byifee ḿbyí badacít kámú, ne ékpígí nyí ocím-dyifyi,

Nómba 3:31

Bǎmkpóngé ḿbé badatún mkpukpu-byěm-Osówo ba/já kámbé, cibicibi ne ókpákpúrúk, ne kyikwap-etyuryíkáng etwôom, ne byikit-kyifen-Osówo echi, ne byěm ḿbyí banchi kyifen-Osówo mbe ba-kúng ng ba-chi i byifen ké nfût-ociring, ne ékpígí nyí ocím-dyifyi mú ochíchí-nfût-ociring. Kángkáng bǎmkpóngé ba-kim ne byěm ḿbyín ba/já kámbé.

Nómba 3:36

Ba/kye kámbé bǎmkpóngé ḿbé kángkáng byichí ne efang ne byikwap ḿbyí mpyep mú Óburúkpâbí odakyú. Kángkáng bǎmkpóngé ḿbé ba/kim ne byěm ḿbyín ba/já kámbé.

Nómba 31:30

Ké kyicê ńkyí kyi/já banet-oshê ḿbé áku, fîm m̂ onet-mgbokobá obónge obónge ké bajam-banet-mgbokobá bafee esim diǐkpú. Fîm m̂ ocím ámu obónge to ké bampong ne boonyam-atû ne ebû. Kúng n̂g kámbyí ba-kye bǎmgbán-nchi kyifen-Osówo ḿbé mbe ba-tún n mpyep mú Óburúkpâbí odakyú.

Nómba 4:15

Ké nkéré mú nkéré oo/fyi mú badajaa oshê, banet-kyikû-banet ńkyí Kóhat ba/chi ba-yip byěm-ociring ámbyi ké nkéré mú Éron ne bwǎn emen baa/cít kámbyí ne kángkáng byěm emen. Banet ḿbé Kóhat ba*dachi ba-ta byěm-ociring ámbyi*. Mbé ba/chi ba-kpú â ba/ta kámbyí. Bǎmkpóngé ḿbé banet ḿbé Kóhat éné, nang nkéré orá nké ba/dim ne mpyep mú Óburúkpâbí odakyú.