Nómba 15:9 - Bokyi Bible

⁹ o/chi o-kye bakyílogaram-filáwa mú badachi berêt bachât, mú ba/chwáp balyíta-bakút-ólif bafee ké mǔ,

Nómba 15:9 Iomraidhean Croise

1 Korónyíkil 21:23

Arwǎna o-raa o/fu, átá-otu, kúng kánkyí a-chi ńkyí kyi/nyîn ǒ. Nyín něen bampong ḿbé adashí wǎ eyáré ké kyikit-kyifen-Óburúkpâbí echi, ne nyín něen byichí ḿbyí esang-byichí ekim, ḿbyí adakúng a-wóngê okwâ, ne nyín něen esang-byichí nyí adakúng a-kye wǎ eyáré. Me n/kye ǒ kángkáng.

Nehemyâ 10:33

Be byi/chi byi-kye byěm ḿbyín, ḿbyí badakúng ba-kye ofê ké kiǐtí-kyise-kyifen-Osówo echi, berêt mú o/já ǒ ne esang-byichí-eyáré ekye nyí kángkáng dyicí ne byitú ḿbyí badakûshí kángkáng dyicí wǎ byifen eyên echi ne eyáré nyí e/já ǒ nyí ké ací-ékwâbashi eten ne eyáré nyí ajî-byifen ḿbyí otukáku mú ofyîfî ne eyáré nyí ajî-byifen byikíri ne eyáré ekíri nyí e/já ǒ ne eyáré nyí edafîm byibî ḿbyí banet-Ézerel ne nang ebóng chwǒm kyikíri ńkyí mbe ba-ryuu ng ké kiǐtí-kyise-kyifen eyên echi.

Ezékyel 42:13

Onyinchéng ámu o-sét mě o/fu, byise ḿbyín kángkáng byifee byi/já Osówo. Banchi kyifen-Osówo ḿbé mbe ba-nung ng ké bushú ḿbú Óburúkpâbí mbe ba-ryí i eyáré nyí e/já Osówo e-shwôm ké mbyí. Ké nǎ, banfût ḿbén ba/já Osówo, banchi kyifen-Osówo ba-tî ng eyáré nyí e/nwa e-shwôm ké mbé, nyí nyi nyí esang-byichí ne nyí byifen echi ké bubwô-byibî ne nyí ké eyáré-afwá eré.

Ezékyel 46:11

Ké ací nyí a/já mě ne ké nyí ajî-byifen, eyáré-esang-byichí e/chi e-kyú balyíta onyiryiká ne bafee ne kyicê ké mpong nang orá nang ké otyítǎm nang orá nang ne ebóng ńkyí nyǐ mu o-ryuu ng o/fu, nyǐ o-kyâ, ne wǎn-etám-ebû. Nyǐ o/chi o-yárê balyíta-bakút-ólif bachât ké dyizong-eyáré-esang-byichí ányi.

Ezékyel 46:15

Ba/chi ba-yárê mě wǎn-etám-ebû ne filáwa ne bakút-ólif ḿbyín kángkáng dyicí ne banyá ne banyá.

Ezékyel 46:5

Ké otyítǎm nang orá, nyǐ o/chi o-bâ ne eyáré ké balyíta-esang-byichí onyiryiká ne bafee ne kyicê, ne ké wǎn-etám-ebû nang orá, nyǐ o/chi o-bâ ne nang ebóng ńkyí nyǐ mu o-ryuu ng o/fu, nyǐ o-kyâ. Ké dyizong-eyáré-esang-byichí ányi nang erá, nyǐ o/chi o-bâ ne balyíta-bakút-ólif bachât.

Ezékyel 46:7

Ké mpong nang orá ne ké otyítǎm nang orá, eyáré e/chi e-kyú balyíta-esang-byichí onyiryiká ne bafee ne kyicê, ne ké wǎn-etám-ebû nang orá, eyáré e/chi e-kyú nang ebóng ńkyí otu-dyishí-oshê mu o-ryuu ng o/fu, nyǐ o-kyâ. Ba/chi ba-yárê balyíta-bakút-ólif bachât ké dyizong-eyáré-esang-byichí ányi.

Jówel 1:9

Byiryíng ne bato byi*fí to* ḿbyí badakye wǎ eyáré-kyifen echi ké kiǐtí-kyise-kyifen-Osówo echi*. Banchi kyifen-Osówo ba-kú ba-tii ng, ké nǎ, ba*fí to ne byifen ḿbyí badachi ba-kye Óburúkpâbí*.

Jówel 2:14

Katô Óburúkpâbí mú mu Osówo enen o/chi o-yángê dyityém emen, o-jware běn, o-kye běn byíkwôn chwóó. Ne ben kâng ba/chi ba-kye ǎ byiryíng ne bato.

Lyívyítyíkus 14:10

Ké ací nyíryinyi, onet ámu o-bâ ne batyép-bwǎn-etám-ebû bafee ne buma to bubónge ḿbú boo/rí dyije dyibónge, nyí e*fí ne kyinêm ké byiko*. O-bâ to ne bakyílogaram-filáwa mú badachi berêt bachât, mú o/fé bakút-ólif ké kafâ ne kaǎkím-lyíta-bakút-ólif.

Lyívyítyíkus 6:14

Óburúkpâbí o/sét Músis o/fu, tî n̂g byije ḿbyín kyi-kim ne kyifen-esang-byichí. Nchi kyifen-Osówo mú wǎn-Éron nké odachi kyifen-esang-byichí o-kye Óburúkpâbí ké bushú-kyikit-kyifen echi.

Lyívyítyíkus 7:37

Byije ḿbyín kángkáng kâng nké mbyi byije ḿbyí byi/kim ne byifen ḿbyí badashí byirim-byitú, ne byifen-esang-byichí ne byifen-byibî epwoo ne byifen ḿbyí dyifwá eré ne byifen ḿbyí badajware onet o-firi nchi kyifen-Osówo ne byifen ḿbyí okwáre ne Óburúkpâbí.

Nómba 15:10

cibicibi to ne balyíta-bato bafee. Kyinung ńkyí kyifen ńkyín kyi-nyín n Óburúkpâbí.

Nómba 15:8

 o/yárê Óburúkpâbí otyép-mpong wǎ kyifen ńkyí badashí kyirim-enyam, nang wǎ kyifen-Osówo echi ńkyí ocím etî mú ba/ryí Osówo, nang wǎ kyifen ńkyí okwáre ne Osówo,

Nómba 28:12

Wǎ eyáré-esang-byichí, fé n̂g filáwa mú ba/chwáp bakút-ólif. Ké otyép-mpong nang orá, kye n̂g bakyílogaram-filáwa bachât. Ké otyítǎm, kye n̂g bakyílogaram bafee,

Nómba 28:14

Eyáré-bato emen nyi balyíta-bato bafee ké otyép-mpong nang orá, lyíta-bato ne kyicê ké otyítǎm ámu, ne lyíta-bato obónge ké wǎn-otyítǎm nang orá. Ńkyín nké nkyi kyije kyi-kim ne eyáré nyí badashí ké mbwôp kashú-dyicí ńdyí otukáku nang orá ké dyije dyimúmú.

Nómba 29:6

Kye n̂g ḿbyín cibicibi ne kyifen-byirim-enyam eshí ńkyí badachi kángkáng nkéré ké mbwôp kashú-dyicí ńdyí otukáku, ne eyáré-esang-byichí emen, ba-chi to kyifen-byirim-enyam eshí ńkyí badachi kángkáng dyicí, cibicibi ne eyáré-esang-byichí emen ne eyáré-bato emen. Eyáré-byiryíng ńnyín e-chi i kyinung ńkyí kyidanyîn Óburúkpâbí.

1 Sámwel 1:24

Ké nkéré mú oo/byii ǎ, o-kpî ǎ o-dim ne nyǐ Shílo, o-yip to otyép-mpong mú [oo/rí aje achât] ne bakyílogaram filáwa diǐkpú ḿbé badachi berêt ne kabu-bato. O-kpî Sámwel nang ké o/mû o/tôong éné fyěet, o-ca ne nyǐ ké kyise ńkyí Óburúkpâbí ké Shílo.