Nómba 15:4 - Bokyi Bible

^4-5 Nang yeě nké mu o-kyâ Óburúkpâbí ebúbǔu nang etám-ebû wǎ kyifen ńkyí badashí kyirim-enyam, onet ámu o/chi o-cibi ne kyitú ánkyi kyílogaram-filáwa mú badachi berêt obónge, mú ba/chwáp lyíta-bakút-ólif obónge wǎ eyáré-esang-byichí, cibicibi ne lyíta-bato obónge.

Nómba 15:4 Iomraidhean Croise

Ézara 7:17

Yip akpuga ńnyín a-ré batyép-bampong ne etyítǎm ne bwǎn-etám-ebû ne esang-byichí ne bato a-kye ké kyikit-kyifen echi ńkyí kiǐtí-kyise-kyifen-Osówo echi ké Jerúsélem.

Ézódos 29:40

Chi kyifen ké wǎn-etám-ebû mú kashú ne kyílogaram-filáwa obónge mú onong, mú badachi berêt ké mǔ ne lyíta-bakút-ólif mú onong onong obónge. Pwó lyíta-bato obónge ké kyifen ánkyi echi.

Azáya 66:20

Mbé ba/chi ba-kpî kángkáng banet-oshê enen ḿbé mbe ké eshê ńnyín ba-ba-kye mě wǎ eyáré. Ba/chi ba-bâ ne mbé ké kaku-ociring ejí, ké Jerúsélem, ké bubyî-orá ne boonyam-atû ne ké bamútu ḿbé bubyî-orá budatut, wǎ eringe nyí banet ḿbé Ézerel badabê ne esang-byichí nyí badachi kyifen ké kiǐtí-kyise-kyifen-Osówo echi, ké byiféng-kyifen echi ḿbyí ociring.

Ezékyel 46:14

Ba/chi ba-kye to eyáré-bakyílogaram-filáwa bafee kángkáng dyicófóróng, cibicibi ne lyíta-bakút-ólif obónge mú ba/chwáp ne filáwa. Byije ḿbyí bada mě ekye eyáré ńnyín byi/chi byi-waa ne banyá.

Lyívyítyíkus 1:13

Onet mú mu o-chi i kyifen ánkyi o-man o-soo efong-enyam ányi ne byiká, ne nchi kyifen-Osówo o/chi o-kúng kyifen ánkyi o-kye Óburúkpâbí, o-shí enyam ányi kángkáng ké kyikit-kyifen echi. Kyinung ńkyí kyidafím ké kyifen-byiryíng ánkyi kyi-nyîn n Óburúkpâbí.

Lyívyítyíkus 14:10

Ké ací nyíryinyi, onet ámu o-bâ ne batyép-bwǎn-etám-ebû bafee ne buma to bubónge ḿbú boo/rí dyije dyibónge, nyí e*fí ne kyinêm ké byiko*. O-bâ to ne bakyílogaram-filáwa mú badachi berêt bachât, mú o/fé bakút-ólif ké kafâ ne kaǎkím-lyíta-bakút-ólif.

Lyívyítyíkus 2:1

Nang nkéré orá nké onet mu o-bâ ebachi kyifen ńkyí esang-byichí o-kye Óburúkpâbí, o-man o-bwóp kpá kashú o-kwa kányí e-bírî filáwa. O-man o-fé bakút-ólif ne burwan ké mǔ,

Lyívyítyíkus 2:15

Fé n̂g bakút-ólif ba-pwó burwan ké nyǐ.

Lyívyítyíkus 23:13

Cibi n̂g ne ebû ányi ba-kye to bakyílogaram-filáwa bafee mú badachi berêt, ba-fé bakút-ólif ké mǔ wǎ kyifen-byiryíng. Kyinung ńkyí kyifen ńkyín kyi-nyîn n Óburúkpâbí. Kye n̂g to lyíta-bato obónge ba-cibi ne kyifen ánkyi.

Lyívyítyíkus 3:7

 o/chi kyifen ánkyi ké etám-ebû,

Lyívyítyíkus 6:14

Óburúkpâbí o/sét Músis o/fu, tî n̂g byije ḿbyín kyi-kim ne kyifen-esang-byichí. Nchi kyifen-Osówo mú wǎn-Éron nké odachi kyifen-esang-byichí o-kye Óburúkpâbí ké bushú-kyikit-kyifen echi.

Máláka 1:11

Banet ḿbé mbe ké ejíí emúmú mbe ba-fâ mě. Ké kángkáng byikit, banet mbe ba-shí i burwan ba-kyâ mě, ba-chi i byifen ḿbyí byinong ba-kyâ mě. Mbé ashí kángkáng mbe ba-fâ mě.

Nómba 28:12

Wǎ eyáré-esang-byichí, fé n̂g filáwa mú ba/chwáp bakút-ólif. Ké otyép-mpong nang orá, kye n̂g bakyílogaram-filáwa bachât. Ké otyítǎm, kye n̂g bakyílogaram bafee,

Nómba 28:4

Kúng n̂g wǎn-otyítǎm obónge ba-chi kyifen ké dyicófóróng, mú nnyinyěng ké dyikurúku. Ba/chi ba-kye

Nómba 29:6

Kye n̂g ḿbyín cibicibi ne kyifen-byirim-enyam eshí ńkyí badachi kángkáng nkéré ké mbwôp kashú-dyicí ńdyí otukáku, ne eyáré-esang-byichí emen, ba-chi to kyifen-byirim-enyam eshí ńkyí badachi kángkáng dyicí, cibicibi ne eyáré-esang-byichí emen ne eyáré-bato emen. Eyáré-byiryíng ńnyín e-chi i kyinung ńkyí kyidanyîn Óburúkpâbí.

Rúman 15:16

o/fu, me nkyú ḿgbán mú Jisos Karâs* n-chi bǎmkpóngé n-kye banet ḿbé ba*fí banet-Jûs*. Me mu n-chi i bǎmkpóngé wǎ nchi kyifen-Osówo ké Bǎmpém ḿbé Banong ḿbé ba/fím ne Osówo, ḿbé me mu n-sét ng banet. Eringe nyí banet ḿbé ba*fí banet-Jûs* ba/chi ba-kyú wǎ kyifen ńkyí kyidanyîn Osówo dyityém, ńkyí Busun-Osówo boo/kúng kángkáng bu-kye Osówo.

Hyíburus 13:16

*Da n̂g eráp echi kanong ne barî* ne barî echwáp* ké ebóng, ḿbyín nké mbyi byifen ḿbyí byidanyîn Osówo.

Jójis 9:9

Kyichí ánkyi kyi-faa kyi/fu, â n/fu, n-kyú u otu enen, m-man m-mîng bakút ebyí ḿbé badakúng ba-kye banet ne bakye ofê.