Nómba 15:3 - Bokyi Bible

³ O/fu, ba-man n ekúng otyép-mpong nang otyítǎm nang etám-ebû ebónge nang ebúbǔu ebónge ba-kye Óburúkpâbí wǎ kyifen ńkyí badashí kyirim-enyam kyimúmú, nang wǎ kyifen-Osówo echi ńkyí ocím etî mú ba/ryí Osówo, nang wǎ eyáré nyí e/nyîn ǒ ekye ké dyityém eyên, nang wǎ eyáré ekye ké nkéré ajî-byifen enen ḿbyí bamu ba-kyâ Osówo ofê. Kyinung ńkyí eyáré-byiryíng ḿbyín kyi-nyîn n Óburúkpâbí.

Nómba 15:3 Iomraidhean Croise

Jénésis 8:21

Kyinung-byěm-kyifen ánkyi kyi/nyîn Óburúkpâbí, ne o-raa ne byiko emen o/fu, ne banyá mm*ba/chi n-chîshú ejíí* ké bubwô ḿbú ńkyí onet odachi*. Me mu n-nyît ng n/fu, kyi-fím ké dyikwá emen, okabe emen o*fí kanong*. Mm*ba/chi n-chîju kángkáng byěm ḿbyí mbyi byi-kpen n ké ejíí* wǎ eringe nyí n/chi něen*.

Ézara 7:17

Yip akpuga ńnyín a-ré batyép-bampong ne etyítǎm ne bwǎn-etám-ebû ne esang-byichí ne bato a-kye ké kyikit-kyifen echi ńkyí kiǐtí-kyise-kyifen-Osówo echi ké Jerúsélem.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 54:6

Ô Óburúkpâbí, [me n/chi n-chi kyifen n-kye ǒ ké bunyîn-dyityém.] Me n/chi n-kó ǒ asǎma, ké nǎ, wo a/nwa dyityém.

Ézódos 29:18

Shí kyirim-otyítǎm ánkyi kyimúmú ké kyikit-kyifen echi wǎ kyifen-byiryíng. Kyinung ńkyí kyidafím ké kyifen ńkyín kyi-nyîn n mě.

Ézódos 29:25

Koo kâng byiryíng ámbyi ké abwô ebe a-shí kámbyí ké kyikit-kyifen echi. Twôom kámbyí ké kyifen ńkyí badashí kyirim kyimúmú, a-shí kámbyí a-kye mě wǎ kyifen-byiryíng. Kyinung ńkyí kyidafím ké kyifen ńkyín kyi-nyîn n mě.

Ézódos 29:41

Chi kyifen ké wǎn-ebû mú nnyinyěng ké dyikurúku, a-chi kánkyí ne ocím-filáwa obónge ne ocím-bakút obónge ne ocím-bato obónge wǎ kyifen ńkyí ké dyicófóróng. Ńkyín kyi/bwom wǎ kyifen-byiryíng ńkyí ba/chi ba-kye mě me Óburúkpâbí, ne kyinung emen kyi-nyîn n mě.

Lyívyítyíkus 10:13

Ryí n̂g kámú ké kyikit-ociring, ké nǎ, kyicê-byiryíng ámbyi nké byi/já běn ne bwǎn eyên ké byiryíng ḿbyí ba/chi kyifen ba-kye Óburúkpâbí. Éné nké Óburúkpâbí o/sét mě.

Lyívyítyíkus 27:2

byije ḿbyín o/fu, osét banet ḿbé Ézerel o/fu, â baa/kúng onet ba-kye Óburúkpâbí ké bubwô-kiǐtí-ocím mú onet o/ryí, onet ámu o-chî ng epá byiko emen â o/kye ocím-akpuga mún

Lyívyítyíkus 7:16

 onet o/bachi kyifen ńkyí okwáre ne Óburúkpâbí ké ocím mú o/mû o/ryí, nang eyáré nyí o/kye okyěng ké bunyîn-dyityém, â ba*da/ryí kánkyí kángkáng ké dyicí ándyi ńdyí odachi kyifen* ba-man n eryí ńkyí kyi/waa ké orî-dyicí.

Nómba 28:27

Chi n̂g kyifen-byirim-enyam eshí ńkyí kyidanyîn Óburúkpâbí kyinung, byisu-batyép-mpong byifee ne otyítǎm obónge ne bwǎn-etyítǎm káchâtkányi ḿbé baa/rí dyije. Byitú ḿbyín kángkáng byi*dachi byi-kyú ne kyinêm*.

Nómba 29:8

Chi n̂g kyifen-byirim-enyam eshí ńkyí kyidanyîn kyinung ba-kye Óburúkpâbí kyisu-otyép-mpong ne otyítǎm ne bwǎn-etyítǎm káchâtkányi ḿbé baa/rí dyije. Byitú ḿbyín kángkáng byi*dachi byi-kyú ne kyinêm*.

Nómba 6:15

Nyǐ o/chi o-yárê to kaakye-berêt mú ba*da/fé bukye ké mǔ o-mut* ne byirim-berêt ḿbyí ba/fé bakút-ólif ne bakye-okákárá ḿbé ba/sabe bakút-ólif ké mbé, o-kye to eyáré nyí esang-byichí ne bato.

Mátyuu 3:17

Ne ejá e-fím kyíbóng e-raa kâng e/fu, nyín něen wǎn ejí mú dyityém, mú dyityém ndyi dyi-nyîn n mě ne nyǐ kanong kanong.

2 Koríntyan 2:15

Ké ebóng, be byimu wǎ kyinung-burwan ḿbú Karâs mu o-yip ng o-chi kyifen o-kye Osówo, ńkyí nkyi kyi-káng ng kyi-câ ké burwám-banet ḿbé Osówo mu o-nyii ng kámbé ne ḿbé mbe ba-tánê e ba-câ.

2 Koríntyan 2:16

Ké burwám-banet ḿbé mbe ba-tánê e ba-câ, burwan ámbu mbu kámbé wǎ kyibî-chwǒm ńkyí kyidaju onet. Nké ké burwám-banet ḿbé Osówo mu o-nyii ng kámbé, mbu kámbé wǎ chwǒm ńkyí kyinong ńkyí kyidakye dyikpen. Yeě kâng mú odaman echi dyizong-bǎmkpóngé ńdyín.

Efyíshan 5:2

Akpen enen a-man a-kyú ké bubwô ḿbú kyijé ne barî-banet wǎ eringe nyí be byi/jê Karâs ne o-kye kyitông emen ké dyishí eten wǎ eyáré nyí kyifen echi nyí edanyîn kyinung ne kyifen to ńkyí kyidanyîn Osówo dyityém.

Dyitórónómyi 12:11

Óburúkpâbí o/chi o-cá kyikit kyibónge ńkyí ben bada ǎ ekûkye ofê, ne ké kyikit ánkyi nké ben ba/chi ba-bâ ne kángkáng byěm ḿbyí nn/sét běn ba-ba-kye ǎ, byifen enen ḿbyí badashí oshǐng ne byifen byikíri ne eyáré enen nyí badakyii ké byikit diǐkpú ne eyáré ekíri ne eyáré nyí dyityém, nyí ben baa/ryí Óburúkpâbí ocím.

Dyitórónómyi 12:17

Chwǒm nang kyirá nké ben ba/chi kyifen ba-kye Óburúkpâbí baa*man ba-ryí kánkyí ké byikit ḿbyí bamu ba-kyú u* nang eyáré-esang-byichí enen nyí badakyii ké byikit diǐkpú* nang bato enen* nang bakút-ólif enen* nang bambwôp kashú-bwǎn-bampong ne ebû enen* nang eyáré nyí ba/ryí Óburúkpâbí ocím* nang eyáré enen nyí eda běn efím ké dyityém* nang eyáré ekíri*.

Dyitórónómyi 12:6

Ké kyikit ánkyi nké ben ba/chi ba-kûchi byifen enen ḿbyí badashí oshǐng, ne byifen byikíri ne eyáré nyí badakúng kyikit kyibónge ké byikit diǐkpú ba-kye Óburúkpâbí ne eyáré ekíri nyí ben ba/ryí Óburúkpâbí ocím ne eyáré enen nyí dyityém ne bambwôp kashú-bwǎn-bampong ne ebû enen.

Fyilyípyan 4:18

Nyín kâng dyishí-nwet ńdyí dyi/bwom ké kángkáng byěm ḿbyí ben baa/kye mě. Byěm ámbyi bii/jê byi-shwôm ne eringe nyí me mu n-ryuu ng. Me mu ne kángkáng byěm ḿbyí mu n-ryuu ng, kántîk mú Epaforodátus oo/ba mě ekye kángkáng eyáré enen. Eyáré ńnyín nyi wǎ byěm ḿbyí byidanyîn kyinong ḿbyí badakye Osówo wǎ kyifen echi ńkyí nyǐ odakoo ne ńkyí kyida ǎ enyîn dyityém.