Nómba 13:3 - Bokyi Bible

^3-15 Músis o/chi ńkyí Óburúkpâbí o/sét ǎ o/fu, ochi, ne o/fîm banet-ashí ké kyikim-dyikán ńkyí Páran o-twóm. Mbé ba/mû něen. Ké kyikû-banet ńkyí Rúben, Shámwa mú wǎn-Záku nké o/mû onet-dyishí. Ké kyikû-banet ńkyí Syímyon, Sháfat mú wǎn-Hóryi nké o/mû onet-dyishí. Ké kyikû-banet ńkyí Júda, Kálep mú wǎn-Jéfúne nké o/mû onet-dyishí. Ké kyikû-banet ńkyí Ézaka, Égal mú wǎn-Josêf nké o/mû onet-dyishí. Ké kyikû-banet ńkyí Éferem, Hoshâ mú wǎn-Nûn nké o/mû onet-dyishí. Ké kyikû-banet ńkyí Běnjámin, Pálatyi mú wǎn-Ráfu nké o/mû onet-dyishí. Ké kyikû-banet ńkyí Zébélon, Gádyel mú wǎn-Sodyí nké o/mû onet-dyishí. Ké kyikû-banet ńkyí Manáse, Gadyí mú wǎn-Súse nké o/mû onet-dyishí. Ké kyikû-banet ńkyí Dǎn, Ámyel mú wǎn-Gemályi nké o/mû onet-dyishí. Ké kyikû-banet ńkyí Ásha, Sétu mú wǎn-Mákel nké o/mû onet-dyishí. Ké kyikû-banet ńkyí Nafatályi, Nábyi mú wǎn-Búfyishi nké o/mû onet-dyishí. Ké kyikû-banet ńkyí Gât, Gúwel mú wǎn-Mákyi nké o/mû onet-dyishí.

Nómba 13:3 Iomraidhean Croise

Nómba 10:12

ne banet-Ézerel ba-kpet bucen ebe, ba-dim ké kyikim-dyikán ńkyí kaku ńké Sána. Ófíbí ámu o/shû kyísí ké kyikim-dyikán ńkyí Páran.

Nómba 12:16

Mbé ba-dim kâng ké Házerot ba-da-bi oshê ké kyikim-dyikán ńkyí Páran.

Nómba 13:2

cá onet-dyishí obónge obónge ké byikû-banet ḿbyí banet-Ézerel diǐkpú ne byifee a-twóm kámbé wǎ banet-boǒfêp-esí ba-da-kyé kyikû kyi-kim ne esí nyí Kínan, nyí me mu n-kyâ banet-Ézerel.

Nómba 13:26

ba-kâm Músis ne Éron ne kángkáng banet ḿbé Ézerel ké oshê mú Kádyishi, ké kyikim-dyikán ńkyí Páran. Mbé ba/sét kyi-kim ne byěm ḿbyí mbé ba/ri, ne ba/tông kámbé byirim-byichí ḿbyí mbé ba/bê ne mbyí.

Nómba 32:8

Éné nké banchí enen ba/chi, ké nkéré n/twóm kámbé ké Kádyishi-Bánya n/fu, bada-kyé kyikû kyi-kim ne esí ányi.

Nómba 34:17

Elyǎza ne Jóshwa ba/chi ba-kyii esí ányi ba-kye banet-Ézerel.

Dyitórónómyi 1:19

Be byi/chi ńkyí Óburúkpâbí mú mu Osówo eten o/sét bě. Byi/dim ké kaku ńké Sána, byi-cen byi-shwôm kiimbâng ne kiinchi bushî-kyikim-dyikán ánkyi, ńkyí nkyi ké bukwóp ḿbú budajé esí-eku éku nyí banet-Ámórit. Ké nkéré mú byi/ribi Kádyishi-Bánya,

Dyitórónómyi 1:23

Okabe ámu o/mû mú onong, ne n-cá kâng banet ké kyikû-banet ké kyikû-banet ashí diǐkpú ne afee.

Dyitórónómyi 9:23

Ne ké nkéré mú nyǐ o/twóm běn ké Kádyishi-Bánya o/fu, ben baca ba-da-koo esí nyí nyǐ o/fu, nyǐ o-kyâ běn, ben baa/bírî bunwa ne nyǐ, ba*da/fé dyityém ne nyǐ* ba-kye ǎ ofê*.

1 Sámwel 25:1

Sámwel o/kpú, banet-Ézerel ba-bâ ashí amúmú ba-ba-tii ǎ. Ba-ryii ǎ ké Ryíma mú oshê emen. Nkéré mú ńkyí ánkyi kii/shwôm, Dívit o/dim o-jâ ké kyikim-dyikán ńkyí Páran.