Nómba 12:3 - Bokyi Bible

³ Músis o/mû onet mú o/mû o-tî ng byiko emen kyísí o-shwôm nang yeě ké ejíí.

Nómba 12:3 Iomraidhean Croise

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 147:6

Nyǐ mu o-bêem m banet ḿbé mbe degere kyíbóng. Nké mu o-shiryi ng bambên atyém o-fé [kyísí.]

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 149:4

Óburúkpâbí mu ké bunyîn-dyityém ne banet emen. Nyǐ mu o-kyâ banet ḿbé mbe degere ofê ké byití ekpógê.

Nómba 12:4

Ké abe ányi, Óburúkpâbí o-raa ne Músis ne Éron ne Myíryam o/fu, me mu n-ryuu ng běn ashí achât n/fu, bâ n̂g ké mpyep mú ndakyú. Mbé ba/ce.

Mátyuu 11:29

Koo n̂g dyitû ńdyí ejí ba-tû, ba-kwâa ne me, ké ebóng, me mu ne dyityém degere ne ofê. Ne ben ba/chi ba-já dyijâng.

Mátyuu 21:5

O/fu, sét n̂g oshê mú Záyon ba/fu, otu eyên mu o-bâ o-kâm ǒ kántîk. Nyǐ mu ne dyityém ńdyí degere, ne nyǐ o/yú ké kyisu-kaanyam-atû.

Mátyuu 5:5

Bunyîn-dyityém mbu ne banet ḿbé mbe degere ké bushú ḿbú Osówo, ké ebóng, mbé ba/chi ba-koo ńkyí Osówo oo/ryí ocím.

2 Koríntyan 10:1

Me Pôl nké mu n-tîm m běn arông me oyén. Me mú ba/fu, me n-kyú u ne dyityém degere ké nkéré ndakyú ne ben, nké nn*shî achi enen* ké nkéré n*fí to ne ben*. Me mu n-tîm m běn arông ké bubwô ḿbú budegere ne dyityém ecángê ńdyí Karâs n/fu,

2 Koríntyan 11:5

Me n*da/kabe n/fu, me mu kaǎdángé-onet nang kaǎnyín ké burwám-bachíchí-banet-kyitwóm-Jisos ḿbé enen ámbe*.

2 Koríntyan 12:11

Me mu n-chî ng eraa wǎ enyam-onet, nké ben nké baa/chi mě n-chi éné. Ben nké ba/mû ba/chi ba-kûraa kanong kyi-kim ne me. Ké ebóng, â nang n*fí onet* bukwóp bu*fí nang bubónge* ḿbú me ndakyú kaǎdángé-onet nang kaǎnyín* ké burwám-bachíchí-banet-kyitwóm-Jisos ḿbé enen ámbe*.

1 Tesalónyan 2:7

nang ké be byi/mû byi/chi byi-man běn ebí byěm wǎ banet-kyitwóm ḿbé Karâs*. Nké be byi/kúng byiko eten degere ké kyijé, ké nkéré be byi/mû ne ben. Byi/kyú ne kyijé ánkyi wǎ eringe nyí boné-wǎn odakyú ké nkéré o-kú o-nen n wǎn emen.

Jêmsyi 3:13

Onet mu kô ké burwám enen mú mu ne byinyídíng ne dyishí ńdyí odaman ejwo dí. Onet ámu otông kánkyí ké dyikpen emen ńdyí dyinong ké byěm emen ḿbyí nyǐ o/chi ne budegere ne byinyídíng.

1 Pyíta 3:4

Nké bunong enen bukyú ké kafâ-atyém enen nyí ntûntû. Bunong ḿbú dyityém ńdyí dyinong ne ńdyí degere, ḿbú boo*kâa* ḿbú mbu kiǐtí bu-shwôm ké bushú ḿbú Osówo.