Nómba 12:2 - Bokyi Bible

² Mbé ba-raa ba/fu, Óburúkpâbí oo/sét byěm [ké ocím mú] Músis nké nke dí. Nyǐ o*da/sét ne byěm [ké ocím mú] eten dí*. Óburúkpâbí o/jwo ńkyí mbé ba/raa.

Nómba 12:2 Iomraidhean Croise

Jénésis 29:33

O-chîkoo dyifít, o-fwon wǎn-onyinchéng okíri, o-fé ǎ dyizîn, Syímyon, o-raa o/fu, Óburúkpâbí nké o/chî mě ekye wǎn-onyinchéng mún, ké nǎ, oo/nyît o/fu, me n*fí n-jê ng otyép ejí*.

2 Sámwel 11:27

Nkéré mú oo/ta dyikán dyi-man, Otu Dívit o/twóm, Bashéba o-ba-jâ ké kyibám-butu. O-firi onyi emen, o-fwon ǎ wǎn-onyinchéng. Nké Óburúkpâbí dyityém dyi*da ǎ enyîn ké ńkyí Otu Dívit o/chi*.

2 Kyîng 19:4

Otu mú Asyírya oo/twóm onet-dyishí-basúja emen o-ba-shú Osówo mú mu okpó. Kyi/bát Óburúkpâbí mú mu Osówo eyên ojwo byishû ḿbyín o-kye banet ḿbé ba/shú ǎ busông. Ké bubwô-ámbu, fé nshwam a-kye Osówo ké bubwô-banet eten ḿbé ba/waa bakpó.

Ézódos 4:14

Ńdyí Músis o/raa ńkyín, kafâ ka-kpet esa Óburúkpâbí ne Músis, ne o-raa o/fu, Éron mú wǎn-boné eyên mú o/fím ké kyikû ńkyí Lyíva kâng. Me mu n-nyît ng n/fu, nyǐ o-man n eraa kyiraa kanong kanong. O-kú o-bâ ké bukwóp kántîk o/fu, nyǐ o-bâ ng ǒ ekâm, ne kyi/chi kyi-nyîn ǎ â o/ri ǒ.

Ézódos 4:30

Éron o-sét kámbé kángkáng byěm ḿbyí Óburúkpâbí o/sét Músis, ne Músis o-chi kángkáng akat ányi o-tông kámbé.

Ézódos 5:1

Ne Músis ne Éron ba-dim kâng ba-kâm otu mú Éjip, ba-sét ǎ ba/fu, Osówo Óburúkpâbí mú Ézerel o/sét o/fu, wo amîng banet emen ba-ca ké kyikim-dyikán ba-da-chi dyijî-kyifen ba-kye ǎ.

Ézódos 7:10

Ne Músis ne Éron ba-dim kâng kyikit-otu ba-da-chi eringe nyí Óburúkpâbí o/sét kámbé. Éron o/twóp ochí emen kyísí ké bushú-otu ne banet-ashí-oshê emen, o-bírî efyi.

Póróvep 13:10

Byiko etông byi-cen n ne afaníkong, kyi/nwa kyi-shwôm ńkyí adabí bacê.

Azáya 37:4

Otu mú Asyírya oo/twóm onet-dyishí-basúja emen o/fu, oba-shú Osówo mú mu okpó. Kyi/bát Óburúkpâbí mú mu Osówo eyên ojwo byishû ḿbyín, o-kye banet ḿbé ba/shú kámbyí busông. Ké bubwô ḿbún, fé nshwam a-kye Osówo ké bubwô-banet eten ḿbé ba/tôong bakpó.

Máka 6:4

Me n/fîm běn ba-byí ké Éjip, n-nyii běn ké búsóng. Me n/twóm Músis ne Éron ne Myíryam ba-tông běn kiǐfáng.

Nómba 11:1

Banet-Ézerel ba/kpet eshwôn ne Óburúkpâbí kyi-kim ne afaníkong ebe. Ké nkéré Óburúkpâbí o/jwo kámbé, kafâ ka/sa ǎ, ne nyǐ o-twóm kámbé bumang-okwâ. Okwâ ámu o-shí kámbé, o-bên dyishí-oshê dyibónge.

Nómba 11:29

Músis o-faa o/fu, orêm mu o-chi i ǒ kyi-kim ne me dí. Kyi/mû kyi-nyîn ne mě ńkyí Óburúkpâbí odakye kángkáng banet emen busa ḿbú Busun emen, o-chi kámbé ba-raa ne ejá kyíbóng kyíbóng wǎ bamkpábé ḿbé badasét byiraa-Osówo.

Nómba 12:3

Músis o/mû onet mú o/mû o-tî ng byiko emen kyísí o-shwôm nang yeě ké ejíí.

Nómba 16:3

Mbé ba/cibi kyikit kyibónge ké bushú-Músis ne Éron ba-sét kámbé ba/fu, ben baa/jang ekúng byiko enen kyíbóng ba-shwôm. Kángkáng banet ḿbé oshê mún ba/já Óburúkpâbí, ne Óburúkpâbí mu ne be kángkáng. Ebóng kyi/chi kâng, ǎ Músis, ńkyí wo aa/kúng byiko eyên a-shwôm burwám-banet ḿbé Óburúkpâbí.

Rúman 12:10

Kyú n̂g ne kyijé ńkyí kyinong ne barî, wǎ eringe nyí bwǎn-bané ké ocibi ne Karâs badakyú ne barî. Kyú n̂g ne bunyîn-dyityém ḿbú badakabe ba/fu, orî-onet o/kwárê mú bada ǎ ekye ofê a-shwôm byiko eyên.

Rúman 12:3

Ké ebóng, ké bubwô-eyáré nyí Osówo, nyí kanong emen, nyí o/kye mě, me mu n-sét ng běn ashí kángkáng n/fu, *da n̂g echi ba-kúng byiko enen kyíbóng kyíbóng ba-shwôm eringe nyí ben bamu*. Nké kû n̂g ekabe okabe mú degere. Nang yeě ké burwám enen opan byiko emen mpan kyi-kim ne eringe nyí Osówo o/kye ǎ busa ḿbú dyityém efé ne nyǐ.

Fyilyípyan 2:14

Chi n̂g kángkáng byěm baa*rime ké kyitông* ba-kán nang ké dyishí ne barî*

Fyilyípyan 2:3

*Da n̂g echi chwǒm nang kyibónge ne okabe mú badakye byiko enen* mú byiko etông*. Nké kúng n̂g byiko enen kyísí ne barî, ba*dachi ba-kûkabe ba/fu, me n/cángê n-shwôm banet ḿbé áku*.

1 Pyíta 5:5

Ké dyizong-bukwóp ámbu bubónge, ben ḿbé bwǎn-byisat ba-man ba-jwâa byiko enen kyísí ba-kye banyinchéng ḿbé baa/kán. Ben to kángkáng ba-man ba-fé budegere ké byiko wǎ kyídí-bǎmkpóngé, ḿbú badabángê barî byitwóm. Ké nǎ, ejá-Osówo nyí ba/sáng kyísí e/fu, Osówo o-nwa ng ne ntông byiko. Nké mu o-kyâ onet mú mu degere ochwâp.