Nómba 11:2 - Bokyi Bible

² Banet-Ézerel ba-tii ba-kó Músis ba/fu, ochwáp kámbé. Músis o-fé nshwam o-kye Óburúkpâbí, ne okwâ o-ríbî.

Nómba 11:2 Iomraidhean Croise

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 106:23

Ké nkéré Osówo o/fu, nyǐ o-ju ng banet emen, Músis mú mu ḿgbán mú nyǐ o/cá, o/bwom bushwôn ne Osówo, o*da/bángê kafâ ńké ka/mû ka-sa ng Osówo ka-ju kámbé*.

Ézódos 10:18

Músis o-dim o-mîng otu o-da-fé nshwam o-kye Óburúkpâbí.

Ézódos 34:9

O-raa o/fu, Óburúkpâbí, â wo ké ntûntû nkyi kyi-nyîn n ǒ ne me, me mu m-bí ng ǒ n/fu, ca ne be ké kyikû. Banet ḿbén ba-shwane e ashí, nké pwoo bě ké byibî eten, a-koo bě wǎ banet eyên.

Azáya 37:4

Otu mú Asyírya oo/twóm onet-dyishí-basúja emen o/fu, oba-shú Osówo mú mu okpó. Kyi/bát Óburúkpâbí mú mu Osówo eyên ojwo byishû ḿbyín, o-kye banet ḿbé ba/shú kámbyí busông. Ké bubwô ḿbún, fé nshwam a-kye Osówo ké bubwô-banet eten ḿbé ba/tôong bakpó.

Jeryimáya 15:1

Óburúkpâbí o/raa kâng ne me o/fu, nang Músis ne Sámwel nké ba/mû ba/bwom nyín mbe ba-tîm m mě arông, mm*ba/chi n-ri banet ḿbén bafip*. Ró kámbé ba-dim. Ró kámbé ba-dim mě ké bushú.

Jeryimáya 37:3

Otu Zedekyâ o-twóm Jehúkal mú wǎn-Shelemyâ ne nchi kyifen-Osówo mú odabángê Zefanyâ mú wǎn-Masáya o/fu, baba-sét mě n-fé nshwam n-kye Osówo Óburúkpâbí eten ké bubwô ḿbú oshê eten.

Jeryimáya 42:2

ba-ba-sét mě ba/fu, kamgbe, chi ńkyí byimu byi-bí ng ǒ byi/fu, chi. Fé nshwam a-kye Osówo Óburúkpâbí eten ké bubwô eten. Fé kámú ké bubwô ḿbú be ashí amúmú mú bii/fem bukyû. Be byi/mû byi/jê chwóó, nké kántîk byi/firi boǒnyín, wǎ eringe nyí wo amu a-ri ng.

Nómba 12:11

Éron o/raa ne Músis o/fu, kamgbe, bonchí, *da bě echi byi-ri busông ḿbún ké bubwô-enyam-kyibî eten*.

Nómba 12:13

Músis o-tii kâng o-kó Óburúkpâbí o/fu, ô Osówo, chi ǎ o-nyange.

Nómba 21:7

Banet-Ézerel ba-bâ ba-kâm Músis ba-raa ba/fu, be byi/chi kyibî ké nkéré byi/shwôn ne Óburúkpâbí ne wo. Kántîk, fé nshwam a-kye Óburúkpâbí o-kúng efyi ńnyín e-dim. Músis o-fé kâng nshwam ké bubwô-banet-Ézerel.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 8:24

Sámon o-raa ne Pyíta ne Jǒn o/fu, fé n̂g nshwam ba-tîm Osówo arông ba-kye mě, eringe nyí byěm ḿbyí a/raa ne me něen bii*ba/chi byi-chi mě*.

Hyíburus 7:26

Jisos kâng nké mu otu-nchi kyifen-Osówo mú o/kwárê bě kanong kanong. Nyǐ mu kanong ké bushú-Osówo. Nyǐ o*fí ne ébîn* nang kyibî ké byiko emen*. Nyǐ Osówo oo/cá ǎ ké burwám ḿbú banchi byibî ne oo/yip ǎ o-tî kyíbóng kyíbóng.

Jêmsyi 5:16

Ké bubwô ámbu kâng, sét n̂g barî byibî enen, ba-fé nshwam ba-kye Osówo ké bubwô-bánen, eringe nyí Osówo o/chi o-chi běn ba-nyange. Nshwam mú onet mú mu o-chi i kanong mu ne kiǐtí-busa ké byěm echi.

1 Jǒn 5:16

 onet nang orá o/ri wǎn-boné emen o/chi kyibî ńkyí kii*ju busun* onet ámu ofé nshwam o-kye Osówo mú o/chi o-kye wǎn-boné emen ámu dyikpen. Ńkyín kyi/kim ne banet ḿbé byibî ebe byi*fí ḿbyí byidaju busun*. Nké kyibî nkyi kô ńkyí kyidaju busun. Me n*fí n-raa ng n/fu, ben fé n̂g nshwam ba-kye Osówo kyi-kim ne nkyí*.