Nómba 11:12 - Bokyi Bible

¹² Me n*da/mee kámbé* n-fwon nang kámbé*. Ebóng ńkyí wo amu o-fu ng a/fu, me nkyú wǎ nnen bwǎn, n-kûyip kámbé ké abwô ejí wǎ bwǎn-bajújwô, tete m-byí ké esí nyí wo a/ryí banchí eten ḿbé kpákpá ocím.

Nómba 11:12 Iomraidhean Croise

Jénésis 13:15

Me n/chi n-kye ǒ ne bwǎn eyên kángkáng esí nyí amu a-ri ng. E/chi e-kyú nyí enen ne banyá.

Jénésis 24:7

Óburúkpâbí mú mu Osówo mú kyíbóng nké o/fím ne me ké kyise ńkyí bonchí ejí ne ké esí nyí bwǎn-bané ejí, ne o/ryí mě ocím shwaneshwane o/fu, nyǐ o-kyâ kyikû-banet ejí esí ńnyín. O/chi o-twóm orím emen mú onong o-ca ǒ kashú eringe nyí adaman ebé onyi áku a-ba-kye wǎn ejí.

Jénésis 26:3

Kyú nyín, me n/chi n-kyú ne wo n-jware ǒ. N/chi n-kúng esí ńnyín kángkáng n-kye ǒ ne bwǎn eyên. N-tî ng ocím ejí mú n/ryí ne Ébarahâm mú bonchí eyên.

Jénésis 50:24

O-sét bwǎn-bané emen o/fu, me n-kú m-bâ ekpú, nké Osówo o-man o-tún běn, o-kpî běn ba-byí ké esí ńnyín ba-jâ ké esí nyí o/ryí Ébarahâm ne Ázik ne Jekôp ocím mú oo*ba/chi o-bên*.

2 Kyîng 10:1

Bajam-banet ḿbé kyikû-banet ńkyí Otu Éhap ba/mû bachât esim diǐkpú ḿbé ba/mû ba-kyú u ké oshê mú Samérya. Otu Jéhu o/sáng léta o-kye banet ḿbé ba/mû ba-tún n [oshê ámu] ne biǐtí-banet-oshê ámu ne banet ḿbé ba/mû ba-tún n kyikû-banet ńkyí Otu Éhap. O/sáng léta ámu něen o/fu,

2 Kyîng 10:5

Ké bubwô ámbu, onet-dyishí-kyibám-otu ne onet-dyishí-oshê cibicibi ne biǐtí-banet-oshê ne banet ḿbé mbe ba-tún n kyikû-banet-otu ba-twóm ejá ńnyín e-kâm Otu Jéhu ba/fu, be byi-chi i bǎmgbán eyên ne bii/kpá byiko ḿbyí byidachi nang ebóng chwǒm ńkyí wo a/sét. Nké bii*ba/chi byi-kúng onet nang obónge butu*. Chi nang ebóng chwǒm ńkyí wo a/kabe a/fu, kyi/nwa kyi-shwôm.

Ézódos 13:11

Óburúkpâbí o/chi o-kúng běn o-bâ ne ben ké esí nyí banet ḿbé Kínan, nyí o/ryí běn ne banchí enen ḿbé kpákpá ocím o-sem byiko emen. Ké nkéré mú oo/kye běn kányí,

Ézódos 13:5

Óburúkpâbí o/ryí banchí enen ḿbé kpákpá ocím mú o/sem byiko emen o/fu, nyǐ o-kyâ běn esí nyí banet ḿbé Kínan ne ḿbé Hyítat ne ḿbé Ámórit ne ḿbé Hyíbit ne ḿbé Jébus. Ké nkéré mú oo/yip běn o-ca ne ben ké esí ányi nyí edajang enwa byiryíng, ben ba-man ba-kûchi dyijî ńdyín, ké mbwôp kashú-otukáku mú kángkáng dyije.

Ézódos 33:1

Óburúkpâbí o/sét Músis o/fu, dim ké kyikit ńkyín, wo ne banet ḿbé a/kpî kámbé ba-byí ké Éjip, ba-wâa ké esí nyí n/ryí ocím n/fu, n-kyâ Ébarahâm ne Ázik ne Jekôp ne bwǎn ebe.

Ézódos 6:8

Me n/chi m-bâ ne ben ké esí nyí n/ryí Ébarahâm ne Ázik ne Jekôp ocím mú n/sem byiko ejí n/fu, n-kyâ kámbé, ne n/chi n-kye běn kányí e-já běn. Me n-chi i Óburúkpâbí.

Azáya 40:11

O/chi o-kûtún banet emen wǎ mbâm ebû. O/chi o-kpaa boǒbwán-ebû o-tî kyikit kyibónge, o-yip kámbú o-fé ké abwô, o-kpî bané ebe degere o-fyi ne mbé.

Azáya 49:15

Ne Óburúkpâbí kâng o-faa o/fu, onyinyi o-man n eráp wǎn mú emen nyǐ oyén dí, oo*kyú to ne kyijé ne wǎn mú o/fwon*? Â nang onyinyi o-man n eráp wǎn emen, me mm*man běn eráp ne banyá*.

Azáya 49:23

Batu ba/chi ba-firi běn wǎ banchí. Banyi-batu ba-firi běn wǎ bané. Mbé ba/chi ba-tíngê kyísí kyísí ké bushú enen ba-kye běn ofê. Ba-kúng byiko ebe kyísí kyísí ba-kye běn ofê. Ányi nké ba/chi ba-nyît ba/fu, me n-chi i Óburúkpâbí. Onet o*fí mú mu o-bám m ochwâp ejí* mú oo*ba/chi o-ri kámú*.

Ezékyel 34:23

Me n/chi n-kye kányí otu wǎ Otu Dívit mú ḿgbán ejí, o-kyú kányí mbâm ebû obónge ne nyǐ o/chi o-kûtún kányí.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 10:11

Me n-chi i mbâm ebû mú onong. Mbâm ebû mú onong o-bángê e kyitông emen ekye ké dyishí-ebû emen.

1 Koríntyan 4:15

Ké ebóng, â nang ben ba/mû ne égot-banet nyí ee*nwa epan* nyí e/firi wǎ banchí enen ké dyikpen enen, ké ocibi ne Karâs, ben bamu ne bonchí obónge nké nke. Ké ebóng, ké dyikpen enen, ké ocibi ne Karâs, me n/firi bonchí enen ké Bǎmpém ḿbé Banong ḿbé m/ba běn esét.

Galíshan 4:19

Bwǎn-dyityém ejí, n-chî ng ejwo dyizong-bubân ḿbú onyinyi mú o-kú o-fwon n wǎn odajwo ké dyishí enen tete dyityém ńdyí Karâs dyi-nung běn ké byiko kanong kanong.

Dyitórónómyi 1:31

ne ké kyikim-dyikán. Ben ba/ri eringe nyí o/kúng běn, chwǒm kyi*da běn echi* ké kyikim-nkéré kyimúmú tete ba-ribi ké kyikit ńkyín, wǎ eringe nyí bonchí odakúng wǎn emen.

1 Tesalónyan 2:7

nang ké be byi/mû byi/chi byi-man běn ebí byěm wǎ banet-kyitwóm ḿbé Karâs*. Nké be byi/kúng byiko eten degere ké kyijé, ké nkéré be byi/mû ne ben. Byi/kyú ne kyijé ánkyi wǎ eringe nyí boné-wǎn odakyú ké nkéré o-kú o-nen n wǎn emen.