Nómba 11:10 - Bokyi Bible

¹⁰ Músis o/jwo kángkáng banet ké ba/bwom ké azu ké azu mbe ba-shwôn n ne Óburúkpâbí ké ecím-afyi-bampyep ebe. Kyi*da/nyîn Músis* ké nǎ, Óburúkpâbí o/mû o-sa ng kafâ ne mbé.

Nómba 11:10 Iomraidhean Croise

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 106:25

Mbé ba/kyú ké bampyep ebe ḿbé badabi ké kyídí ba-rime ké kyitông, ba-né ejwo Óburúkpâbí.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 139:21

Ô Óburúkpâbí, â a/ri eringe nyí banet ḿbé wo amu a-sa ng kámbé kafâ mbe ba-sa ng mě kafâ. Â a/ri eringe me mu n-né ng banet ḿbé mbe ba-bírî ng bunwa ne wo.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 78:21

Ne ké bubwô ámbu, kafâ ka/sa Óburúkpâbí ké nkéré o/jwo kámbé. Nyǐ o/rim bunwa ne mbé, ne bumang-okwâ ne kafâ emen esa ne mbé ka-jê ojéng.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 78:59

Ka/sa Osówo ké nkéré o/ri kánkyí. Ké bubwô ámbu, nyǐ o/né banet emen kángkáng.

Azáya 5:25

Kafâ nke ka-sa ng Óburúkpâbí ne banet emen, ne oo/tan bubwô emen ḿbú odakye kámbé busông. Eku e/chi e-náng, ne byikwóm-enyam-byiko-banet ḿbé ba/chi ba-kpú byi/chi byi-waa ké byiká-oshê wǎ abîng. Nang ńkyín kyi-chi, kafâ esa ńké Óburúkpâbí kaa*ba/chi ka-man* ne o-chî ng etan bubwô emen o-kye kámbé busông.

Jeryimáya 17:4

Ben ba/chi ba-dim ba-mîng esí nyí n/kye běn, ne n/chi n-chi běn ba-firi ké bubwô ḿbú banet-bushwôn enen ké esí nyí ben baa*nyît* ké nǎ, busa-dyityém ejí mbu wǎ okwâ, ne bu/chi bu-mang ne banyá.

Nómba 11:1

Banet-Ézerel ba/kpet eshwôn ne Óburúkpâbí kyi-kim ne afaníkong ebe. Ké nkéré Óburúkpâbí o/jwo kámbé, kafâ ka/sa ǎ, ne nyǐ o-twóm kámbé bumang-okwâ. Okwâ ámu o-shí kámbé, o-bên dyishí-oshê dyibónge.

Nómba 11:11

Ne Músis o-raa ne Óburúkpâbí o/fu, ebóng ńkyí wo a/chi kyi-bên kanong kanong ne me. Ebóng amu a-sa ng kafâ ne me. Ebóng kyi/chi ne a-kye mě bǎmkpóngé ḿbé banet ḿbén kángkáng etún.

Nómba 12:3

Músis o/mû onet mú o/mû o-tî ng byiko emen kyísí o-shwôm nang yeě ké ejíí.

Nómba 12:9

Óburúkpâbí o/mû o-sa ng kafâ ne mbé, ne ké bubwô ámbu, ké nkéré mú nyǐ o/dim,

Nómba 16:27

Mbé kâng ba-dim ké boompyep ḿbú Kóra ne Datân ne Ábyíram ba-bwom cát. Datân ne Ábyíram ba/mû ba/byí kyíjí, ne ba/mû ba/bwom ké ocím-dyifyi mú boompyep ebe ne banyi ebe ne bwǎn ebe.

Nómba 21:5

ne mbé ba-kûshwôn ne Óburúkpâbí ne Músis. Mbé ba/raa ba/fu, ebóng ńkyí a/fîm bě ké Éjip a/fu, byiba-kpú ké kyikim-dyikán ńkyín, ńkyí byiryíng nang omu byi*fí*. Be bii*man to eryí byibî-byiryíng ḿbyín*.

MÂK BǍMPÉM ḾBÉ BANONG KYI-KIM NE JISOS KARÂS ERINGE NYÍ MÂK O/SÁNG 10:14

Ké nkéré mú Jisos o/ri ńkyí bǎmgbán emen mbe ba-chi i, kyi/sa ǎ. Ne o-raa ne bǎmgbán emen o/fu, mîng n̂g ḿbé boǒbwásíng ba-bâ ba-kâm mě. *Da n̂g echîku kámbé* ké nǎ, banjware ḿbé Butu ḿbú Osówo ba/já banet ḿbé mbe wǎ boǒbwásíng ḿbún.

MÂK BǍMPÉM ḾBÉ BANONG KYI-KIM NE JISOS KARÂS ERINGE NYÍ MÂK O/SÁNG 3:5

Jisos o-pín achi o-tún kámbé ne kafâ esa. Nké byiko to byi/waa ányi byi-kpú ǎ ne mbé, ké ebóng, mbé ba/mû ba-jang ng eshwane ashí, nang chwǒm to ba*fí ba-nyît ng*. Ne Jisos o-raa kâng ne onyinchéng ámu mú bubwô emen bu/nyîim o/fu, nabe bubwô eyên. Onyinchéng ámu o-nabe kámbú, ne bu-waa ányi bu-firi kanong wǎ eringe nyí bu/mû ǎ kpákpá.

Dyitórónómyi 32:22

Kafâ esa ejí ka/chi ka-mang wǎ okwâ ka-shí kángkáng byěm ké ejíí. Ka/chi ka-ribi ké oshê-bakúsí, ka-shí byikû-eku.