Nómba 11:1 - Bokyi Bible

¹ Banet-Ézerel ba/kpet eshwôn ne Óburúkpâbí kyi-kim ne afaníkong ebe. Ké nkéré Óburúkpâbí o/jwo kámbé, kafâ ka/sa ǎ, ne nyǐ o-twóm kámbé bumang-okwâ. Okwâ ámu o-shí kámbé, o-bên dyishí-oshê dyibónge.

Nómba 11:1 Iomraidhean Croise

Jénésis 38:10

Ńkyí Ónan o/chi éné kyi*da/nyîn Óburúkpâbí* ne o-ju ǎ to.

2 Sámwel 11:27

Nkéré mú oo/ta dyikán dyi-man, Otu Dívit o/twóm, Bashéba o-ba-jâ ké kyibám-butu. O-firi onyi emen, o-fwon ǎ wǎn-onyinchéng. Nké Óburúkpâbí dyityém dyi*da ǎ enyîn ké ńkyí Otu Dívit o/chi*.

2 Kyîng 1:12

Elája o-faa o/fu, â me n-chi i onet-Osówo, okwâ ofím kyíbóng o-ba-ju ǒ ne banet eyên. Ké abe ányi, okwâ mú Osówo o-shû kyísí o-ba-ju onet-dyishí-basúja ámu ne banet emen.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 1:16

Ne nyǐ o-kûman ńkyí nyǐ o-sét ng, ḿgbán okíri o/ribi, mú o/sét ǎ o/fu, kasabang ka/kédê ké ebû eyên ne bambâm ebû eyên, ka-ju kámbé kángkáng. Me kǎnchí nké n/fem, n/fu, m-bâ ng ǒ esét.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 106:18

Okwâ o/mang banet ḿbé ba/mû ne mbé ké kyikû, o-shí byibî-banet ámbyi kángkáng.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 78:21

Ne ké bubwô ámbu, kafâ ka/sa Óburúkpâbí ké nkéré o/jwo kámbé. Nyǐ o/rim bunwa ne mbé, ne bumang-okwâ ne kafâ emen esa ne mbé ka-jê ojéng.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 78:63

Ba-ju byisu-banyinchéng ké byití ne byisu-banyinyi ba-waa, onet mú odabé kámbé o*fí*.

Ézódos 16:7

Ké dyicófóróng, ben ba/chi ba-ri busan ḿbú ragerage ḿbú Óburúkpâbí. Nyǐ oo/jwo byěm ḿbyí ben bamu ba-bîn n ǎ, ké nǎ, be byimu byi-chi i ńkyí nyǐ oda bě esét.

Ézódos 16:9

Músis o-sét Éron o/fu, sét kángkáng banet ba-ba-bwom ké bushú ḿbú Óburúkpâbí, ké nǎ, oo/jwo ńkyí mbe ba-bîn n ǎ.

Azáya 10:17

Osówo mú mu kiinwángé ńkyí Ézerel o/chi o-bírî okwâ. Osówo mú Ézerel mú mu onong o/chi o-bírî bumang-okwâ mú odakúng dyicí dyibónge o-shí kángkáng byěm wǎ byiwong.

Azáya 30:33

Ké nkéré mú o/shwôm ké esim chwóó, ba/tî kyikit ńkyí badawóngê kiǐkâp-okwâ ńkyí badashí [otu mú Asyírya.] Kyikit ánkyi kyi/ríbî kyi-rêe ne kiǐzú-ekwón nyáám. Óburúkpâbí nké odatuu bufú-okwâ ké nkyí ne kyi-koo bumang.

Azáya 33:14

Banet-byibî ḿbé Záyon ba-kú ba-tím m banê ne bushî. Mbe ba-raa ng ba/fu, mpan mú Osówo mu wǎ okwâ mú odamang ne banyá. Onet mu kô mú odaman efem dyizong-okwâ ándyi?

Lamantéshan 3:39

Be byi*fí ne bukwóp ḿbú byida ǎ ebîn* ké nkéré baa/kye bě busông ké bubwô-byibî eten*.]

Ezékyel 20:36

Óburúkpâbí mú mu Otu Kyítá o-raa o/fu, kántîk, me n/chi n-két mpan o-bên běn wǎ eringe nyí n/két mpan o-bên banchí enen ké kyikim-dyikán ńdyí Sána.

Lyívyítyíkus 10:2

Óburúkpâbí o-waa ké abe ányi o-twóm okwâ o-shí kámbé ba-kpú ké bushú emen.

Náhum 1:5

Eku nyí nyáám e-náng ng, nyí kyísí e-sámê ké bushú ḿbú Óburúkpâbí. Esí e-náng ng â Óburúkpâbí o/ribi, ejíí ne kángkáng banet emen e-tím m banê.

Habákuk 3:5

O-twóm m byirwóm byi-bwóp ǎ kashú, o-kye bukyû busa bu-bâ ǎ ké kyikû.

Nómba 10:33

Ké nkéré banet-Ézerel ba/dim ké kaku ńké Sána, ńké ka/já Óburúkpâbí, mbé ba/cen bucen ké ací achât. Mkpukpu-byěm-Óburúkpâbí o/ce kámbé kángkáng nkéré eringe odakyé kyikit o-tî kámbé ńkyí mbé badabi oshê.

Nómba 11:18

Kántîk, sét banet-Ézerel a/fu, soo n̂g byiko enen ké bubwô-dyicí ńdyí nencí. Ben ba/chi ba-já enyam nyí ben badaryí. Óburúkpâbí oo/jwo bukyû enen ḿbú bamu ba-tii ng, ba-raa ng ba/fu, kyi/mû kyi-kyú u kanong â ben ba/mû ba-ri ng enyam nyí ben badaryí, ne ben ba/fu to, kyi/mû běn kanong ké nkéré ben ba/mû ké Éjip. Kántîk, Óburúkpâbí o/chi o-kye běn enyam, ne ben ba-man ba-ryí kányí.

Nómba 12:2

Mbé ba-raa ba/fu, Óburúkpâbí oo/sét byěm [ké ocím mú] Músis nké nke dí. Nyǐ o*da/sét ne byěm [ké ocím mú] eten dí*. Óburúkpâbí o/jwo ńkyí mbé ba/raa.

Nómba 14:2

Mbé ba-kûshwôn ne Músis ne Éron ba/fu, kyi/mû kyi/chi kyi-nwa kyi-shwôm ńkyí byi/mû byidakpú ké Éjip, nang nyín ké kyikim-dyikán.

Nómba 14:22

banet ḿbén baa*kpen mú mbé badaribi ké esí ányi*. Mbé baa/ri busan ḿbú ragerage, ḿbú bu/fím ké bushú ejí ne akat-byěm ḿbyí me n/chi ké Éjip ne ké kyikim-dyikán, nké mbé baa/kan kampén kampén ba/fu, kasa mě, ne mbé baa/né echi ńkyí n/fu, bachi.

Nómba 14:27

bambên atyém-banet ḿbén ba-shwôn n ne me ka-rí nǎ. Me nn/jwo ńkyí mbe ba-shwôn n něen ne me kyi-kwárê.

Nómba 14:28

Kántîk, sét n̂g kámbé ńkyín ba/fu, me n/ryí ocím n-sem dyizîn ejí n/fu, ké ntûntû, wǎ eringe nyí me mu okpó, me n/chi n-chi běn dyizong dyibónge kerededet ne ńkyí ben ba/bí. Me Óburúkpâbí nn/raa.

Nómba 16:11

 ben bamu ba-shwôn n ne Éron, Óburúkpâbí ké ntûntû nké wo ne banet eyên bamu ba-bírî ne bunwa ne nyǐ.

Nómba 16:35

Óburúkpâbí kâng o-twóm okwâ mú o/mang o-shí kángkáng égot-banyinchéng ámbe ebónge esim-bajam bafee esim diǐkpú ḿbé ba/shí burwan ámbu.

Nómba 17:5

Ochí mú onet kâng mú me nn/cá ǎ, o/chi o-tím byicat. Ké bukwóp ḿbún, me n/chi n-chi bushwôn ḿbú banet-Ézerel ḿbén mbe ba-shwôn n ne me bu-man.

Nómba 21:5

ne mbé ba-kûshwôn ne Óburúkpâbí ne Músis. Mbé ba/raa ba/fu, ebóng ńkyí a/fîm bě ké Éjip a/fu, byiba-kpú ké kyikim-dyikán ńkyín, ńkyí byiryíng nang omu byi*fí*. Be bii*man to eryí byibî-byiryíng ḿbyín*.

1 Koríntyan 10:10

Be bii*man byi-kûshwôn ne nyǐ* wǎ eringe nyí banet ebe bakíri ba/mû ba/chi* ne Orím mú Bukyû o-ju kámbé*.

Dyitórónómyi 25:18

Mbé ba*da/shî Osówo* ne ké bubwô ámbu, mbé ba/byí běn ké esim ba-kye běn bunwa ké nkéré mú baa/kyee asa a*fí běn to* ba-ju banet ḿbé ba/ryí esim.

Dyitórónómyi 32:22

Kafâ esa ejí ka/chi ka-mang wǎ okwâ ka-shí kángkáng byěm ké ejíí. Ka/chi ka-ribi ké oshê-bakúsí, ka-shí byikû-eku.

Dyitórónómyi 9:22

Ben to ba/chi Óburúkpâbí mú mu Osówo enen o-sa kafâ ké nkéré ba/mû ké Tábéra, ne ké Mása, ne ké Kyíbot-Hátaba.

Hyíburus 12:29

Ké ebóng, ké ntûntû, Osówo mú eten o-chi i okwâ mú odashí byěm.

Jêmsyi 5:4

Ben ba*da/kye ne banet ḿbé mbe ba-chi i běn bǎmkpóngé ké akán-byifát enen akpuga ebe*. Jwo n̂g ejá nyí busa-dyityém ebe nyí mbe ba-sét ng běn. Ekyû nyí banet ḿbé mbe ba-chi i běn bǎmkpóngé ḿbé byíkwôn ewuri ba-fâ ké bankám mbe ba-tii ng, ee/ribi ké atông nyí Otu Kyítá mú kángkáng busa.

JÛT LÉTA MÚ JÛT O/SÁNG 1:16

Banet ḿbén kángkáng nkéré mbe ba-rime e ké kyitông ba-bîn n barî-banet. Mbé mbe ba-chi i byěm ḿbyí byibî-ekabe ebe e/fu, bachi. Mbé mbe ba-kpee ng byiko ebe, ba-nîm m banet bakíri ké akpee ekye, eringe nyí mbé badajá bukwóp ḿbú ebe.