Nómba 10:9 - Bokyi Bible

⁹ Ké nkéré ba-kú ba-nwa ng byití ké esí enen, ba-ku ng byiko enen ké abwô nyí banet-bushwôn enen ḿbé mbe ba-kyâ běn bunwa, jwá n̂g biintán ḿbyín wǎ ekap nyí byití eróng. Me Osówo Óburúkpâbí enen n/chi n-zîim běn n-nyii běn ké abwô nyí banet-bushwôn enen.

Nómba 10:9 Iomraidhean Croise

Jénésis 8:1

Osówo o*da/ráp Núwa ne enyam nyí e/mû ne nyǐ ké ńsukyíkang*. O/chi bufú bu-tugi, omu o-kpet enúng.

2 Korónyíkil 13:12

Osówo oyén mu bě onet-dyishí, ne banchi kyifen emen baa/kpá byiko nyín ne biintán ḿbyí badajwá ba-kó bě byi-nwa byití ne ben. Banet-Ézerel, *da n̂g enwa ne Osówo Óburúkpâbí mú banchí enen ḿbé kpákpá*. Ben baa*man ekpógê*.

2 Korónyíkil 13:14

Banet-Júda ba-bírî achi ba-ri ba/fu, baa/wâng kámbé. Mbé ba-tii ba-kó Óburúkpâbí ba/fu, ochwáp kámbé, banchi kyifen-Osówo ba-jwá biintán.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 106:4

Óburúkpâbí, *da mě eráp* ké nkéré a-kú a-chwáp ng banet eyên*. Cibi mě ne mbé ké nkéré a-kú a-nyii ng kámbé.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 106:42

Banet-bushwôn ebe ba/cít kámbé, ne ba/mû ba/firi ké busa ebe ké kángkáng byěm.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 136:23

Nyǐ o*da bě eráp* ké nkéré mú ba/kpógê bě* ké nǎ, kyijé emen nkyi ne banyá.

Azáya 18:3

Nang yeě mú mu o-kyú u ké ejíí, ofwôo atông o-jwo. Kû n̂g etî achi ké ekap-byití nyí ba/chi ba-tông kyíbóng-eku. Fwôo n̂g atông ba-jwo ntán mú ba/chi ba-jwá.

Azáya 58:1

Óburúkpâbí o/raa o/fu, wonge eringe nyí badaman ewonge kakân. Sét banet ejí ḿbé Ézerel kyi-kim ne byibî ebe.

Jeryimáya 4:19

Me n*fí m-man n ecíp bafip ejí*. Dyityém ejí ndyi dyi-kíbî ng mě byiryibyiryi. Mm*man ecíbî pyêp*. Me mu n-jwo ng bantán ne awonge nyí byití.

Jeryimáya 4:21

Ka-rí i nǎ ne me m-mîng byití ḿbyín eri ne bantán ḿbén ejwo.

Jeryimáya 4:5

Jwá n̂g ntán ké esí emúmú. Wonge ê ne ejá kyíbóng kyíbóng, ba-sét banet ḿbé Júda ne Jerúsélem ba/fu, bachêe ba-da-rem ké eshê nyí nyi ne byikit ḿbyí badabwom ba-nwa byití.

Jeryimáya 49:2

Nké nkéré mu o-bâ mú n/chi n-chi banet ḿbé mbe ké dyityém-oshê ńdyí Rába ba-jwo kyicoge-byití, ne ba/chi ba-bú kámú, ba-shí kámú kángkáng. Banet ḿbé Ézerel kâng ba/chi ba-koo esí ebe ké abwô nyí banet ḿbé ba/mû ba/koo kámbé kányí.

Jeryimáya 6:1

Banet-kyikû-banet ńkyí Běnjámin, chêe n̂g eringe nyí badafem. Chêe n̂g ké Jerúsélem. Jwá n̂g ntán ké Tékwa, ba-tî ekap-byití ké Bét-Hákerem, ké nǎ, kyibî ńkyí kyi/chi kyi-bên byěm chwóó nkyi kyi-fím m bushûyû kyi-bâ.

Jeryimáya 6:17

Óburúkpâbí kâng o-fîm banet-mbâm o/fu, bakûfwôo atông ké ntán mú o/chi o-kuri kámbé ekó. Nké banet-mbâm ámbe ba/raa ba/fu, mbé baa*fwôo atông*.

Ezékyel 7:14

Ba-kpet ng ntán ejwá nang yeě o-kpet byiko ekpá. Nké onet o*fí mú o/chi o-dim byití* ké nǎ, kafâ esa ńké Osówo ka/chi ka-ta nang yeě.

Hozáya 5:8

Jwá n̂g bantán-byití ké Gyíbya. Wonge ê agurubí ké Ríma. Nyán n̂ byití ké Bétel. Banet ḿbé Běnjámin, nwa n̂g byití.

Émos 3:6

Ntán-byití o-man n eróng ké oshê? mú oo*chi banet ba-shî*? Busông bu-man n enung ké oshê? â Óburúkpâbí o*da/twóm kámbú*?

Zefanyâ 1:16

dyicí ńdyí biintán-byití ejwá ne dyiwonge ńdyí byití ḿbyí badanwa ne eshê nyí ba/bi ekpe ba-wáp kányí, ne ńdyí badanwa ne biǐnyáám-byikit-mbâm.

Nómba 31:6

Músis o-twóm kámbé byití, o-tî Fyinéhas mú wǎn-Elyǎza mú nchi kyifen-Osówo, mú o/mû onet-dyishí mú banet ḿbé badatún byěm-Osówo ne biintán-byití o/fu, okyú onet-dyishí-basúja.

1 Koríntyan 14:8

Ne â nang onet mú mu o-jwá ng ntán-byití o*da/jwá wááng o-kó banet kanong kanong* yeě odakpá byiko ḿbyí byití.

Dyitórónómyi 20:1

Ké nkéré mú baa/dim byití edanwa ne banet-bushwôn enen, ba-ri bubyî-orá ne bamútu ḿbé bubyî-orá budatut ne basúja chwóó ḿbé ba/jê ba-shwôm ḿbé enen, *da n̂g echi ba-shî kámbé*. Óburúkpâbí mú mu Osówo enen, mú o/nyii běn ké abwô nyí Éjip o/chi o-kyú ne ben.

Jóshwa 6:5

Mbé bajwá kâng ntán obónge mú odabwon. Â ba-jwo ng okwan ámu ba-bâ, kángkáng banet bawonge kakânkakân, ekpe nyí ba/bi ba-wáp oshê ba-fé ké kafâ e/chi e-myii. Basúja eyên bamúmú baca ocǎng kashú káshu ba-nung ké oshê.

Jójis 10:12

ne ḿbé Sádon ne ḿbé Amálek ne ḿbé Máwon ba/mû ba/cít běn ké nkéré mú o/shwôm ké esim, ba-tii ba-kó mě, me n*da běn enyii ké abwô ebe dí*.

Jójis 10:8

Ké aje onyiryiká ne achât, mbé ba/cít kángkáng banet-Ézerel ḿbé ba/mû ba-kyú u ké esí-banet-Ámon, ké kyicê-Jódan ńkyí esû nyi e-byí i, ké esí nyí Gyílet, ba-kye to kámbé busông.

Jójis 2:18

Nang nkéré orá nké Óburúkpâbí o/kye banet-Ézerel onet-dyishí, nyǐ o-chwáp ng onet ámu o-nyii banet-Ézerel ké abwô-banet-bushwôn ebe, â onet ámu o/tôong okpó. Óburúkpâbí o-ri ng kámbé bafip, ké nǎ, mbé mbe ba-byâ ké busông ebe ḿbú mbe ba-ri ng, ne ocît to mú baa/cít kámbé.

Jójis 3:27

Ké nkéré mú o/nung áku ké esí nyí Éferem, nyí eku éku, o/yip ntán o-jwá eringe nyí odakó banet-Ézerel ba-da-nwa byití. O-kpî kámbé kâng ba-fím kyíbóng-eku ba-shû kyísí.

Jójis 6:34

Busa ḿbú Busun ḿbú Óburúkpâbí bu-nung Gyídyon ké byiko, o-jwá ntán eringe odakó banet ḿbé ba/fím ké kyikim-kyikû-banet ńkyí Abyǎza ba-ca ne nyǐ ké kyikû.

Jójis 6:9

Me n/nyii běn ké abwô nyí banet-Éjip ne nyí banet ḿbé ba/mû mbe ba-nwa ng ne ben nyín ké esí ńnyín. Me n/ró kámbé ba-chêe ńdyí ben bamu ba-bâ, ne me n/kye běn ben esí ebe.

1 Sámwel 10:18

O-raa ne mbé o/fu, Óburúkpâbí mú Osówo-Ézerel mu o-raa ng o/fu, me nké n/fîm běn ba-byí ké Éjip, n-nyii běn ba-fem ké abwô nyí banet-Éjip ne nyí kángkáng banet ḿbé áku, ḿbé ba/mû mbe ba-cít ng běn.