Nómba 10:10 - Bokyi Bible

¹⁰ Ké bankéré ḿbé bunyîn-dyityém to, wǎ ḿbé ajî-byifen enen ḿbyí otukáku mú ofyîfî, ne ḿbé ajî-byifen enen byikíri, jwá n̂g biintán ámbyi ké nkéré ba-kú ba-chi i byifen enen ḿbyí byirim-byitú eshí ne byifen ḿbyí okwáre ne Óburúkpâbí. Me kâng n/chi n-chwáp běn. Me n-chi i Osówo Óburúkpâbí enen.

Nómba 10:10 Iomraidhean Croise

2 Kyîng 4:23

Otyép emen o-bí ǎ o/fu, ebóng amu a-wâa ng kurún. Kurún, *chí dyicí-ékwâbashi* nang ńdyí dyijî-kyifen ńkyí otukáku mú ofyîfî*. Mú onyinyi o-faa ǎ o/fu, *dachi a-kérê*.

1 Korónyíkil 15:28

Ne kángkáng banet-Ézerel kâng ba-dim ne mkpukpu-byěm-Osówo ké kyikû tete ba-byí Jerúsélem, ba-jêe ng ba-câ ne ejá kyíbóng kyíbóng nyí bunyîn-dyityém, ne ejá-biintán ne byícícágé ne ácîng.

1 Korónyíkil 16:42

Héman ne Jédutun ba/mû to banet-ashí ḿbé biintán ne byícícágé ne byitógé-ane byikíri ḿbyí ba/mû ba-kim m ké nkéré ba/mû ba-kwán n ekwan-akpee. Banet ḿbé ba/fím kyikim-banet ńkyí Jédutun ba/mû banet-ashí ḿbé afyi ebám.

2 Korónyíkil 29:26

ḿbyí mbyi wǎ byitógé-ane ḿbyí Otu Dívit o/mû o-kim m. Banchi kyifen-Osówo ba/bwom to ányi ne biintán.

2 Korónyíkil 29:28

Nang yeě mú o/mû ányi o/cibi ké ofê ekye, ne ekwan ekwán ne ane ekim byi/ce kashú tete ba-shí kángkáng byifen ámbyi.

2 Korónyíkil 7:6

Banchi kyifen-Osówo ba/bwom ké byikit ḿbyí ba/tî kámbé, ne bǎmgbán ebe ba/bwom ba-bírî kámbé kashú ba-kyâ Óburúkpâbí akpee ne byitógé-ane ekim ḿbyí Otu Dívit o/mû o/kye kámbé, ba-kwán okwan mú kyijé emen ńkyí kii*man* wǎ eringe nyí Otu Dívit o/kye kámbé busa. Banchi kyifen-Osówo ba/jwá biintán ńdyí kángkáng banet mbe nensang.

Ézara 3:10

Ké nkéré ba/kpet kyikû-ekpe ńkyí kiǐtí-kyise-kyifen-Osówo echi ebi, banchi kyifen-Osówo ba/fé byídí-ociring ebe ba-bwom ké byikit ebe ne bantán ké abwô, ne bǎmgbán-banchi kyifen-Osówo ḿbé kyikû-banet ńkyí Ásap ba/bwom ányi ne basámba. Mbé ba/kye Óburúkpâbí akpee wǎ eringe nyí ba/mû ba/sét kámbé kyi-fím ké nkéré-Otu Dívit.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 150:3

Kye n̂g ǎ akpee ké biintán ejwá. Kye n̂g ǎ akpee ké ácîng ne égûm ekim.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 81:3

Jwá n̂g kiintán ńkyí dyijî-kyifen ké nkéré-otukáku mú ofyîfî odabyí, ne ké nkéré oo/kwárê.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 81:4

Nyín kyije ńkyí nkyi ké Ézerel, ńkyí nkyi busa ḿbú bu/fím ne Osówo mú Jekôp.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 89:15

Bunyîn-dyityém bu/jê banet ḿbé mbe ba-kyâ ǒ ofê ké ekwan, ḿbé mbe ba-kpen n ké kiinwángé ńkyí kanong eyên.

Ézódos 28:29

Ké nkéré Éron oo/nung ké nfût-ociring, nyǐ ofé kiimbam-kakim ńkyí ba/sáng azîn nyí byikû-banet ḿbyí Ézerel, eringe nyí me Óburúkpâbí ndakûzîim banet ejí kángkáng nkéré.

Ézódos 30:16

Koo akpuga ńnyín ne banet ḿbé Ézerel a-tî kányí ké bǎmkpóngé ḿbé mpyep mú ndakyú echi. Akpuga-dyishí ńnyín a/chi a-bwom ké dyishí ńdyí akpen ebe, ne me n/chi n-zîim n-ku kámbé.

Azáya 27:13

 dyicí ándyi dyi/fyi, ba/chi ba-jwá ntán ba-kó kángkáng banet ḿbé Ézerel ké Asyírya ne ké Éjip, ḿbé ba/mû baa/jé ké eshê ányi. Mbé ba/chi ba-bâ ba-ba-fé Óburúkpâbí ké Jerúsélem, ké kaku-ociring emen.

Nómba 10:9

Ké nkéré ba-kú ba-nwa ng byití ké esí enen, ba-ku ng byiko enen ké abwô nyí banet-bushwôn enen ḿbé mbe ba-kyâ běn bunwa, jwá n̂g biintán ḿbyín wǎ ekap nyí byití eróng. Me Osówo Óburúkpâbí enen n/chi n-zîim běn n-nyii běn ké abwô nyí banet-bushwôn enen.

Nómba 28:11

Chi n̂g kyifen-byěm eshí ba-kye Óburúkpâbí ké kiimkpet kyikû-otukáku nang orá, eyáré nyí byisu-batyép-mpong byifee ne otyítǎm obónge ne bwǎn-etyítǎm káchâtkányi ḿbé baa/rí dyije dyibónge ḿbyí byi*fí ne kyinêm*.

Nómba 29:1

Ké mbwôp kashú-dyicí ńdyí etukáku káchâtkányi, cibi n̂g kyikit kyibónge ba-kye Óburúkpâbí ofê. *Da n̂g echi bǎmkpóngé*. Ké dyicí ándyi, jwá n̂g biintán.

Mátyuu 11:28

Bâ n̂g ba-kâm mě, ben ḿbé baa/kyee ké biǐróró-atû enen etû. Ne me n/chi n-kye běn dyijâng.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 10:4

Konélus o-bírî achi o-tún orím mú onong ámu ne bushî, ne o-bí ǎ o/fu, ebóng, ǎ bonchí. Orím mú onong ámu o-faa ǎ o/fu, Osówo oo/jwo banshwam eyên, o-ri bǎmkpóngé-dyityém ecángê ḿbé amu a-chi i, ne o-kú o-faa ng ǒ ojá ké mbyí.

1 Koríntyan 15:52

wǎ eringe onet odamyâp achi, ké nkéré mú ntán mú nkuli kyikû oo/jwá. Ké ebóng, ké nkéré ntán ámu oo/jwá, Osówo o/chi o-jwóbê banet ḿbé baa/kpú ba-bwa ké dyikpen ńdyí baa*kpú to*. Ne Osówo o/chi o-yángê bě be ashí amúmú.

1 Tesalónyan 4:16

Ejá e/chi e-nyán kakânkakân, ejá nyí otu mú barím ḿbé banong, ne kyirime-ntán mú Osówo, ne Otu Kyítá oyén o/chi o-fím kyíbóng o-bâ kyísí. Banet ḿbé ba/mû ba/bángê ké Karâs ne ba-kpú nké ba/chi ba-bwóp kashú ba-jwóbê ba-bwa ké dyikpen.

1 Tesalónyan 4:18

Ké bubwô ḿbún kâng, chi n̂g nang yeě nang yeě o-firi ké bunyîn-dyityém ne byiraa ḿbyín.

Jóshwa 4:7

ben ba/chi ba-sét kámbé ba/fu, kace ńké badakó Jódan ka/mîng esen nkéré mú ba/kúng mkpukpu-byěm-Óburúkpâbí ba-nyáng kánké. Aká ńnyín a/chi a-kûzîim banet-Ézerel kángkáng nkéré kyi-kim ne ńkyí kyi/chi nyín.

Jóshwa 6:4

Banchi kyifen ejí ashí káchâtkányi bakúng bantán káchâtkányi ba-bwóp mkpukpu-byěm ejí kashú. Ké ací káchâtkányi, wo ne basúja eyên, cen n̂ ba-wáp oshê ámu kampén káchâtkányi, banchi kyifen ejí bacen to ba-jwá ng bantán ámbe.

Revelíshon 22:17

Busun-Osówo ne onyinyi ámu mú mu o-bé ng dyibé ba/raa ba/fu, bâ kâng, ǎ Kyítá. Nang yeě nké mu o-jwo ng ńkyín o-man o-raa o/fu, bâ kâng. Nang yeě mú omu mu o-jê ng ǎ, mú mu o-ryuu ng kámú, obâ o-koo omu mú odakye dyikpen wǎ eyáré.

1 Sámwel 20:5

Dívit o-faa ǎ o/fu, nencí dyijî-kyifen ńkyí otukáku mú ofyîfî, ne me m-man n-ryí byiryíng kyikit kyibónge ne Otu Sôl. Nké â kyi/nyîn ǒ, me n/chi n-dim n-da-rem ké byifát tete dyikurúku ńdyí ací afee dyi-fyi.