Nyín něen azîn-banet ḿbé ba/mû bantóbe byěm-oshê ké byikû-banet ḿbyí Ézerel. Ké kyikû-banet ńkyí Rúben, Elyǎza mú wǎn-Zíkiri nké o/mû ntóbe byěm-oshê. Ké kyikû-banet ńkyí Syímyon, Shefátya mú wǎn-Máka nké o/mû ntóbe byěm-oshê. Ké kyikû-banet ńkyí Lyíva, Hashabyâ mú wǎn-Kémwel nké o/mû ntóbe byěm-oshê. Ké kyikû-banet ńkyí Éron, Zádok nké o/mû. Ké kyikû-banet ńkyí Júda, Elyíhu mú wǎn-boné-Otu Dívit nké o/mû. Ké kyikû-banet ńkyí Ézaka, Ómiryi mú wǎn-Mákel nké o/mû. Ké kyikû-banet ńkyí Zébélon, Eshimáya mú wǎn-Obadyâ nké o/mû. Ké kyikû-banet ńkyí Nafatályi, Jérémot mú wǎn-Azaryêl nké o/mû. Ké kyikû-banet ńkyí Éferem, Hoshâ mú wǎn-Ázaza nké o/mû. Ké kyikû-banet ńkyí Manáse, ńkyí kyicê ńkyí óbyísû mu o-ríbî ng o-jâ, Jówel mú wǎn-Pedáya nké o/mû. Ké kyikû-banet ńkyí Manáse, ńkyí kyicê ńkyí óbyísû mu o-byí i, Édo mú wǎn-Zákaryâ nké o/mû. Ké ńkyí Běnjámin, Jásel mú wǎn-Ábina nké o/mû. Ké ńkyí Dǎn, Azárel mú wǎn-Jeróham nké o/mû.
Nómba 1:5 - Bokyi Bible5-16 Nyín něen banet-ashí ḿbé ba/cá kámbé ba/fu, bachi bǎmkpóngé ḿbén. Ké kyikû-banet ńkyí Rúben, Elyízu mú wǎn-Shédu nké o/mû onet-dyishí. Ké kyikû-banet ńkyí Syímyon, onet-dyishí o/mû Shelúmyel mú wǎn-Zúryishadyâ. Ké kyikû-banet ńkyí Júda, Náshwon mú wǎn-Amínádap nké o/mû onet-dyishí. Ké kyikû-banet ńkyí Ézaka, Netánel mú wǎn-Zúwa nké o/mû onet-dyishí. Ké kyikû-banet ńkyí Zébélon, onet-dyishí o/mû Élyap mú wǎn-Hélon. Ké kyikû-banet ńkyí Éferem, onet-dyishí o/mû Elyíshama mú wǎn-Amyíhut. Ké kyikû-banet ńkyí Manáse, Gamályel mú wǎn-Pédazu nké o/mû onet-dyishí. Ké kyikû-banet ńkyí Běnjámin, Abyídan mú wǎn-Gyídyonyi nké o/mû onet-dyishí. Ké kyikû-banet ńkyí Dǎn, Ahéze mú wǎn-Amyíshadyâ nké o/mû onet-dyishí. Ké kyikû-banet ńkyí Ásha, Págyel mú wǎn-Ókaran nké o/mû onet-dyishí. Ké kyikû-banet ńkyí Gât, Elyǎsap mú wǎn-Dúwel nké o/mû onet-dyishí. Ké kyikû-banet ńkyí Nafatályi, Ahíra mú wǎn-Énan nké o/mû onet-dyishí. Faic an caibideil |
Nómba 1:5
17 Iomraidhean Croise
Banet ḿbé Rúben ba/chi ba-bi boompyep ebe ké kyikit ńkyí ekap ebe, ké byikim ké byikim, ké kyicê ńkyí busyísen. Banet-ashí ebe ba/mû něen. Ké kyikû-banet ńkyí Rúben, Elyízu mú wǎn-Shédu nké o/mû onet-dyishí, ne ocím-banet emen o/mû égot etánge etánge ké bajam-byikit bafee esim nyâchât ne égot efee esim-bajam-banet batánge. Ké kyikû-banet ńkyí Syímyon, Shelúmyel mú wǎn-Zúryishadyâ nké o/mû onet-dyishí, ne ocím-banet emen o/mû égot etánge etánge ké bajam-byikit bafee esim-byikit onyiryiká ne byinyii esim-égot ne kyicê. Ké kyikû-banet ńkyí Gât, Elyǎsap mú wǎn-Dúwel nké o/mû onet-dyishí, ne ocím-banet emen o/mû égot etánge etánge ké bajam-byikit bafee esim-byikit byitánge esim-égot-banet efee. Ocím-banet omúmú ké byikû-banet ḿbyín byichât o/mû égot etánge etánge ké bajam-byikit káchâtkányi esim-byikit diǐkpú ne din ne égot-banet efee ne bajam-banet bafee esim diǐkpú. Kyikû-banet ńkyí Rúben nké ba/chi ba-jaa ké boompyep ebe ba-nye banet ḿbé Júda.
Banet ḿbé Júda ba/chi ba-bi boompyep ebe ké kyikit ńkyí ekap ebe, ké byikim ké byikim, ké kyicê-mpyep mú Óburúkpâbí ńkyí óbyísû odabyí. Banet-ashí ebe ba/mû něen. Ké kyikû-banet ńkyí Júda, onet-dyishí o/mû Náshwon mú wǎn-Amínádap, ne ocím-banet emen o/mû égot etánge etánge ké bajam-byikit bachât esim-byikit onyiryiká ne byinyii esim-égot echât. Ké kyikû-banet ńkyí Ézaka, Netánel mú wǎn-Zúwa nké o/mû onet-dyishí, ne ocím-banet emen o/mû égot etánge etánge ké bajam-byikit bafee esim-byikit diǐkpú ne byinyii esim-égot efee. Ké kyikû-banet ńkyí Zébélon, onet-dyishí o/mû Élyap mú wǎn-Hélon, ne ocím-banet emen o/mû égot etánge etánge ké bajam-byikit bafee esim onyiryiká ne byifee esim-égot efee. Ocím-banet omúmú ké byikû-banet ḿbyín byichât o/mû égot etánge etánge ké bajam-byikit kátángekányi esim-byikit nyâchât esim-égot-banet efee. Kyikû-banet ńkyí Júda nké kyidabwóp kashú ké nkéré mú ba/chi ba-jaa oshê ebe.
Mbé ba/kye eyáré ebe ké otáng něen. Ké mbwôp kashú-dyicí, Náshwon mú wǎn-Amínádap, mú onet-dyishí mú kyikû-banet ńkyí Júda nké o/kye eyáré. Ké nnyinyěng dyicí, Natánel mú wǎn-Zúwa, mú onet-dyishí-kyikû-banet ńkyí Ézaka nké o/kye eyáré. Ké ací achât, Élyap mú wǎn-Hélon, mú onet-dyishí-kyikû-banet ńkyí Zébélon nké o/kye eyáré. Ké ací anyii, Elyízu mú wǎn-Shédu, mú onet-dyishí-kyibû-banet ńkyí Rúben nké o/kye eyáré. Ké ací atánge, Shelúmyel mú wǎn-Zúryishadyâ, mú onet-dyishí-kyikû-banet Syímyon nké o/kye eyáré. Ké ací nyâchât, Elyǎsap mú wǎn-Dúwel, mú onet-dyishí-kyikû-banet ńkyí Gât nké o/kye eyáré. Ké ací káchâtkányi, Elyíshama mú wǎn-Amyíhut, mú onet-dyishí-kyikû-banet ńkyí Éferem nké o/kye eyáré. Ké ací nyíryinyi, Gamályel mú wǎn-Pédazu, mú onet-dyishí-kyikû-banet ńkyí Manáse nké o/kye eyáré. Ké ací kátángekányi, Abyídan mú wǎn-Gyídyonyi, mú onet-dyishí-kyikû-banet ńkyí Běnjámin nké o/kye eyáré. Ké ací diǐkpú, Ahéze mú wǎn-Amyíshadyâ, mú onet-dyishí-kyikû-banet ńkyí Dǎn nké o/kye eyáré. Ké ací diǐkpú ne din, Págyel mú wǎn-Ókaran, mú onet-dyishí-kyikû-banet ńkyí Ásha nké o/kye eyáré. Ké ací diǐkpú ne afee, Ahíra mú wǎn-Énan, mú onet-dyishí-kyikû-banet ńkyí Nafatályi nké o/kye eyáré. Eyáré nyí nang yeě o/bê ne nyǐ e/mû eringe ebónge. Nang yeě o/bê ne egbimgbang-syílyíba ebónge nyí e/mû kyílogaram obónge ne kyicê ké burô, ne dyicáng-syílyíba dyibónge ńdyí dyi/mû égot-bagarâm enyii ké burô. Ba/kan burô ebe eringe nyí badakan byěm ké mpyep mú Óburúkpâbí. Ba/fé filáwa mú badachi berêt, mú ba/chwáp bakút ké mǔ, mú badakúng ba-kye wǎ eyáré-esang-byichí. Ba/bê to ne kaǎcáng-gûl kabónge ńké ka/mû bajam-bagarâm batánge esim diǐkpú ké burô. Ba/fé burwan ké kafâ pwat. Ba-bâ ne kyisu-otyép-mpong kyibónge ne otyítǎm obónge ne wǎn-etám-ebû obónge mú oo/rí dyije, ḿbyí kyifen ńkyí badashí kyirim-enyam. Ba-bâ ne ebúbǔu nyí kyifen-byibî efîm. Ba-bâ ne batyép-bampong bafee ne etyítǎm etánge ne ebúbǔu etánge ne bwǎn-etám-ebû batánge ḿbé baa/rí dyije, ḿbyí badachi kyifen-okwáre ne Óburúkpâbí.